Сыртқы ортаның жанама әсер ететін факторлары: экономикалық, политикалық және мәдени.

Сыртқы экономикалық орта – инфляция, баға деңгейі, несие алу, салық саясаты, қаржы жүйесі, еңбек ақы мөлшері, жұмысшылардың білімі, кәсіби шеберлігінің деңгейі ұйымның жұмысына әсер етеді. Сыртқы технологиялық орта. Әрбір кәсіпорын технологияның соңғы жетістіктерінен хабардар болуы тиіс. Ол үшін ұйым байланыс құралдарымен толық жабдықталып, мәлімет-ақпараттар, жаңалықтар мезгілінде қызметкерлерге жетіп отыруы қажет. Технология – өнім өндіру мен қызмет көрсетудің, оған басшылық етудің маңызды элементі болып табылады. Технологияның өзгеруіне жаңаруына байланысты кадрлармен қамтамасыз ету тәсілі де біршама өзгеруі мүмкін. Сыртқы әлеуметтік-этикалық орта – адамдардың көзқарасына, тәрбиесіне, тілек-ықыласына, зиялылығы мен біліміне, сенімі мен дәстүріне қарай қалыптасады. Кез келген адам белгілі бір әлеуметтік ортада жарық дүниеге келеді, ата-ана мен балалардың қарым-қатынасы басталып, адамзат ұрпағының қалыптасу жолы басталады. Осындай күрделі құрылыс адамдар ортасын қалыптастырады және адам баласы қоғамға тәуелсіз ешқандай өмір сүре алмайды. Басшы әлеуметтік ортамен санаспай болмайды. Менеджер үшін әлеуметтік көзқарас, сенімділік, бағалылық өте маңызды. Сыртқы этикалық орта әлеуметтік ортаның құрамдас бөлігі – іс жүзінде қолданылатын адамның жеке басының жүріс-тұрыс стандарттары жиынтығынан құралады. Ұйымға қатысты этикалық нормативтер азаматтық кодексте жазылған, ол нормативтерді әрбір қызметкерлер білуі тиіс (пара алу, қиянат жасау, заңсыз ақша төлеу). Сыртқы саяси орта. Әрбір ұйымдағы әрбір басшы түрліше заңдармен, қау-лылармен, әртүрлі комиссиялармен, ресми жаңалықтармен, сот шешімдерімен ұшырасып тұрады. Осы құжаттардың кейбіреуі жұмысшылардың, тұтынушылардың мүддесін қорғауға арналған. Кез-келген ұйымдағы басқарушының барлық іс-әрекетті кез-келген заңға немесе қаулыға қатысты және шешім қабылдар алдында басшылар заң кеңесшілерімен ақылдасады. Халықаралық жағдайлар да ұйым жұмысына әсер етеді. Мысалы, ұйым өнімдерін өткізіп немесе сол жақтан шикізат алып жүрген елдердің халықара-лықжағдайлары өзгерсе, ұйымның жұмысына да ықпалын тигізуі мүмкін,сондықтан ұй-ым басшысы тығырықтан шығатын басқа да жолдарды қарастыруы тиіс. Экономикалық факторлар: Біздің компания шет елдерге өзінің тауарын экспорттағанда кедендік салықтың өсуі. Валютаның өзгеруі. Сұраныс факторлары –тұтыну, инвестициялық, мемлекеттік шығындардың өсуі. Ұсыныс факторлары – бәсекенің дамуы, ресурстардың бағасының төмендеуі, несие алу мүмкіншілігінің өсуі. Бөлу факторлары – қоғамдағы барлық ресурстарды тиімді пайдалану, жұмыссыздық деңгейі, инфляция қарқыны, технологиялық прогресс, саяси климат және т.б. Политикалық факторлар: біз экспорттап жатқан елдерде көтеріліс немесе со-ғыс болса,мемлекеттің заңдары,ақша айналымы, салықтың мөлшерінің көтерілуі. Жеке табыс салығы көтерілсе ел экономикасындағы шағын және орта бизнес үлесі түседі. Тағы бір әсері елдегі саси жағдайжың нашарлауы мыс: Ливия, Сирия, Ирак, Египет елдерінде көтеріліс болу себебінен аталған елдер қауіпсіздікті қамтамасыз ете аламауынан туризмнен түсетін пайда азаяды және инвестициялық климаты нашар елдердің қатарына қосылады. Политикалық фактордың үшінші түрі нормативті – құқықтық актілер арқылы әсер етуі. Мыс: Мемлекеттік программалар, оларға Батыс Еуропа –Батыс Қытай дәлізінің салынуы, Expo2017, қол жетімді баспана 2020 деген бағдармалар жатады.

Дата добавления: 2015-08-13