Хæдтæхæджы

Нæ бынмæ, æлвыд фыстау, — мигътæ,

Хæдтæхæг нæ узы, хъæрзы...

Нæ фæндаг æнустæм ныддихтæ,

Уæддæр мæ нæ уырны мæ зын!

Мæ фарсмæ æрвон зæцау бацыс,

Фыры хъулау не ’хсæн — цæ фырт...

Кæд, чи зоны, уый дæр ма хаты

Нæ зæрцæты сусæг тæлфын?

Цыцæртæ мын цзурыс мæ хъусы,

Æмæ та, — хъæуа æви нæ —

Цымхуыз былтæ ризынц мæ рустыл,

Тæвц æхсырау — судзаг, фæлмæн.

Нæ бынмæ та хæхты цырæгътыл

Гæдыйау æрæмбæхст мæлæт,

Фæлæ нын цъæх арв дæр — фыркъуындæг,

Адзалыл ма чи кæны мæт!..

***

Тедеты Аринæйæн

Цы уа — нæ ахады цæсты,

Уæлдайдæр хивæндæн, æвзонгæн.

Кæддæр мæ рагбонты бæсты

Æрвон зæдау уыдтæ мæ зонгæ.

Уæздан, рæсугъд, дæ аив гуыр, —

Сæнт урс хъазау цъæх-цъæхид цады...

Цы нæ лæппу-иу каст, мæгуыр,

Дæ фæстæ сусæгæй, æнкъардæй.

Фæлæ дæм баххæссæн нæ уыд,

Бæллиццаг — хохрындзыл сæгуытау...

Мæн та хуыздæр амонд нæ хъуыд:

Æз — буц ирон чызджы цыстытæй.

Æнæмæт, хъæлдзæг, уд-æмуд,

Рæдау æфсымæр æмæ хойау, —

Нæрыди-иу нæ ризгæ худт

Фынæй уынгты æхсæвæй-бонмæ.

Хæлæг мæм чи нæ кодта, чи,

Мæ хæлæрттæй, фæлæ... Дзæгъæлы:

Мæнæн æндæр рæсугъд — мæ цин,

Æндæр лæппу лæууыд дæ зæрдыл.

Ныр дæм фæкомкоммæ дæн, уæд

Дæ сæр æруадзыс ды æнкъардæй:

Нæдæр ды амондджын фæдæ,

Нæдæр æз æппæлын мæ цардæй!

Дата добавления: 2015-09-05