О родстве убо сице 8 страница

Того же святаго собора правило 128.

Не[3316] свидетелствует отлученный.

Толкование.

Непорочну подобает быти послушествующему. Сего (л. 804)[3317] ради убо ни причетник, ни мирскии человек, аще есть отлучен, на епископа или на причетника клеветати или послушествовати не приятен есть.

Того ж собора правило 129. И раб свобожденый, ни прежде оклеветаный о неких неприемлемых людским судом, и скомрах, и еллин, и еретик, и жидовин, не приятни.

Толкование.

Не подобает без испытания на епископы и на причетники оклеветания или послушества приимати, по шестому правилу Втораго Вселенскаго собора в Константине граде, и аще убо житие имеют непорочно и веру правоверну, (л. 804 об.)[3318] прияти таковыя. Аще же и раби суть, тии бо и от градских закон ни по которой же вине, ни по церковней, ни по мирстей клеветати или послушествовати не могут, ни свобождении же на свою господу. Возбранено убо есть и тем градскими законы на свободившыя их от работы клеветати или послушествовати о гресех. Подобает бо им честны и святы свободившыя их имети. Ни прежди того сами осуждени бывше и еще не оправдившеся или на людстем осуждени бывше судищи и царским благодеянием от своего запрещения и еще неустроени суще, (л. 805)[3319] или житие поруганию достойно имуще, якоже се скомраси и глумцы, или нашея веры чюжди суще, якоже се, июдеи, еретицы же и еллини, таковии не приятни на оклеветание или на послушество на епископа или на причетника, понеже тии о ином ни о чем же тщания не имут, но токмо порок и поругание святительстей чести прилагати и мятеж на церковь приводити.

Того ж собора правило 130.

Оклеветаяй во мнозе и ни в едином же обличив, не послушан.

Толкование.

По достоянию убо и сей на оклеветание и на послушество не приятен есть, (л. 805 об.)[3320] яко клеветник явлься[3321], и того ради без чести сый, понеже глаголя на некоего многи предлагает вины и ни в единой же обличит.

Того же собора правило 131.

Ни[3322] четырехнадесяти лет отрок приятен.

Толкованье.

И сей на послушество не приятен есть несовершенаго ради возраста. Подобает бо послушествующему честну и правоверну быти и тверд ум имети, несовершеный же возрастом ползок есть помышлением. Второе же изложение седмыянадесят главы первыя грани двадесять первых книг глаголет: Аще не будет 20-ти лет возрастомѕ

(л. 806)[3323] ѕ[3324] и на прочих причетников, яко не точию простым людем достойно есть судити митрополитов или архиепископов и епископов, но един митрополит архиепископу или епископу не может судити. Такожде и един архиепископ или епископ не может судити попу и диакону.

Святых апостол правил 74.

Оклеветаем[3325] епископ и позываем на суд, и не послушая дващи и трищи, двема епископома да позван будет. Аще же не приидет, якоже хощет, собор да осудит таковаго.

Толкование.

Оклеветаема епископа о некоем прегрешении от достоверных мужей и позываема на судище и (л. 806 об.)[3326] не послушающу, не тако вскоре подобает собору осудити таковаго, но и дващи и трищи позвати того, и да посылается по нь на коемждо позвании по два епископа. Аще же пребудет небрегии и не приидет на судище, да испытает вину по единой части собор и по подобию вины достойно да осудят его. Да не мнится избыти[3327] суда беганием.

Святаго Карфагенскаго сбора правило 12.

Епископа[3328], в некоей вине суща, аще не весь собор области тоя, обаче дванадесять епископ да судят. Презвитера же шесть и диакона трие.

Толкование.

Аще ли на епископа будет клевета о коем (л. 807)[3329] любо гресе, подобает всея области епископом судити того собором. Аще ли несть мощно всем снитися, обаче дванадесять епископ да судят, меньше же сего да не будет. Презвитера же о гресе оклеветаема, им же есть конечное извержение, шесть епископ да судят, седмый же свой ему епископ. Диакона же три епископи и свой ему четвертый. И тако истязаются вины их и судими бывают.

