|
Читайте также: |
Мит уарыд урс-урсид тъыфылтæй, —
Ныррыхыд рог пакъуыты зæй.
Фынæй горæт уыд хъал йæ фынтæй,
Йæ уынгты цъиуызмæлæг нæй.
Ныкъкъæдз и уынгдзырагъ, хæрисау,
Æрсагъта тинтычъийæ худ.
Кæмдæр — фæндыры хъисты ризын,
Фæрныг сылгоймаджы ныххудт...
Уыди сæнт урс дуне æдзынæг,
Нымадта зæрдæ рæстæг тагъд.
Цыдысты уарзæттæ... Тæдзынæг
Сæ размæ згæ хæтæлтæй тагъд.
Сæ цæстытæй тæвд рухс ныуулæн,
Цъырдтой сатæг уæлдæфы ронг...
Дзырдта зæлдагбоцъо лæппу лæг
Зæрдæргъæвдæй цыдæртæ рог...
— Ис амонд рæстæджы тæразыл, —
Йæ хъиутæ йæм фæхæры лæг,
Цæмæй æдылыйы ныхасæй
Йæ хъуыды ма кæна куынæг!
Хъысмæтыл бон изæр нæ кæны,
Зæрдæйау, — иугæндзон йæ цыд;
Лæгыл æхсæрдзæнау ныккæлы
Йæ дуне, — рухс æмæ фæлывд!..
Уæззау йæ ингæны уæлвæзыл
Ныххуыссы иу афоны къæй!..
— Кæс-ма, цы рудзгуыты æмбæрзæн!
Цымæ дзы дуканийы нæй?..
Дата добавления: 2015-09-05; просмотров: 73 | Нарушение авторских прав
| <== предыдущая страница | | | следующая страница ==> |
| ЦАРДЫ ЦИН | | | СОЛЬВЕЙГ |