Сырддонцъиу

Æрæгвæззæджы мелоди

Зæрин хурæн æрныгъуылди йæ фæд, —

Йæ къæдзил тилы мигъ-рувас йæ рæзты...

Нæ зарæг мæргътæй федзæрæг ис хъæд

Æмæ æрцыд сырддонцъиуæн йæ рæстæг.

Мæ рудзынджы тарвазыл ын — бынат,

Кæрдзыны муртæ, уазал дон йæ разы.

Сæрдыгон бон нæ кæны уымæн ад, —

Хуыздæр мæргътæй йæ сæфт уыны, йæ адзал...

Бæрзонд тæхын нæ кæсы уымæ кад:

Цъæх арвы риу æрра уарзы, бæгуыдæр...—

Зырнæджы базыр афаддзæни фат,

Мæнæн мæ хай — йæ мурзæг фæрск, мæгуырæг!

Мæ боны хорзæй æз нæ кæнын хъаст,

Фыдбылызæй мæ уæнджы мигъ нæ бацы.

Бынцзыты тæхын, чи мæм хæссы маст,

Æмæ кæмæ цæн уа циссаг нымады?

Æрмæст, мыййаг, куы нæ зонын хæрын, —

Мæ къæбæр уæд нæ бахæцид мæ фарсыл:

Фæзæгъын калмæн, чи цæмæй цæры,

Æмæ кæм и зæрватыккæн йæ ахстон.

Цæмæй мын алкæд, алцыдæр фаг уа,

Фæцæрон, мæ хур, а зæххыл фæрнæй...

Мæ хицау, цæй-ма, ноджыдæр гага

Æмæ дын уалдзæг цъиуахстон — мæнæй!

Дата добавления: 2015-09-05