|
Читайте также: |
Тақырыбы: «Дискілерге қызмет көрсету. Файлдарды архивтеу.
Антивирустық бағдарламалар.»
Мақсаты: Д искілермен жұмыс жасай білуге үйрету, дискіні форматтау, диск бетіндегі физикалық ақауларды тексеру, дискіні, бумалар мен файлдарды вирусқа тексеру, архивтеу бағдарламаларын пайдалана білу дағдыларын қалыптастыру.
Негізгі ұғымдар:
Дискіні форматтау – операциялық жүйе және оның қосымшалары дискіге мәліметтер мен бағдарламаларды жазатындай, оқитындай және т.б. әрекеттерді орындайтындай жағдайға келтіру үшін оның бетін саны шектеулі секторларға, жолдарға бөлу, яғни дискінің бетін жұмысқа даярлау.
Дискіні тексеру стандарт қызметші бағдарлама (Проверка диска) көмегімен дискінің файлдық жүйесіндегі қателерді, секторлардағы ақауларды табуды және оларды жөндеуді білдіреді.
Дискіні дефрагментациялау стандарт қызметші бағдарлама (Дефрагментация диска) арқылы, компьютер жұмысының өнімділігін арттыру үшін, бір дискі көлемінде шашырай орналасқан файлдың бөліктерін бір-біріне жақын облыстарға жылжытып, дискідегі үзік-үзік орналасқан бос облыстарды жоюды қамтиды.
Архивтеу бағдарламалары – көлемі үлкен файлдарды сығып, көлемін кішірейтіп архивке орналастыруды білдіреді. Бұл тәсілдің файлдарды сақтаушы құрылғыларға көшіруде, желі арқылы тасымалдауда өте маңызды практикалық мәні бар. Файлдарды архивтеу үшін және архивтелген файлды қайтадан қалпына келтіру үшін арнайы архивтеу бағдарламалары қолданылады. Кең тараған архивтеу бағдарламаларына WINZIP, ARJ, WINRAR және т.б. бағдарламалары жатады. Файлды архивтеуде қандай бағдарлама қолданылса, оны қалпына келтіруде де тап сол бағдарлама қолданылуы қажет.
Компьютерлік вирустар – бұл дискідегі мәліметтердің бұзылуына, соның нәтижесінде компьютер жұмысында түрлі ақаулардың болуына себебін тигізетін, шағын көлемдегі файл түрінде болатын, арнайы жазылған компьютерлік бағдарламалар. Қазіргі ақпараттық технологиялар индустриясында вирустық бағдарламалардан қорғану маңызды мәселелердің бірі. Компьютерді вирустық бағдарламалардан қорғау үшін арнайы антивирустық бағдарламалар деп аталатын програмалар қолданылады. Олардың қызметі- к омпьютерлік вирустарды ұстап алу, іздеп тауып алу, жою, т.б. және олардың қызметі үнемі жетілдіріліп отырады. Кең тараған антивирустық бағдарламаларға Doctor Web, AVP, Norton Antivirus жатады.
Жаттығу жұмыстары:
Дата добавления: 2015-07-19; просмотров: 487 | Нарушение авторских прав
| <== предыдущая страница | | | следующая страница ==> |
| Жаттығу. Сілтеуіш бағдарламасымен жұмыс жасау. | | | ЗЕРТХАНАЛЫҚ ЖҰМЫС №3 |