Того же святаго собора правило 20.

Презвитеру[3330] оклеветаему ближних епископ 6 и сего седмый да разсмотрят о нем, диакона же три и 4-й свой ему да судят, (л. 807 об.)[3331] прочая же причетники и сам един да истяжет.

Толкование.

Се речено есть и во 12-м правиле сего собора, аще некая клевета будет на презвитера, шесть епископ да судят ему, и свой ему с ними епископ да будет сразсмотритель. Диакона же трие да судят, и четвертый свой ему епископ. Прочии же вси причетницы, ниже сущии от диакон, и от единаго своего епископа да судятся, оних же гресех оклеветаеми бывают.

Того ж святаго собора правило 108.

Един[3332] епископ своим судом да не отмстит.

Толкование.

Не токмо единаго епископа суд не довлеет, но и двою не довлеет (л. 808)[3333] на извержение презвитера или диакона. Но аще убо есть епископ оклеветаемый, аще несть мощно всем снитися епископом, не менше от двунадесяти епископов да судится. Аще же презвитер, от шести епископ и седмый свой ему, аще ли диакон, от трех епископ и четвертый свой ему. И тако о извержении судими да бывают.

Якоже 12 правило и 20 сего собора повелевает: Да не поставит убо себе судию един епископ на извержение презвитера или диакона, и своего суда разумом в дело се да не изведет, рекше, сам един да не извержет. Аще же есть ины причетники судими, (л. 808 об.)[3334] мнии честию суще от диакона, на таковых власть имать судити един места того епископ, якоже на конце 20-го правила сего собора повелевает.

О Агапии и Гавадии глава 16, правило.

Не[3335] подобает по сем ни от двою, ни от триех и о греховней вине судиму епископу извержену быти, но множайшаго собора разсудом, ту сущу и митрополиту, якоже и апостольская правила повелеша.

Толкование.

Понеже отци сего собора обретоша епископа Вострьскаго Гевадиа, от двою епископу извержена бывша от сана, и в его место Агапиа по(л. 809)ставлена[3336] бывша епископом, убоявшеся, да не буедт потом напоследок таковое дело, хотящее быти, утвердиша и повелеша, оклеветаему сущу епископу о гресех и дошедшу ко извержению, не от двою или от триех епископ судиму быти, но аще есть мощно от всех сущих во области епископ. Аще ли ни, поне от многих, якоже да не будет число менше двунадесять епископ, якоже и второенадесять правило в Средце собора сказует.

Святаго 4-го Вселенскаго собора правило 9.

Причетницы между собою распрю имуще, аще оставльше своего епископа, к мирским (л. 809 об.)[3337] судиям приступят, по правилом вину да приимут, причетницы же, аще имеют что на епископа, да ожидают собора. Аще же епископи на митрополита Константиняграда патриарху да возвестят.

Толкование.

Аще причетник имать нечто на причетника, не подобает ему судитися пред мирскими судиами, но от своего епископа. Аще же оставльше своего епископа к мирскому судищу приступят, по правилом запрещение да приимут. Такоже и причетник, аще имать нечто на своего епископа, да приходит к митрополиту страны тоя, егда в реченное время (л. 810)[3338] соберутся к митроплиту всея области его епископи, тогда пред митрополитом на соборе да судится. Аще ли епископ или причетник с митрполитом имать некую распрю, от патрираха всея тоя земли да судится. Под ним же суть епископи и митрополити всех областей страны тоя или от патриарха Константиняграда судится. Сия бо власть никому же от инех патриарх дана бысть, ни от правил, ни от закона, еже судити митрополита, под инем патриархом суща, другому патриарху, но токмо Константиняграда патриарху сие дано есть.

(л. 810 об.)[3339] От свитка новых заповедей Иустиниана царя глава 57.

