•Деникинцаш гаьно юхасайцар. ВӀалла тӀом дӀа а ца хьокха-
белча санна, цӀена дар эпсара тӀадувха барзкъаш. 1о а кхайка,
цхьа хӀама аьлар цо.
— Фу зӀок я цо Ӏоеттар? — хаьттар Дудара.
— Шоай байна нах хьаэцийтар дех цо, — аьлар Александра.
— Эцийтаргба, вайбараш цар вайга а эцийте.
Александра дох дӀакхетавича, шоаш раьза ба аьлар эпсара.
Салтечунга йистхилар нз. Вокхо, Саьбердагахьа хьал а вийрза,
Байракх лостайир. Кастташха цигара итт-пхийтта салте хьагу-
чаваьлар, шоашка болчакхаш а йолаш. Уж Ӏоюхекхаьчача, царех
дӀакхийтар байракх бе йоаллар а. Шоай боабаь а, човнаш яь а
бада нах дӀакхахьа болабелар уж.
Уж йистебаллалца, кӀирвенна ополченцашкахьа 1о а хьежаш,
бӀоагӀа санна, нийсса уралаьттар цар эпсар. ТӀаккха, цхьан метте
юха а вийрза, дӀаволавенна из, Саьберда тӀехьашкаваьлар,
Кхы юха ца хьожаш.
Ополченцаша а гулбир шоай байна а човнаш яь а бада нах.
Доарахой юрта Ӏочубигийтар. Цхьаццадола декъий уллув каша-
машка дӀадехкар. Диъ-пхиъ дитар, царна шоай нах тӀабахкалца
Аьнна.
Шоай воша дӀавеллар ТӀоха къонгаша а. Салмана дагадоал-
лар селхан ше цунна хӀама тохар. Ше теха хӀама дагайоаллар
Тухана а. Дог чӀехкар цун. ХӀанз а дика меттаянза яр Висита
юхь.Боарз хьалбеттачул тӀехьагӀа а дикка ха яьккхар цар д1а ца
Болхаш, кортош чу а даха латташ.
— ЦӀагӀарабарашта хӀама а хац, — аьлар Тухана, ше-шийга
Оалаш санна.
— Фу де воалл хьо, из дӀахайча а ца хайча а, — аьлар Салмана.
— Вайх а саг вусий хац укхаза-м. Деникинцаш чакхбовргба,
тахан царна цӀаькха атака е дагадохе.
— Вайна доккха оарц кхачар догдаьхадар аз, — аьлар сабба-
Ре Гирихана.
— Мичара доагӀаргда из, — аьлар Салмана. — ТӀом латт ма
йоахий Буро т1а а, Шолжа-ГӀалий т1а а.
Боарз гонахьара нийсбеш бел техар цо.
— Укхул а халагӀа хет сона Дебас вайна тӀадена эхь, — т1а-
Техар цо.
Гириханеи Туханеи хӀама аланзар. Салман бакъвар. Царех
хӀаране валар хоржаргдар, из эхь шоай цӀенна тӀа ца кхачийта.
— Со... кхетац вай йишех, — аьлар Гирихана. — Сона хе-
Таргахьа...
— ХӀанз фу бе да из хьо кхете а ца кхете а, — цун къамаьла
Юкъеиккхар Салман, — хургдар хинна даьлча.
— Ца1 мара йиша а яцар вай, — аьлар Тухана.
Салмана кхетайир цун уйла: Тухана еза Деба. Къахет цунна
цох. Цунна шийна а хетаций? Хет. ЧӀоагӀа хет. Цхьабакъда,
хӀанз из цӀендаь дӀадаккха дезаш да дег чура. Цудухьа гӀожа
Йистхилар Салман Туханага.
— Из а хиланза ялар-кх, — аьлар цо. — Кхалсагах-м тешам
бац йоах тӀоаргаца чу еллача а.
Цу ханна шоашта тӀавоагӀа Шахбулат бӀаргавайра царна.
Кхоккхе цхьатарра юхавийрзар уж цунгахьа. Салмана чӀоаггӀа
тоӀайир ший бе йоалла бел, Тухана топ хьаийцар, алхха цхьа Гирихан
Висар, наькха т1а чоалтайса пхьарсаш а долаш, саббаре
Латта.
Шахбулат сецар. Цунна тӀехьагӀо мара хайнадацар Висит
вийналга. ЧӀоагӀа халахийтар из Шахбулата. Цунна везар из
ший нанас даьна ваь воша из волаш санна. ХӀанз... из воацаш ва.
Шахбулат шоай моастагӀа хеташ цун вежарий а ба. Ираз долаш
хетар цунна ше алхха ши ди хьалха, хӀанз ма хувца а деннад из
деррига а. Шахбулата дагадехар самар бус ше ТӀохарцига ва-
. гӀар, Дебаханаца биа безам, цар ше эздий наькъаваккхар.
ХӀанз кхыметтел дӀатӀаваха а йиш йолаш вац из ТӀоха къон-
Дата добавления: 2015-11-30; просмотров: 26 | Нарушение авторских прав