(вариант)
Табу, табу дын рухс Аларды!
Хуссары мæнæу дæ кæрдинаг.
Табу, табу дын рухс Аларды!
Цæгатаг хортæ — дæ хуымилаг.
Табу, табу дын рухс Аларды!
Бур хуымæллæг дын фæрвталайæ.
Табу, табу дын рухс Аларды!
Урс уæрыкк та дын Фæлвæрайæ.
Табу, табу дын рухс Аларды!
Мысыраг æвзист — дæ мысайнаг.
Табу, табу дын рухс Аларды!
Йæ сыгъдæг бæмбæг Бердзенаг.
Табу, табу дын рухс Аларды!
Сызгъæрин систæ дæ базыртæн.
Табу, табу дын рухс Аларды!
Нæ сабитæн нын ныххатыр кæн.
Табу, табу дын рухс Аларды!
Табу, табу дын рухс Аларды!
Ой! — Ой! — Ой!
Гусаты-Æхболæтты Чабæйы ныхæстæй.
1956 аз Дзæуджыхъæу
19.
Сойгæнджыты зарæг кæхцгæнæнты
Сойамонæг: Уæлæсыхмæ дæлæсыхæй сой,
Алы аз дæр æнæсцухæй сой!
Базард: Сой цæуы, сой, сой уæм цæуы, сой!
Сойамонæг: Уæлæ Къорайы æрвы сыфтæ,
Уе ’хсæв хорз уа нæ фысымтæ!
Базард: Сой цæуы, сой, сой уæм цæуы, сой!
Сойамонæг: Хæххон тырты цæгъдинаг,
Уæ ног тырын цæринаг!
Базард: Сой цæуы, сой, сой уæм цæуы, сой!
Сойамонæг: Уæ фырытыл джыджытæ,
Немæ фæндыр, чызджытæ!
Базард: Сой цæуы, сой, сой уæм цæуы, сой!
Сойамонæг: Сопырыхъойы сабæлут,
Уæ дуæрттæ нын бакæнут!
Базард: Сой цæуы, сой, сой уæм цæуы, сой!
Сойамонæг: Холысты сæрмæ цъититæ,
Гогыз æмæ нын чъиритæ!
Базард: Сой цæуы, сой, сой уæм цæуы, сой!
Сойамонæг: Дудахъ сиргæ нæ кæны,
Арахъхъ æмæ нын бæгæны!
Базард: Сой цæуы, сой, сой уæм цæуы, сой!
Сойамонæг: Неси байрæзт таджы был,
Се ’фсин бамбæхст базы бын!
Базард: Сой цæуы, сой, сой уæм цæуы, сой!
Сойамонæг: Зилгæ дымгæ чылдым футт,
Æнхъæлдæн æмæ чъынды стут!
Базард: Сой цæуы, сой, сой уæм цæуы, сой!
Сойамонæг: Карцайы хъæды къæдз фæдæгъд,
Райдайæм уæдæ къæрццæмдзæгъд!
Хостыхъоты Зинæ æмæ чиныджы авторы вариант
20.
Сойфиугæнджыты зарæг Цыппурсы
Вариант
Сойамонæг: Чызджытæ ’мæ лæппутæ
Кæрæдзиуыл æрхæцут!
Гъей!
Базард: Сой, фиу! Сой, фиу! Сой, фиу!
Сойамонæг: Рахизырдæм фæсирæм,
Артыл-артыл æрзилæм!
Гъей!
Базард: Сой, фиу! Сой, фиу! Сой, фиу!
Сойамонæг: Хуыцауæй та цы курæм,
Уациллайæ цы курæм?
Гъей!
Базард: Сой, фиу! Сой, фиу! Сой, фиу!
Сойамонæг: Хуыцауæй та цы курæм?
Фæлвæрайæ та цы курæм?
Гъей!
Базард: Сой, фиу! Сой, фиу! Сой, фиу!
Сойамонæг: Ацы арты цæхæрæй,
Цы басудздзæн къæр-къæрæй?
Гъей!
Базард: Сугтæ ’мæ къæцæлтæ,
Хинтæ ’мæ кæлæнтæ.
Гъей! Гъей! Гъей!
Хæтæлдоны фæсивæды ныхæстæ 1949 азы – X.К.
21.
Дата добавления: 2015-12-01; просмотров: 26 | Нарушение авторских прав