Аще[3340] неции преподобнии епископи того же собора, рекше от единыя области, распрю некую имеют друг к другу или о церковных местех, или о иных неких вещех, первое митрополит их с другими епископы от своего собора таковую вещь да судит. И аще не пребудета оба суперника в сужденых, тогда преблаженный патриарх того правления между ими да разслушает и тако да повелит, якоже церковным правилом и законом подобно, ни единому же супернику противу суду его глаголати могущу.

(л. 811)[3341] Того же Иустиниана царя глава 58.

Аще[3342] же причетник или ин некто вину имать на епископа, первое преподобный митрополит области тоя по священным правилом и по нашим законом таковую вещь да разсудит, и аще кто поречет сужденая, к преблаженному епископу и патриарху вещь возвестити, И той подобный тому вдаст конец. Аще же на митрополита имать что епископ или причетник или ин кто, патрирах того правления подобным образом вещь да судит. По всяких же винах или от своих митрополит или от патриарх или от инех киих любо судей епископи судятся. (л. 811 об.)[3343] И того ради по правилом святых апостол и святых отец на коеждо лето бывати собором.

Правило святых апостол 37.

Дващи[3344] в лете епископи да собираются церковных ради вещей и Божественых повелении, первое убо в четвертую неделю по Пасце, второе же перворетия[3345] октября[3346] во вторый на десять день.

Толкование.

Сие убо правило преславных апостол повелевает дващи в лете собору быти. Но обаче се оставлено бысть, ибо осмое правило Шестаго собора, иже в Трулле Полатнем, и шестое, иже в Никеи, Втораго собора единою в лете повелевают в коейждо области от всех епископ собору быти, о (л. 812)[3347] церковных вещех и о божественных повелении стязаний и о разрешении недоуменных и неразумных вин. И аще который епископ некия или епитемиями тяжкими, сиречь запрещении, или отлучением связал, да и о таковых вещех разсудят вси епископи. Время же едино собору уставиша между Пасхою и между месяцем октябрем, перворетии бо, по елински и римски октябрь сказается.

Новых заповедей Иустиниана царя глава 8.

Дважды[3348] в лете, июня месяца и сентября, бывати собору, собиратися митрополитом к патриархом (л. 812 об.)[3349] и епископом к митрополитом и истязовати вины, еже епископи и причетници и мниси друг к другу имеют, о вере же и о правилех и о церковных вещех и о инех, и яже чрез правила согрешаемая, исправляти. Властели же и чинове, не нападающии на митрополиты и на епископы, прелагающыя время творити соборы или не возвещающе церкви, конечнее мучими будут.

Веруеши ли сим, яко есть истина? Вем. Яко возглаголеши, верую, и аще веруеши, почто всуе враждуеши на святую церковь? Аще ли же не веруеши сим, не погрешит той истины, аще (л. 813)[3350] кто изречет, яко несть христианин и клятве повинен по правилом и списанием твоим, якоже и вси еретицы и развратницы Божественых правых повелениих, якоже приточник глаголет: Сердце безумных сопротивится клятвам.

Да ты же пишешь в 14 главе в 1-й статье о крестном целовании.

Которым Московскаго государства всяких чинов руским людем доведетца по судным делам изо всех приказов крест целовать, и им или за них людем их крест целовать в розных исках трожды. А возрастом бы те люди были, (л. 813 об.)[3351] кому кресть целовать, в дватцеть лет, а менши дватцети лет не целовать и ко кресту таких не припускать. А у кого таких людей не будет, и им за себя целовать крест целовать самим.

Статья 2.

А будет кто сам или за кого люди его поцелуют крест в розных искех трожды, а после того будет кто учнет на нем чего искать, или он сам на ком учнет чего искать на нем или он сам на ком учнет чего искать, а по тем делам дойдет до веры, и похочет он в ысцове или в своем иску крест целовать в четвертые, и то дело вершить сыском, а крестнаго целованья в том деле ему не давать.

(л. 766)[3352] А будет про то дело сыскать нечем, и то дело разымать пыткою.

