Читайте также:
|
Еще молимся о великом господине и отце нашем святейшем патриархе Московском и всея Руси, Кирилле, и о господине нашем высокопреосвященнейшем митрополите Германе.
Еще молимся о всечестном игумене нашем Гаврииле с братией святыя обители сея, зде начальствующих, учаших и учашихся.
Еще молимся о Богохранимей стране нашей, властех и воинстве ея.
Еще молимся о милости, жизни, мире, здравии, спасении, посещении, прощении и благопоспешении рабов Божиих, (имена).
Еще молимся за всю братию, и за вся православныя христианы.
Возглас: Услыши ны, Боже Спасителю наш, упование всех концев земли, и сущих в мори далече, и милостив, милостив буди, Владыко, о гресех наших, и помилуй ны: милостив бо и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.
Священник или диакон: Со умилением сердец, преклоньше колена, ко святому священномученику Николаю, помолимся.
Лик: Священномучениче Николае, моли Бога о нас.
Священник чтет молитву: О избранниче и угодниче Христов, священномучениче Николае, Церкве Русския столпе непоколебимый, земли Волго-Донской благое прозябение и красный плод, сродников твоих предстателю и наставниче! Ты во время гонения безбожнаго от сокровищницы души твоея спасительное исповедание Православныя веры изнесл еси, и людем верным пастырь добрый явился еси, душу твою за Христа и Его овцы полагая и лютыя волки далече отгоняя. Ныне убо призри на нас, недостойных чад твоих, умиленною душею и сокрушенным сердцем тя призывающих. Умоли Господа Бога, да простит согрешения наша и избавит от адовых уз и вечнаго мучения. Утверди нас в вере святой, научи нас всегда творити волю Божию и хранити заповеди церковныя. Буди пастырем нашим - правило веры, воином - вождь духовный, болящим - врач изрядный, печальным - утешитель, гонимым - заступник, юным - наставник, обители сей и граду сему- помощник и покровитель, всем же благосердый отец и теплый молитвенник, яко да молитвами твоими соблюдется в Православии Святая Русь и непрестанно славится в ней имя Пресвятыя Троицы, Отца и Сына и Святаго Духа во веки веков. Аминь.
И абие поем величание: Величаем тя, священномучениче Николае, и чтим честная страдания твоя, яже за Христа во утверждение на Руси Православия претерпел еси.
Священник: Премудрость. Пресвятая Богородице спаси нас.
Лик: Честнейшую;
Священник: Слава Тебе Христе Боже, упование наше, слава Тебе.
Лик: Слава, и ныне; Господи помилуй (Трижды). Высокопреосвященнейший владыко благослови.
Отпуст: Христос истинный Бог наш, молитвами Пречистыя Своея Матере, святаго священномученика Николая, иже в Верхнем Гнутове, и всех святых, помилует и спасет нас, яко Благий и Человеколюбец.
И диакон: Благоденственное и мирное житие и здравие, спасение, во всем благое поспешение, подаждь Господи: Святейшему патриарху Московскому и всея Руси Кириллу и господину нашему высокопреосвященнейшему митрополиту Волгоградскому и Камышенскому Герману, всечестному игумену нашему Гавриилу с братией святыя обители сея, зде начальствующим, учащим и учащимся, прихожаном святаго храма сего и всем православным христианом и сохрани их на многая лета.
Дата добавления: 2015-11-30; просмотров: 41 | Нарушение авторских прав