Www.assdin.ru
Хæуытаты Къоста.
Ирон æгъдæуттæ.
ЧИНЫГКÆСÆГМÆ
Фæстаг азты мыхуыры рацыд, сæ мидис диныл æууæндын æмæ рагон ирон æгъдæуттыл нывæст кæмæн у, ахæм бирæ чингуытæ. Ацы чиныг дæр цæмæйдæрты хæстæг лæууы уыдонмæ, цæмæйдæрты та сæ хицæн кæны. Ам нæй, незаманты цы æгъдæуттæ фæзынди, фæлæ царды чи нæ ныффидар, фыдæлтæ сæхæдæг сæ къух кæуыл систой, уыцы æгъдæутты кой. Чиныгмæ нæ бахаудысты, ирон адæмæн иумæйаг чи не сси, фæлæ хицæн кæмтты чи фæзынд, хицæн адæмы къордтæ кæй æххæст кодтой, уыцы æгъдæуттæ æмæ, фæстаг рæстæджы æнæхъуаджы, æнæбындурæй цы иуæй-иу æгъдæуттæ фæзынд, уыдон.
Ацы чиныг дæ бæлвырддæр базонгæ кæндзæн, нæ фыдæлтæ хъысмæты уæззау фæлварæнты кæй бахсыстой, æнусты дæргъы цыкурайы фæрдыгау кæй хъахъхъæдтой æмæ царды гуыргъахъхъ фæндæгтыл махмæ сыгъдæгæй кæй æрхæццæ кодтой, уыцы ирон удыхъæды миниуджытимæ æмæ æгъдæуттæ.
Бæлвырддæр базондзынæ, дин, фыдæлты æгъдæуттæ æмæ æхсæнадон уагæвæрдтæ ирон адæмы царды цы ахъæзаг бынат ахстой æмæ ахсынц, уый.
Цы бирæ фарстатæ дæм ис, уыдонæн чиныджы ссардзынæ цыбыр æмæ æнцонæмбарæн дзуаппытæ.
Зæрдиаг арфæ кæнын, чиныгыл кусгæйæ кæй æвæджиау фæллæйттæ, амындтытæ æмæ фиппаинæгтæй пайда кодтон, уыцы куырыхон адæймæгтæн: Абайты Васойæн, Байсонгъуырты Мысабийæн, Бесаты Беллæйæн, Бокоты Солтанæн, Быгъуылты Къолайæн, Быгъуылты Ольгæйæн, Бузойты Артемæн, Гуытъиаты Хъазыбегæн, Гуыриаты Тамерланæн, Гуыриаты Циппусæн, Гæздæнты Хъазыбегæн, Гусаты Маратæн, Гутынаты-Хъæрæцаты Людæйæн, Гусаты-Лолаты Ферузæтæн, Дегъуаты Соняйæн, Дзанайты Иринæйæн, Джусойты Нафийæн, Джыккайты Шамилæн, Заойты Аслæнбегæн, Кцойты Астейæн (хистæрæн), Лазарты Мурадийæн (Гагийæн), Лолаты Валодяйæн, Уарзиаты Виленæн, Хæдарцаты Черменæн, Хозиты Барисæн, Хъараты Исламбегæн, Хъодзаты Æхсарæн, Цæрæкты-Болатты Оляйæн, Цæрикъаты Барисæн, Цгъойты Хазбийæн, Чеджемты Георæн, Чехойты-Гугкаты Тауырзæтæн.
Автор
Дата добавления: 2015-12-01; просмотров: 37 | Нарушение авторских прав