Статья 3.

А которым людем исцом или ответчиком доведется крест целовать и ко кресту приводить самим, а людей у них нет, и те исцы и ответчики сами будут менши дватцети, лет в пятнатцеть, а переменится им будет неким, и тем исцом и ответчиком поневоле крест целовать и ко кресту приводить самим, хотя кто и менши дватцети лет. А менши пятинатцети лет никому креста не целовать, а целовати за них крест тем, кто за них в суде будет, (л. 766 об.)[3353] а наемным людем и под ставою креста не целовать и ко кресту не приводить никоторыми делы.

Статья 6.

А быть у крестнаго целованья дворянину да подьячему, ис сотен целовалником и прочее безумное списание, по писанному: Яже сердце его собра беззаконие его.

Множицею уже о суде рекохом и ныне не обленимся противо твоего нечестия благочестия показати. И глагола[3354] Господь вся словеса си, к Мосиею глаголя: Аз есмь Господь Бог твой, Бог ревнив, отдая грехи на чада до третиаго и до четвертаго рода ненавидящих Мне, творя же (л. 767)[3355] милость в тысящих любящим Мя[3356] и снабдящим заповеди Моя. Не приемли имени Господа Бога твоего всуе, не очистит бо Господь прилагающих имя Его туне. И рече Господь к Моисею: Се рцы дому Ияковлю и возвести сыном Израилевым. Вы весте, яко с небесе глаголах к вам, лицем к лицу, на горе из среды огня. И глагола[3357] Моисей всему Израилю и рече к ним: Послушай, Израилю, оправдания и суды. Елика аз глаголю во уши ваши во днешнии день, да ся научите их и снабдите творити я. Господь Бог ваш завеща вам завет в Хориве не одным отцем вашим, но и вам. И заповедах[3358] судиям вашим, (л. 767 об.)[3359] в то время глаголя: Разсуждайте между братиею своею[3360] и судите по правде между мужем и братом его и между пришелцом. Не зрите лица[3361] в суде, по малу и по велику судиши, не сумняся лица человеча, суд бо Божии есть. Иже аще жестака[3362] будет у вас, принесите до Мене и да слышу Я. И да не сотворите неправды[3363] в суде, не презри лица нищаго, ни возри на лица могущаго, по правде да судиши ближнему твоему, да не ходиши лестию по своем языце и не востани на кровь ближняго твоего. Судия[3364] и книгочея поставиши себе во всех градех твоих, да судят людем твоим (л. 768)[3365] суд праведный[3366], да не уклонят суда, ниже да зрят на лица, ниже да возмут мзду. Мзда бо ослепляет очи мудрых и отмещет словеса праведных, праведне праведнаго взыщите.

И се же вам смысленным проразумети, срамлятися лица на суде недобро и рекущи нечестивому, праведен есть, проклят бо от людий будет и возненавиден во языцех, и обличающии же добрейших явятся, на ня же приидет благословение благо.

Слышал еси Божественую заповедь и закон данный? Откуду же ты взял такое блядение, еже с суда крест целовати кому самому (л. 768 об.)[3367] или вместо господина человеку его?

Послушай, да и еще ти покажу от Древняго и Новаго законов и от прочих Божественых уставов и закон, яко не точию раб за господина крест целовати достоин, но ни в мале или велице во свидетелство приятен есть. Ибо суд судится правым разсмотрением и достоверными свидетели двема или треми, якоже и сам Господь заповеда древле Моисею, а не клятвою решити.

