Читайте также:
|
Молитва святой мученице Иулии Карфагенской
О, голубеце Христова, чудная дево Иулие, многия скорби претерпела еси от малых лет. Быв в рабстве у язык, верность Христу сохранила еси. Не убоялася угроз и на прельщение не поддалася. Соблюдши чистоту душевную и телесную, предстоя у престола Владыки, помози и нам грешным, твоея помощи просящим, соблюсти чистоту и целомудрие. Быв мучима от злых язык, до смерти претерпела еси. Смерти же крестныя. Моли же Всемилостиваго Спаса о укреплении в нас веры, и о ниспослании в скорбех терпения! Получив же благодать от Бога, недужным цельбы источати, не презри и нас грешных, твоея помощи просящих. Подаждь нам цельбы в недузех наших. Радуйся чудотворице великая, мученице Иулия! Агница Христова моли Бога о нас! Аминь.
Канон
Песнь 1
Ирмос: Во глубине постла иногда фараонитское всевоинство преоруженная сила; воплощшееся же Слово всезлобный грех потребило есть: препрославленный Господь, славно бо прославися.
Припев: Святая мученице Иулие, моли Бога о нас.
В земли Африканстей произросла еси. На ниве Епенетовой. Иулие дево, крине благоуханный. Отросль лозы Боголюбивой.
Припев: Святая мученице Иулие, моли Бога о нас.
От юности Бога возлюбила еси. Кротость и послушание стяжавше. Ветвь древа благородного. Добрый нрав унаследовала еси.
Слава Отцу и Сыну и Святому Духу.
Радуйся агница Христова Иулие. яко имаши дерзновение велие. Помогай нам немощным. Духа Святаго стяжевати.
И ныне и присно и во веки веков аминь.
Превышши явилася еси Чистая, всякия твари, видимыя же и невидимыя, Приснодево: Зиждителя бо родила еси, якоже благоволи воплотитися во утробе Твоей. Егоже со дерзновением моли спасти поющия Тя.
Песнь 3
Ирмос: Процвела есть пустыня, яко крин, Господи, языческая неплодящая церковь, пришествием Твоим, в нейже утвердися мое сердце.
Припев: Святая мученице Иулие, моли Бога о нас
Процвела еси на ниве Карфагенстей. Чадо Боголюбивое святая Иулие. Подражала еси житию ангельскому. И сподобилася венцев великих.
Припев: Святая мученице Иулие, моли Бога о нас
Напиталася еси млеком чистым. Боговдохновенных писаний. Возлюбивши премудрость Божию. Паче тлена земнаго.
Слава Отцу и Сыну и Святому Духу.
Предстоящще пред престолом Господним. Моли Всемилостевого Спаса. О ниспослании нам кротости и терпения. Яже стяжевала еси.
И ныне и присно и во веки веков аминь.
Чини удивишася ангельстии, Пречистая, и человеческая устрашишася сердца о рождестве Твоем. Темже Тя Богородицу верою чтим.
Тропарь:Возросла еси на ниве Карфагенстей,/ отроковицею продана быхом в рабство,/ соблазняема быв от язычника,/ предпочла Жениха Небеснаго жениху земному,/ презрела богатство тленное,/ быв поставлена над домом всем,/ преумножила добро господина своего,/ от безбожных язык мучение лютое прияла еси,/ в земли Корсиканстей, тело твое нагое, крючьями железными терзаемо было,/ за власы главы твоея, подвешена быв на древо,/ и сосцов усечение претерпела еси,/ сии же пав на земь источницы целебныя извели из земли,/ на Кресте быв распята-дух испустила еси,/голубица тотчас воспариша, ангели же предсташа,/ от гроба подаеши исцелений множество,/ мощми же почиваяй на земли Италийстей,/ныне в чертозех небесных престолу Божию предстоя,/моли о нас невесто Христова Иулия славная,//любовию чтущих святую память твою.
Песнь 4
Ирмос: Пришел еси от Девы, не ходатай, ни Ангел, но Сам, Господи, воплощся, и спасл еси всего мя человека. Тем зову Ти: слава силе Твоей, Господи.
Припев: Святая мученице Иулие, моли Бога о нас
В отрочестве своем, от лет малых. Пребыла еси в посте и молитве. Богу обеты в сердце начертала еси. Сохранити в чистоте душу и тело.
Припев: Святая мученице Иулие, моли Бога о нас
Лишившись крова отеческаго, в рабстве пребыла еси. У язык нечестивых, в земли серийстей. Наипаче возлюбив Жениха небеснаго. Презрела еси жениха земнаго.
Слава Отцу и Сыну и Святому Духу.
Яже чистоту соблюла еси. Помогай и нам устояти. И поборати супостаты. Мечом поста и щитом молитвы.
И ныне и присно и во веки веков аминь.
Тя пристанище спасения, и стену необориму, Богородице Владычице, вси вернии вемы: Ты бо молитвами Твоими от бед избавляеши души наша.
Песнь5
Ирмос: Ходатай Богу и человеком был еси, Христе Боже: Тобою бо, Владыко, к светоначальнику Отцу Твоему, от нощи неведения приведение имамы.
Припев: Святая мученице Иулие, моли Бога о нас
Ветвь дивная, древа Аналсонова. Яко Иосиф в рабство продана еси. Постродавши от рук нечестивых язык. Но яко сосуд чистый, преисполнена благодати.
Припев: Святая мученице Иулие, моли Бога о нас
Угроз не устрашилася. И на прельщения не польстившись. Верность Христу сохранила еси. Отвергнув соблазны язык нечестивых.
Слава Отцу и Сыну и Святому Духу.
Добродетелью просиявше, уподобилась Иосифу. В управление домом поставлена еси. Тебе ради умножи Бог, дом сей. И смягчи сердце господина твоего.
