О родстве убо сице 4 страница

Тем[2941] же убо и мы, толик имуще облежащ нас облак свидетелей, гордость всяку отложше и удобь обстоятельный грех.

Блюдите[2942] же и не отрицайтеся глаголющаго, аще бо не избежаше они, отрекшися пророчествующа на земли множае паче мы, отрицающе небеснаго. Его же глас землю тогда поколеба, (л. 692 об.)[2943] ныне же обетова, глаголя: Яко еще единою Аз потрясу не токмо землею, но и небом. А еже единою еще потрясу, сказует колеблемых преложение, аки сотвореном да пребудет, яже суть неподвижимая.

Тем же царство непоколеблемо, приемлюще имамы благодать, ею же служим благоугодно Богу со благоговением и страхом. Ибо Бог[2944] наш огнь поядаяй есть.

Поминайте[2945] наставники ваша, иже глаголаша вам Слово Божие, их же взирающе не скончание жителства, подражайте весу их, Иисус Христос вчера и днесь, той же и вовеки. В научения странна (л. 693)[2946] и различна не прилагайтеся, добро бо благодатию извещевати и утверждати сердца, а не брашны. От них же не прияша ползу ходившеи в них. Имамы же олтарь, от него же не имут власть ясти служащый сени. Их[2947] же бо кровь животных вносится во святая за грехи первосвященником. Сих телеса сожигаются вне стана. Тем же и Христос да освятит люди своею кровию, вне врат пострадати изволи. Тем же убо да исходим к нему вне стана, поношение Его носяще, не[2948] имамы бо зде пребывающаго града, но грядущаго взыскуем. Тем убо приносим жертву хваления (л. 693 об.)[2949] в ыну Богу, сиречь плод устен исповедающеся[2950] имени Его. Благотоврения же и общения не забывайте, таковыми бо жертвами угождати Богу.

И се зде Божиею помощию вся свидетелства совершишася, аще и не по ряду зде положено бысть. Ум имея, да разумеет.

Разсмотри[2951], богоборче и истинноборче, повсюду Писание со сведетелствы писаное, а не без сведетелства, якоже ты, самоумне, написал Уложенную книгу без всякого свидетелства.

Написа евангелист Матфей о родстве Господа нашего Иисуса Христа, глаголя не самоумне, ни без свидетелства, (л. 694)[2952] но сице рече: Книга родства Иисус Христова, сына Давидова, Сына Авраамля, и прочее. Такожде же и прочии евангелисти и елика о благовещении ко Пресвятей Богородицы, и елико о рождестве Господа нашего Иисус Христа, и елико от Иродова убийства бежании во Египет и паки от Египта отхождении в землю Израилеву, и елико о избиении младенцов Христа ради от Ирода, и елика о Иоанне Крестители, и елико той о Христе пророчествова. и елико о Христе крещении и Духа Святаго над Него сшествии, и елико о искушении Христове от диавола, и елико о учении Христове и о заповедях Его (л. 694 об.)[2953] и о чюдесех Его, и елико Христово свидетелство самого о себе, яко с небесе снидох, и елико о зависти жидовстей на Христа и о лжесведетелстве жидовском и о неправедном суде Иродове же и о Пилатове, и о поругании на Христа от жидов и от слуг, и о предании на пропятие[2954] и о распятии Христове, и о погребении, и о воскресении, и по воскресении о явлении ко учеником, и о вознесении, и о обещании послания Святаго Духа от Отца, и о втором Христове пришествии, и елико самого Христа Бога ко святым Его учеником и апостолом поучении и заповедех уверял все от Писания, якоже се: (л. 695)[2955] Не тако ли писано есть, яко подобает пострадати Христу и воскреснути третии день.

Кто же ли праведнее во пророцех паче Иоанна Предтечи, о нем же сам Христос свидетелствова[2956]: Чесо изыдосте видети? Пророка ли? Ей, глаголю, и лишше пророка сей бо есть. О нем же писано: Се Аз посылаю аггела Моего пред лицем Твоим, иже уготовит путь Твой пред Тобою. Аминь, глаголю вам, не воста в рожденных болии Иоанна Крестителя. И по мале: И[2957] аще хощете прияти, той есть Илия, хотяй приити. Имеяй уши слышати, да слышит, якоже Богословец Иоанн глаголет о нем[2958]. (л. 695 об.)[2959] Иоанн свидетелствует о нем: И возва, глаголя: Сей бе, его же рех, иже по Мне грядый, предо Мною бысть, иже первее Мене бе. И от исполнения его мы вси прияхом и благодать во благодать, яко закон Моисеом дан бысть, благодать и истина Иисус Христом бысть.

Бога никто же виде нигде же. Единородный Сын, сый в лоне отчи, той исповеда, и се есть свидетелство Иоанново. И паки: Во утрии же видев Иоанн Иисуса, грядуща к себе, и прием от Иисуса ина пророчества, свидетелствова, глаголя: Се агнец Божии, вземляй греси миру. Сей есть, о нем же Аз рех. И прочее.