И да не пребудет, рече[3368], послух един в послушество на человека по всякой обиде и по всякому греху, иже аще согрешит, но при устех двою свидетель[3369] (л. 769)[3370] или триех да станет всяко слово[3371]. Аще ли станет послух неправдив на человека, глаголя до него безчестие, да станета оба человека, има же есть пря пред Господем и пред жерцы и пред судиами, иже будут в тый день, и да испытают их судии прилежно. Се же послух неправеден, послушество ваше неправду и супротивляяся на брата своего. И да сотворите ему, якоже он умысли на брата своего[3372]. Да отвержете злое на вас самех, да и прочии, услышавше, убоятся и не приложат к сему творити словеси сего злаго при вас. Да не пощадит и око твое, но душа[3373] (л. 769 об.)[3374] в души место, око во ока место[3375], зуб в зуба место, рука в руки место, нога в ноги место. По всему, иже даст порок на подруга своего, сице воздастся ему[3376]. И человек, иже аще убиет всяку душу человечю, смертию да умрет.

И аще кто сотворит порок ближнему, якоже сотвори ему, такожде и ему сотворят. Изломление во изломления[3377], око во ока место[3378], зуб в зуба место, якоже сотворил еси порок человеку, такожде сотворят и ему.

Иже аще кто ударит человека и умрет, и той смертию да умрет, опра(л. 770)вление[3379] едино суть пришелцу и населнику. Аще изнеможет[3380] слово у тебе в суде, между кровию и кровию и между судом и судом, и между внятием и между прением прения, егда словеса судныя во градех твоих будет, то, востав, взыдеши на место. Еже изберет Господь Бог твой призвати имя Его ту, и да вшедши ко жерцом и левитом и к судии, иже будет в тый дни, и взыскавше, возвестят тебе суд. И сотвориши по словеси, иже тя возвестят. И от места, еже ти изберет Господь Бог твой призывати имя Его ту, и да снабдиши зело творити во всем, (л. 770 об.)[3381] елико закон положится тебе по закону и по суду. Иже реку тебе сотворити, да ся не уклониши от словеси, еже известят тебе, ни на десно, ни налево. И человек, иже сотворит презрение не послушати жерца, предстоящаго служити во имя Господа Бога твоего, или судиа, иже в тый дни будет, да умрет человек той. И да извержеши злое от Израиля, и вси людие, услышавше, убоятся и не безчествуют по сем.

Зриши ли, коликая честь на архиереох и по древнему закону самим Богом узаконена. Аще кто сотворит презрение, не послушати жерца, предстаящаго (л. 771)[3382] служити во имя Господа Бога твоего, или судия, иже в тый дни будет, да умрет человек той. Како же ты низводиши великаго архиерея, патриарха, под повеление худых простых людей и судей? По суде велишь допрашивать, священников по священьству и монахов по обещанию, и что они скажут, а патриарху то сказать простому человеку. Ох, ох, люте тебе, окаянному, и произволению твоему! Видел ли еси от Древняго закона, како подобает суд вершити?

Послушай да от Новаго святаго евангельскаго закона скажем не инакое взаконие.

(л. 771 об.)[3383] Евангелие. Аще[3384] согрешит к тебе брат твой, иди и обличи его между собою. И тем единем, аще тебе послушает, приобрел еси брата твоего, аще ли не послушает, поими с собою единого или два, да при устех[3385] двою или триех свидетелех станет всяк глагол. И паки инде рече[3386]: Аще сужду Аз, суд Мой истинен есть, яко един несмь, но Аз и пославый Мя Отец. И в законе вашем писано есть[3387], яко двою человеку свидетелство истинно есть. Аз есмь свидетелствуяй о Мне самом, и свидетелствуяй о Мне пославый Мя Отец.

(л. 772)[3388] И Божественный апостол глаголет: Третицею се гряду к вам, да при устех двою или триех свидетелех станет всяк глагол.

И паки: Отвергся кто закона Моисеова[3389] без милосердия при двою или триех свидетель умирает. Колице мнит горшей сподобитися муце, иже Сына Божия поправый и кровь заветную скверну возмнив, в ней же освятися, и дух благодати укорив. Вем бо рекшаго[3390]: Мне отмщение, Аз возлам, глаголет[3391]. И паки[3392]: Яко судит Господь людем своим. И паки: Страшно еже впасти в руце живаго Бога. И паки: На попа хулы не приемли[3393], разве (л. 772 об.)[3394] при двою или триех свидетелех.

