Читайте также:
|
Іс бойынша алдын ала тыңдау өткізудің қажеттігін судья анықтайды. Іс бойынша алдын ала тыңдау ҚІЖК-нің 299-бабының 2-бөлігінің 2-6-тармақтарында және 363-бабында көрсетілген мәселелерді айқындау мақсатында өткізіледі. Істі алдын ала тыңдауды судья тараптардың қатысуымен соттың жабық отырысында өткізеді. Тараптарға отырыстың өткізілетін уақыты мен орны туралы хабарланады. Сот отырысына мемлекеттік айыптаушының, сотталушы мен оның қорғаушысының қатысуы міндетті. Істі сотталушының қатысуынсыз алдын ала тыңдауды судья сотталушының бұл жөніндегі жазбаша өтінімі болған жағдайда ғана жүргізе алады. Егер сотталушының қорғаушысы дәлелді себеппен сот отырысына келмей қалса, істі тыңдау кейінге қалдырылады. Қорғаушы дәлелді себептерсіз келмей қалған жағдайда, сондай-ақ оның алдын ала тыңдауға қатысуы мүмкін болмаған кезде, судья сот отырысына жаңадан тағайындалған қорғаушының қатысуын қамтамасыз етуге шаралар қолданады. Бұл орайда сотталушының келісімін алу қажет емес.
Сот отырысына жәбірленуші мен оның өкілінің, азаматтық талапкердің, азаматтық жауапкердің немесе олардың өкілдерінің келмеуі істі алдын ала тыңдауға кедергі болмайды.
Сот отырысы судьяның істі алдын ала тыңдау жүргізудің негіздерін хабарлауынан басталады. Егер алдын ала тыңдау тараптардың біреуінің өтінімі бойынша жүргізілсе, онда бұл өтінім тыңдалады. Өтінімдер мен арыздарда судьяның өкілеттіктеріне қатысты кез келген мәселелер қозғалуы мүмкін. Өтінім мен арыз ақиқатты анықтауға бағытталса және олардың қылмыстық іс үшін маңызы болса, олар қанағаттандырылуға тиіс. Өтінім берген адам өтінім бойынша шешім қабылдаудың нәтижесі бойынша хабардар етіледі. Өтінімді қанағаттандырудан бас тарту туралы шешім шағым беруге жатпайды, бірақ оны сот отырысында жаңадан беруге болады.
Тараптардың пікірлерін тыңдағаннан кейін судья кеңесу бөлмесіне кетеді және қаулы шығарады, онда қаралған мәселелер бойынша шешімін баяндайды. Басты сот талқылауын тағайындауға кедергі болатын негіздемелер болмаса, оны тағайындау туралы қаулы шығарылады. Істі алдын ала тыңдау кезінде ҚІЖК-нің 126-бабында көзделген ережелерге сәйкес хаттама жүргізіледі. Егер істі алдын ала тыңдау барысында прокурор айыптауды өзгертсе, судья мұны қаулыда көрсетеді. Егер прокурордың айыптауды өзгертуінен істің соттылығы өзгерсе, судья істі айыптау қорытындысын, айыптау хаттамасын қайта жасау және істі соттылығы бойынша жіберу үшін прокурорға қайтарады.
Дата добавления: 2015-07-16; просмотров: 100 | Нарушение авторских прав
| <== предыдущая страница | | | следующая страница ==> |
| Тармақ бойынша. | | | А-тармағы бойынша. |