(л. 696)[2960] Такожде и к пославшым от жидов от Иерусалима иерея и левиты да вопросят его: Ты кто еси? И исповеда и не отвержеся и исповеда, яко несмь аз Христос. И по мале рече: Аз[2961] глас вопиющаго в пустыни: исправите путь Господень, якоже рече Исаиа.

Кто же ли вернее и крепчее паче Петра верховнаго, иже прежде всех исповеда Христа Сына Божия, о нем же сам Христос свидетелствова, якоже пишется: Возрев[2962] на нь Иисус и рече: Ты еси Сомин, сын Ионин, ты наречешися Кифа, еже сказается Петр. И паки инде рече: Блажен еси Симоне, вар Иона, яко плоть не яви тебе, но Отец Мой, (л. 696 об.)[2963] иже на небесех. И Аз же тебе глаголю: Яко[2964] ты еси Петр и на сем камени созижду церковь Мою, и врата адова не удолеют ей. И дам ти ключа Царствия Небеснаго и еже аще свяжеши на земли, будет связано на небеси, и еже аще разрешиши на земли, будет разрешено на небеси. То ни сей что може без свидетелства писати о Христе ко июдеом, глаголя[2965], зане писано есть в Писании: Се полагаю в Сионе камень краеуголен избран честне. И веруяй в онь, не постыдится. И прочее. И паки рече, зане писано есть[2966]: Святи будете, яко Аз свят есмь. И прочее.

Кто же ли пречюднее Павла верхо(л. 697)внаго[2967], его же избра сам Господь учителя языком, и свидетелствова, глаголя: Яко[2968] сосуд избран Ми есть, пронести имя Мое пред языки и царьми и сыньми Израилевыми. Аз бо скажу ему, елика подобает о имени Моем пострадати. Яко иже сам той пишет к римляном: Павел[2969], раб Иисус Христов, зван апостол, избран во благовестие Божие. И прочее. И инде рече: И аз бо мносю имени Духа Святаго. Но ни сей что любо, не писанием свидетелству о Господе нашем Иисусе Христе, но глаголаше, еже прежде обеща пророки своими в писаниих святых о Сыне своем, бывшем от семене Давидова, по плоти нареченне Сыне (л. 697 об.)[2970] Божии по Духу Святня, из воскрешения мертвых Иисус Христа Господа нашего. И прочее.

Кто же ли любимее Иоанна возлюбленнаго, иже на перси Христовы возлеже, брат и друг Христу именовася, о нем же сам Христос свидетелствова, якоже пишется[2971]: Стояху же при кресте Иисусове мати его. Иисус же видев матере и ученика стояща, его же любляше, глагола матери своей: Жено, се сын твой. Потом глагола ученику: Се мати твоя. И паки инде[2972] Обращ же ся Петр, виде ученика, его же любляше Иисус, вослед идуща, иже возлеже на вечери на персе Его и рече: Господи, кто есть предаяй тя? Сего видев (л. 698)[2973] Петр, глагола Иисусови: Господи, сей же что? Глагола ему Иисус: Аще хощу, да той пребывает, дондеже прииду что к тебе, ты по Мне гряди. Изыде же слово сие в братию, яко ученик той не умрет. И по мале рече сам той: Сей есть ученик свидетельствуяй о сих, иже и написа сия, и вем, яко истинно есть свидетелство его. Иже и вышше всех написа, о слове Божии глаголя: В начале бе Слово, и Слово бе у Бога, и Бог бе слово. Се бе искони у Бога. И прочее.

Но ни сей что любо без свидетелства преда или написа. Такоже и вси святии апостоли и святии отцы, ничто же предаша или научиша от себе, (л. 698 об.)[2974] но все от Божественнаго Писания.

Ныне же един точию ты предал закон, несогласен Ветхому и Новому закону и всему Божественному Писанию. Господу убо глаголющу: Не мните, яко придох разорити закона. Или пророк: Не приидох разорити, но исполнити. Аминь, глаголю вам, дондеже прейдет небо и земля, иота едина или едина черта не прейдет от закона, дондеже вся будут, иже аще разорит едину заповедий малых и научит тако человеки, мний наречется во Царствии Небеснем.

Ты же, богоборче, не закон и пророки, но и самое святое священное Евангелие разорити и вся святыя законы не устыдеся. (л. 699)[2975] Господу свидетелствующу и глаголющу: Небо и земля прейдет, от закона же иота едина или едина черта не прейдет. Ты же вся единою премину и ниже устрашися Божия страха, иже аще разорит едину, рече, заповедий малых и научит тако человеки, мний наречется во Царствии Небеснем, то есть не наречется. Ты же сам вся святыя заповеди разорив и всем людем в закон свое беззаконие написа. Не глаголет убо Христос[2976], законныя заповеди малы, но их же Он предати хощет. Нарицает же их малы смирения ради, да и тебе научит смиреномудрствовати. Мал же наречется, иже сам не творит (л. 699 об.)[2977] по заповедех и других тако учит, сам дело не имея. Мал же наречется во Царствии Небеснем, сиречь на воскресение последний и отвержен в геену огненну, не вниде бо тако в Царство Небесное. Других уча, сам же заповеди презирая попирая и ни во что же вменяя. Како бо иного кто наставити может на путь, им же сам не ходил есть?