Святых апостол правило 75.

В послушество на епископа еретик не приятен. Но ниверный един токмо, во устех бо, рече, двою или триех послух станет всяк глагол.

Закон судный людем царя Константина Великаго перваго христианскаго, глава 2.

Во[3395] всяку прю и клеветы и шепты достоит князю и судии не послушати без свидетель мног, но глаголати к соперником и клеветником и шепотником, аще не поставите послухов, якоже закон Божии велит, прияти ту же казнь чайте, юже и на друга глаголете. Божии закон тако (л. 773)[3396] велит, да иже сего не хранит, да будет проклят.

О послусех.

Над всеми же сими достоит на всякой при князю и судии со всяцем испытанием и терпением испытание творити и не без послух осуждати. Но искати послух истинных, боящихся Бога, и нарочитых и неимущих вражды некоея же, ни лукавства, ни мерзости, ни тяжи, ни при, на него же глаголет, но страха ради Божия и правды Его. Число же послух да бывает 11 и лише сего числа в малой при от седми до трех. А менее сего числа в меншей при не приимати. Власть же имать, (л. 773 об.)[3397] на него же глаголют судии залагати, и глаголати послухом, или присягу, или продажю, илу ту же казнь. Аще ли в кое время обрящутся лжуще, не достоит убо ни во едину прю приимати послух, иже будут когда обличени лжуще и преступающе закон Божии, или житие скотьское имуще, или иже о себе непобедими на присягу отъимутся.

Такожде Градскаго закона грань 27. О свидетелех.

Достоверны свидетели подобает суд кончати.

И Леона царя Константина глава 50-я зачало 14. Главы 4. О послусех верных и неверных и о недолжных (л. 814)[3398] восприятии и о пребывающих послусех далече.

Послуси[3399] имеюще или сан воинству или начинание или куплю прияти суть, аще ли обрящутся послуси незнаеми и неключимо будет о послушестве их, да правят судии и муками да приидут к ним, яко да истинное исправление обрящут родители и чада. Аще и достойное глаголюще, да не прияти будут, ни по господине, ни на господина раб, но свобоженый да послушествует, да не нудится кто на ся приводити послухи. Послухи же пред судиями на послушество приводими, первое убо без клятвы пред двема (л. 814 об.)[3400] иои пред теми разсмотрени, яже о совести суть, да глаголют. И аще о взыскаемем обрящутся глаголющее что, тогда да кленутся, пребывающе далече в существеных винах по местом и да не нудими будут приходити, но по повеленным к ним да приидут и о совести своей да послушествуют. Аще ли кто послуха в свою вещь приведет, того же самого послуха ино лице во иной главе на нь да приведут, таковаго на онаго, онем приведена, не написати. Аще не явится убо яко вражда некая конечне последова между има, или обещанием или (л. 815)[3401] даянием на пагубу вещи послушествующему бысть.

Истину же восхощешь ведати, сам прочти тамо лежащия. Смотри убо, коликая ти свидетелства умножил, яже от Древняго Богом даннаго закона Моисею, и яже от Новаго завета святаго Евангелия и святых апостол и святых отец и царских и градских законов и устав о законных свидетелех конец постижен.

Ныне же паки о лжесвидетелстве и о послусех ложных и не приятых от закон и канонов писати начнем.

Пишешь в 1-й статье крестнаго целованья: Которым Московскаго (л. 815 об.)[3402] государства всяких чинов русским людем доведетца по судным делам изо всех приказов крест целовать, и им или за них людем их крест целовать.

А в пятой статье: У кого будет людей нет и им самим крест целовать.

И о том показано выше сих, всякой суд верными свидетели вершить, а будет свидетелей не будет, тогда по древнему закону жреческим исправлением кончалися.

Ты же пишешь 14-й главы 7-й статьи.