И ныне и присно и во веки веков аминь.
Моли Твоего Сына и Господа, Дево Чистая, плененным избавление от противнаго обстояния на Тя надеющимся, мирное даровати.
Песнь 6
Ирмос: Во глубине греховней содержимь есмь, Спасе, и в пучине житейстей обуреваемь; но якоже Иону от зверя, и мене от страстей возведи, и спаси мя.
Припев: Святая мученице Иулие, моли Бога о нас
Просияла еси на ниве Корсиканстей. Претерпевши мучения многия. Засеяла семя, веры твердой. И оросила еси кровию своею.
Припев: Святая мученице Иулие, моли Бога о нас
О многострадальная дево Иулие. Терзаема еси крючьями железными. За власы на древо подвешена быв. Исповедала Христа дерзновенно.
Слава Отцу и Сыну и Святому Духу.
Усечение персей претерпела еси. Абие источницы воднии проистекше. Теплый и хладный. Силу имейяй цельбы подавати.
И ныне и присно и во веки веков аминь.
Неискусомужно, Дево, родила еси, и вечнуеши Дева, являющи истиннаго Божества, Сына и Бога Твоего, образы.
Кондак: От юности Христа Единаго возлюбивши,/ и Тому страданьми последовала еси,/ глубиною смирения и любви Божественной,/ подобно Владыке на Кресте смерть прияла,/ и врага посрамила еси,/ якоже белая голубица ко Престолу Цареву вознеслася,/ дево мученице Иулия славная,/ моли Всеблагова Бога,// да спасет души наша.
Песнь 7
Ирмос: Богопротивное веление беззаконующаго мучителя высок пламень вознесло есть; Христос же простре благочестивым отроком росу духовную, Сый благословен и препрославлен.
Припев: Святая мученице Иулие, моли Бога о нас
Удостоилася пострадати подобно Господу. Распятие крестное претерпев. В отшествии же от жития земнаго. Голубица белая из уст воспарила еси.
Припев: Святая мученице Иулие, моли Бога о нас
О благоверная мученице, дево Иулие. Пречудный перл небесный. Ангелов имела еси стражниками при кресте. И упокоилася в обители Господней.
Слава Отцу и Сыну и Святому Духу.
О крине велелепный Иулие. В земли маргаритстей погребена еси. Цельбы многия подаеши. Имаши дерзновение велие пред Господом.
И ныне и присно и во веки веков аминь.
Святых Святейшую поразумеваем Тя, яко Едину роджшую Бога непременнаго, Дево нескверная, Мати безневестная: всем бо источила еси верным нетление, Божественным рождеством Твоим.
Песнь 8
Ирмос: Пещь иногда огненная в Вавилоне действа разделяше Божиим велением, халдеи опаляющая, верныя же орошающая, поющия: благословите, вся дела Господня, Господа.
Припев: Святая мученице Иулие, моли Бога о нас
Возжелала еси следовати Христу. Приобщитися страданий Его. И войти во славу и царствие Его. Глаголя «Господеви работати, есть свобода моя.».
Припев: Святая мученице Иулие, моли Бога о нас
По естесву жена по сути муж. Уподобилася еси отцам преподобным. Взошедше по стопам их на пир Агнчий. Помози и нам путем сим восходити.
Слава Отцу и Сыну и Святому Духу.
Просиявше добродельми многими. Увенчалася еси венцем небесным. Восприяла на рамена своя. Подвиг крестный и последовала еси Христу.
И ныне и присно и во веки веков аминь.
Ты от Отца неразлучнаго, во чреве богомужно пожившаго, безсеменно зачала еси, и несказанно родила еси, Богородительнице Пречистая: темже Тя спасение всех нас исповедаем
Песнь 9
Ирмос: Безначальна родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.
Припев: Святая мученице Иулие, моли Бога о нас
Предстоя пред престолом Христовым. Имаши дерзновение велие. Моли Владыку небеси и земли. Да умножит в нас веру и спасет души наши.
Припев: Святая мученице Иулие, моли Бога о нас
О великая чудотворице Иулие. Яко подаеши цельбы многия. В земли корсиканстей и италийстей. Идеже мощми почиваеши. тако и нам подавай цельбы душ и телес.
Слава Отцу и Сыну и Святому Духу.
На месте страданий твоих. Храм велелепный вознеслся.
Идеже указала еси. И ныне ликуеши с лики святых.
И ныне и присно и во веки веков аминь.
Чертог была еси, иже паче ума, воплощения Слова, Дево Богородительнице, одеяна славою добродетелей и испещрена. Тем Тя, Всенепорочная, Богородицу возвещаем.
Молитва
О, голубеце Христова, чудная дево Иулие, многия скорби претерпела еси от малых лет. Быв в рабстве у язык, верность Христу сохранила еси. Не убоялася угроз и на прельщение не поддалася. Соблюдши чистоту душевную и телесную, предстоя у престола Владыки, помози и нам грешным, твоея помощи просящим, соблюсти чистоту и целомудрие. Быв мучима от злых язык, до смерти претерпела еси. Смерти же крестныя. Моли же Всемилостиваго Спаса о укреплении в нас веры, и о ниспослании в скорбех терпения. Получив же благодать от Бога, недужным цельбы источати, не презри и нас грешных, твоея помощи просящих. Подаждь нам цельбы в недузех наших. Радуйся чудотворице великая, мученице Иулие. Агница Христова моли Бога о нас. Аминь.
(составлено 2012-2014)
Дата добавления: 2015-07-16; просмотров: 100 | Нарушение авторских прав
| <== предыдущая страница | | | следующая страница ==> |
| Мученица Иулия карфагенская | | | Сью Таунсенд. Страдания Адриана Моула |