Укхо яхалга Деба яхалга дар.

— ХӀама хьаалаций укхо?

— Йистхулаш яц.

— Шийна хьакха урс ше лехад, йоах котамо. Из да-кх цо

Леладер а.

— ХӀанзалца хьа-м дика лаьттадар вай ц1а, —■ доккха садаь-

ккхар ТӀоха. — ХӀанз.., — кулгаш доаржадир цо. — Сона хов,

Аьннача хана дов йоах сага ираз.

Уж дешаш чӀоаггӀа хала хийтар Алхаста. Ше а ший вежарий

Бехке беш цо уж аьлча санна хийтар цунна. Шо кхийначул

тӀехьагӀа сий дайр-кх вай яхалга мо дар из. Юха а вӀашкатеӀар

Алхаста баге. Хьажъюкъе шод эттар.

— ТӀох, тхо... дерригаш дайнадац. — аьлар Алхаста.

— Со валар-кх венна, ер ди бӀаргагучул.

НиӀ цӀайзар.

— Вай коа цхьа нах боагӀа, — аьлар Дебас, хьачу а хьажа.

Хьачуяла лоархӀаяизар из.

ТӀох гӀеттар.

, Уж вар кхо саг: нохчои, эрсеи, хӀиреи. ХӀире дӀаваха

Могаш вацар. Йоккхача топа гарг кхийтта ха аьчадар цун. Берри-

га цӀий тӀарш бар цун аьтта оагӀув. Новкъосташа, дехьа-сехьа

баьнна, пхьарсаш лаьца ий а веш воалавора лз. Доарахочо Ӏолув-

зар аьрда ког, аьтта ког лаьттах кхыметтел дӀахьокхабалар а

кхерар из. Аьрда кулг чов яь дар нохчочун а. Из дегӀаца нийсса

Ӏоуллар цун. Ший новкъост цох дӀахьокхавалар кхерар из. Лора-

Дора.

ТӀох, сулхьаш киса а дехка, сихо духьалвахар, ший коа боа-

гӀача наха. Новкъостал де велар из царна, цхьабакъда, нохчочо

Соцавир.

— Сабар, сабар, — аьлар цо. — Тхона г1о де хье воалле, ер

Ӏовилла моттиг нийсъел цӀагӀа. Цул совгӀа, е топаш а дӀаэца.

ТӀох, кхоккхе топ дӀа а ийца, юхавийрзар. Шерра ниӀ дӀайийл-

лар цо. Топаш цунна юххе саьнга Ӏооттайир.

— ЙиӀиг! — кхайкар из Дебийга.

Из ду сахьате араяьлар Алхаст волчара.

— Ӏобилла цу поднара т1а мотт, — аьлар ТӀоха. — Сухал бег

жи, жи!

Цу ханна цӀагӀа чубайлар хьаьший.

— Мотт безаргбац хьона, — аьлар нохчочо Дебийга. — Щий

доалл укхох, ферта кӀалтессача тоъаргья.

— А, хӀама дергдац, — аьлар ТӀоха. — Хьанна кхобергба из.

Хьавоалаве оаш, хьавоалаве.

Мотт дӀабаккха аьнна дийхадар доарахочо а, цхьабакъда,

ТӀоха цу къамаьлага вӀалла ладувгӀа а тиганзар.

— Из ма дувца, из ма дувца. — аьлар цо.

Аьрда оагӀув кӀал а болаш, метта Ӏовижар доарахо. Е иштта,

е бартал мара Ӏовижа йиш йолаш вацар из.

— ЗӀамига саг, ц1и фуй хьа? — хаьттар ТӀоха нохчочунга.

— Увайс я. ШаӀамий юртара ва со.

— Ва ях 1а. Цигара а нах ба укхаза?

— Ба даьра цигара а кхычахьара а-м.

— Ераш а хьоца баьхкаб?

— А-а. ТӀем тӀа дайзад тхо вӀаший. Укхун ц1и Никодим я, —

ший новкъоста лозаданза дола кулг дӀатӀахьекхар Увайса. —

Сипсой-ГӀалий тӀара казак ва ер. ХӀаьта ер, чов яьр, ц1е курсант

ва Буро тӀара. ХӀире ва ер ше. Ц1и Таймураз. Чов ехка цхьа х1а-

Ма ялл.

Дебас хьадера метта тӀа тесса цӀена киси. Из дӀаийцар Никодима.

Таймураза цхьа хӀама аьлар.

— Фу йоах цо? — хаьттар ТӀоха.

— Эрсий мотт хаций хьона? — хаттара духьал хаттар дир

Увайса.

— А, сона мичара Ӏомабаь хов из.

— Шийх дог дилла ва из.

— Иштта уллаш са во1 а ва, — аьлар ТӀоха.

— Мича?

— Цу цӀагӀа, — къайла латтача наӀара кулг дӀатӀахьекхар

ТӀоха.

— Цунна фу даьд?

— Топ кхийттай.

— Мича?

— Наькха т1а.

— Дукха ха йий?

— КхоалагӀа ди да метта улла.

— ТӀом болабеннача дийнахьа кхийттай-кх цунна из

хӀаьта.

«Из тӀем тӀа хиннадаларе-м», — аьнна хийтар ТӀоха. Цхьабакъда,

Увайсага хӀама дӀааланзар цо. Сенна оалар из? Хьанна

Дата добавления: 2015-11-30