Ер. Салман. тахан

ТӀох юха а сецар. Юха а сатем эттар цӀагӀа. Алхаста цхьа

юкъ яьккхар д1а-схьа ца хьовш, кхыметтел бӀарга ногӀар а ца

тохаш, нийсса урагӀахьежаш уллаш. ТӀаккха шортта хьавийрзар

из даьгахьа. Шерра дийлла дар цун бӀаргаш. ЧӀоаггӀа вӀашка-

теӀадар хобаденна бордаш.

— ХӀай?.. — халла дош аьлар цо. — Бакъдий из?!

— Из... бакъда, са-воӀ. — чӀоаггӀа гӀайгӀане яр ТӀоха оаз. —

Цул совгӀа... Гирихан а вац мичав ховш. Алхха цхьа Тухан ви-

Сав-кх. Из а...

Корта хьал ца айбеш вагӀар ТӀох. ВоӀа хьалхашка цхьан

хӀаманна ше бехке волаш санна.

— Кодам бе... с... саг хӀана венавац? — хаьттар Алхаста.

— ХӀанз кодам беча бац нах. Берригаш лоамашка хьалбахаб,

Наггахьа мара саг юхе ца вусаш. Дукха къонахий байнаб укх

Деношка.

— ТӀаккха... хьона мишта хайнад из?

— Висит вийналга селххане хайнад сона. РаӀа с вар из хабар

денар. ХӀаьта Салман... Юртара дӀаболхача наха духьал вахавар

Со. Шахбулата изи цхьана хиннаб йоах. Дувцар иштта да. Шахбулат

кӀалхарваьннав...

Шахбулата цӀи яьккхача, юха а шерра дийллар Алхаста ший,

кӀаьд а денна, матардолхаш латта бӀаргаш.

— Шахбулати? — геттара цӀимхара йийрзар цун юхь. — ХӀаь-

та цо... цо вийнав-кх Салман!

— Хац, — аьлар дас. — Цхьаккха хӀама хац.

ХӀанз Алхаста аьннар-м шийна а хийттадар цунна, хӀаьта а.

Тешалацар. Ше бахьан долаш топ кхийтта, воале-вусе яхаш, метта

саг уллалга ховш волча цо дергдарий-хьогӀ иззаморг, фун-

нагӀа хилча а. Ак, цох тешалацар ТӀох. Вешта, сенах хов... Ловрг-

Доацар аьнна хургда... Салмана, е цо хьа.

— Мишта дувц наха? — хаьттар Алхаста, кӀеззига уйла еш а

Илла.

— Кхы хӀама дац ховш. Уж шиъ цхьана хинналга мара. Шахбулат

кӀалхарваьккхар кӀаьнк ва йоах.

— Фу кӀаьнк?

ТӀоха баламаш эзар.

— Из бакъдац, — аьлар Алхаста. — Юххе дахача, цхьаккха

кӀаьнк хинна хургвац цига. Юкъе тувса бахьан да из. Х1-м,

кӀаьнк! КӀаьнко кӀалхарваьккхав! Цох хаций хьона, из бакьдоа-

Цалга.

Алхаста бӀаргаш дӀакъайлар. Хьоцар даьннадар цун хьаь т1а.

Сихденна ийлора наькха улг. Туг даьккхар цо.

— Хьайола, хьада йовлакх! — цӀогӀа техар ТӀоха.

ЦӀа г Ӏа хьачуяьлар Деба. Кора тӀара хьаийцар цо йовлакх.

ТӀаккха вешийна дӀатӀаяхар, цунна туг дӀадаккха дагахьа. Алхаста

катеха дӀадаьккхар цунгара йовлакх. Ше хьакхар цо из

ший бордех. Туг ах цӀий дар. Алхаста йовлакх юхакховдадир,

хӀанз яха мукъа я хьо аьлча санна. ДӀагӀо яхача маӀане кулг

лостадир дас а. Деба, даьна а вешийна а дӀабӀарахьажа ца

лоархӀаеш, снхъенна дехьарча цӀагӀа дӀачуяьлар.

Цхьа ха яьккхар даси воӀои йист ца хулаш, цхьацца уйлаш

Еш.

— Лоам бахарашкара дий хабар? — хаьттар Алхаста.

— Дац, жоп делар дас. — Уж-м дагабахка эшацар. Цига

хила-м хӀама дацар.

— Массарел а дукхагӀа укхо даьр доалл сона дага, — аьлар

ТӀоха, кӀеззига сабар а даь.

Дата добавления: 2015-11-30