А которые люди учнут на ком искати своих исков, а в жалобе напишут того самого, до кого ему будет (л. 816)[3403] дело, до человека его имянно, и ответчик на душу человеку своему и имя тому человеку скажет, и в таком деле крест целовать ответчикову тому человеку, которой его человек будет написан, а не тому, кого тот ответчик в суде именем скажет.

Статья 8.

А которые исцы ищут на ответчиках рублев трехсот и болши, а на суде даст ответчик на душу исцу, и в том иску крест целовати одному человеку, кому ответчик поверит. А будет ответчик возмет на душу своему человеку, и в человеке дать на волю исцу, кому истец поверит.

(л. 816 об.)[3404] И где есть писано, покажи ми известно, еже рабу за господина крест целовать? Закон отрицает единому свободну и верну свидетелствовать. И да не будет, рече[3405], един в послушество на человека по всякой обиде и по всякому греху, иже аще согрешит, но при двою или треми устех да станет всяк глагол. А ты закон положил, рабу за господина крест целовать, и что беззаконнее сего? Сугубо беззаконие. Первие, един сивдетель, другое, раб, ему же повелит господин, то все сотворит. И другое беззаконие, господин мнит не толь тяжко (л. 817)[3406] и грешно ему, понеже раб вместо его ротился и крест на роте целовал. А раб мнит безгрешно сотворил, господина своего послушав, таковую роту сотворил и крест целовал за господина своего душу. Раб не еже роту сотворити и крест целовати за господина, но аще бы воля была господину убити врага своего, с ним же рота есть, и повелел бы рабу своему убити того врага своего, мню, яко не отречется и то сотворити. Писано есть: Несть ученик над учителем, ни раб над господином достоит, да будет ученик яко и учитель и раб яко и господь его. И како может таковой свидетел(л. 817 об.)ствовать[3407], а клятва или крест целовать, несть ино разве свидетелство, понеже и свидетели кленутся по испытании судиином. Богу самому заповедающему: Не приимеши слуха суетна. И что болши, самому Богу свидетелствующу древле Моисейским законом и новым евангельским, при двою или триех свидетелех станет всяк глагол, а не при единем и еще рабом сущим.

Церковным же законом ни епископ един приятен есть на свидетелство.

Правило святых апостол 75.

В[3408] послушество на епископа еретик (л. 818)[3409] не приятен, но ни верный един токмо. Во устех бо, рече[3410], двою или треих послух станет всяк глагол.

Толкование.

Не токмо на оклеветание еретик несть приятен, но ни на послушество. Аще един послушествует, аще и верен есть, несть приятен. И к Тимофеови бо великии Павел пиша[3411], тако рече[3412]: На презвитера послушества не приемли, аще не пред двема или треми послухи, мню же ни на оклеветание, им же отпадение наводится, своего сана епископу или презвитеру не доволно ни два послуха, аще и верна еста и непорочна.

(л. 818 об.)[3413] Святаго 4-го Вселенскаго собора святых отец, иже в Халкидоне, правило 21.

Не[3414] искушен причетник или мирский человек, глаголяй на епископа, не приятен.

Толкование.

Аще кто клевещет на епископа или на причетника, рекше на презвитера или диакона, подобает истязати прежде житие их, а не без испытания приимати их на оклеветание епископа. Аще причетницы суть оклеветающии или мирстии человецы, да некогда будут отвержени от церкве или причащения лишени, или о гресех неких оклеветаеми сами, и себе и еще не оправдивше, или инако како житие (л. 819)[3415] имуще порочно, или верою чюжди, рекше еретицы, мнози бо таковии церковное благочиние смясти и превратити хотяще, клеветами вины сшивают на непорочныя и правоверныя епископы и причетники. Таковии на оклеветание не приятни.

Святаго собора Карфагенскаго правило 59.

Причетник[3416], вещь судив, аще неугоден будет, да не позовется о том послушествовати на судище и всякого церковника лица не приводити на послушество.

Толкование.

Аще некая два суперника пред некиим причетником изволита судится и вину распрения пред ним объявита, (л. 819 об.)[3417] и потом, раскаявшеся, оставита суд его и отъидета на подобное има судище, да не позовета на свидетельство судившаго его прежде причетника. Ово убо яко отречено ему есть от закона и не подобает его нудити неволею сивдетелствовати, иже бо на священную службу упражняются, неволею не свидетельствуют. Ово же, яко оней же вещи оба суперника избраста судию, судии же возбранено есть свидетельствовати.

Того же святаго собора правило 128.

Не[3418] свидетелствует отлученный.

Толкование.

Непорочну подобает быти послушествующему. Сего (л. 820)[3419] ради убо ни причетник, ни мирскии человек, аще есть отлучен, на епископа или на причетника клеветати или послушествовати не приятен есть.

Того ж собора правило 129.

И раб свобожденый, ни прежде оклеветаный о неких неприемлемых людским судом, и скомрах, и еллин, и еретик, и жидовин, не приятни.

Толкование.

Не подобает без испытания на епископы и на причетники оклеветания или послушества приимати, по шестому правилу Втораго Вселенскаго собора в Константине граде, и аще убо житие имеют непорочно и веру правоверну, (л. 820 об.)[3420] прияти таковыя. Аще же и раби суть, тии бо и от градских закон ни по которой же вине, ни по церковней, ни по мирстей клеветати или послушествовати не могут, ни свобождении же на свою господу. Возбранено убо есть и тем градскими законы на свободившыя их от работы клеветати или послушествовати о гресех. Подобает бо им честны и святы свободившыя их имети. Ни прежди того сами осуждени бывше и еще не оправдившеся или на людстем осуждени бывше судищи и царским благодеянием от своего запрещения и еще не устроени суще, (л. 821)[3421] или житие поруганию достойно имуще, якоже се скомраси и глумцы, или нашея веры чюжди суще, якоже се, июдеи, еретицы же и еллини, таковии не приятни на оклеветание или на послушество на епископа или на причетника, понеже тии о ином ни о чем же тщания не имут, но токмо порок и поругание святительстей чести прилагати и мятеж на церковь приводити.

Того ж собора правило 130.

Оклеветаяй во мнозе и ни в едином же обличив, не послушан.

Толкование.

По достоянию убо и сей на оклеветание и на послушество не приятен есть, (л. 821 об.)[3422] яко клеветник явлься[3423], и того ради без чести сый, понеже глаголя на некоего многи предлагает вины и ни в единой же обличит.

Того же собора правило 131.

Ни[3424] четырехнадесяти лет отрок приятен.

Толкованье.

И сей на послушество не приятен есть несовершенаго ради возраста. Подобает бо послушествующему честну и правоверну быти и тверд ум имети, несовершеный же возрастом ползок есть помышлением.

Второе же изложение седмыянадесят главы первыя грани двадесять первых книг глаголет: Аще не будет 20-ти лет возрастом, (л. 822)[3425] таковаго на послушество о гресе ни на кого не приимати.

Того же собора правило 132.

Клеветник от своего дому послухлв не поставляет.

Толкованье.

Своего дому послуси отвержены суть и градскими законы. Глаголет бо ся 21-я глава Книг Царских яве сице: Клеветник домашних своих послух не может привести. И 25-я главы тоя же грани тех же Царских Книг глаголет, яко домашняя свидетельство отметаема суть. Домашняя же свидетели разумей, иже под властию некоего и могуще повеленая им от него творити, (л. 822 об.)[3426] таковии убо ни по нем самом, ни на иного, на него же он клевещет, во свидетельство не приятни, или о греховных, или о инех, яже имениа винах. Аще же ин судим бывая, и восхощет от иного дому свидетеля привести, не возбранится ему, от единого бо дому и отец и сын, под властию его сый, и два брата под властию отчею суще, или на кого или по ком не могут свидетельствовати, якоже 21-я глава тоя ж грани, рекше первыя 21-х Царских Книг повелевает.

Дата добавления: 2015-08-02