Ты же, богоборче, отметая заповеди Божия и не пребывая во учении Христове, како имаши внити в Царство Небесное?

Не слышал еси Господа глаголюща: Но народ, иже не весть закона, прокляти суть. И святый Давид глаголет: (л. 700)[2978] Прокляти уклоняющиеся от заповедей Твоих. И святый Иоанн Богослов глаголет: Всяк преступаяй и не пребываяй во учении Христове, Бога не имать.

Святаго Василия Великаго правило 63.

Христов[2979] отметник во всем житии своем да кается.

Толкование.

Иже от Христа отвержется, во все время живота своего должен есть плакатися. На исходе же жития сподобится святаго причащения.

Того же Василия Великаго правило 45.

Христиан[2980] сый ругаяся Христу, от наречения ползы не приимет.

Толкование.

Вера без дел мертва есть, никая же бо полза от наречения, еже (л. 700 об.)[2981] нарицатися христианину, Христовы же заповеди отметати и делы злыми тому ругатися.

Святаго 6-го Вселенскаго собора правило 64.

Мирский[2982] человек да не учит, не вси бо пророцы, ниже[2983] убо вси апостоли.

Толкование.

Всяк убо должен есть свой чин ведати и не творити себе пастыря овца сый, и глава да не мнится нога сый, но повиноватися преданному от Бога чину и уши свои отверзати на послушание приемлющих благодать учительскаго словесе. Не вси бо пророци и не вси апостоли. Сего ради мирстии человецы да не учат, ни словес о заповедех да не подвизают, тем сан (л. 701)[2984] учительскии к себе привлачаще.

И Божественый ж Павел утвержает, глаголя: Аще и аггел благовестит паче, еже приясте, проклят да будет.

И святаго 7-го Вселенскаго собора правило 1: Аще кто приложит или уимет что от Божественных заповедей и закон, проклят да будет.

В Уложенной книге твоего списания глава 1 статия 1 о богохулниках.

Будет иноверцы какия ни буди веры или руской человек возложит хулу на Господа Бога и Спаса нашего Иисуса Христа или на рождьшую его Пречистую владычицу нашу Богородицы и Приснодеву Марию или на честный крест или на святых его (л. 701 об.)[2985] угодников и про сыскивати всякими сыски накрепко. Да будет сыщется про то допряма, и того богохулника обличив казнити, зжечь.

И что болше тоя хулы, еже отложити вся заповеди Христовы и святых апостол и святых отец заповеди и каноны, лгати на Господа и на святых его, о них же напреди скажем.

Да тое же Уложенной книге во 2-й главе в первой статье написано: Будет кто каким злым умышлением учнет мыслити на государьское здоровье злое дело, и про его злое умышление кто известит, и по тому извету про то его злое умышление (л. 702)[2986] сыщется допряма, что он на царское величество злое дело мыслил и делать хотел, и такова по сыску казнити смертию.

Глава 1[2987] статия 2.

Также будет кто при державе царскаго величества, хотя Московским государьством завладети и государем быти, и для того своего злаго умышления начнет рать збирать, или кто учнет царскаго величества с недруги учнет дружитися, и советными грамотами ссылатися, и помочь им всячески чинить, чтобы тем государевым недругом по его ссылке Московским государьством завладеть, или какое дурно учинить, и про то на него кто изве(л. 702 об.)стит[2988], и по тому извету сыщется про тое его измену допряма, и таковаго изменника по тому же казнити смертию.

Да в той ж книге во 2-й главе в 20-й статье.

Также самоволством, скопом и заговором к царскому величеству и на его государевых бояр и околничих, и на думных, и на ближних людей, и в городех, и в полкех на воевод, и на приказных людей, и ни на кого никому не приходити и никого не грабити и не побивати.

21 статья.

А кто учнет к царскому величеству или на его государевых бояр и околничих, и думных, и ближних людей, (л. 703)[2989] в городех и в полкех на воевод, и на приказных людей или на кого ни буди приходити скопом и заговором, и учнут кого грабити или побивати, и тех людей, кто так учинит, за то по тому же казнити смертию без всякия пощады.

И аще кто начнет мыслить на царское величество злое умышление или похочет Московским государьством завладеть и государем быти, или кто учнет к царьскому величеству или на его государевых бояр и околничих, и думных, и ближних людей, и в городех, и в полкех на воевод, и на приказных людей или на кого ни буди приходити скопом (л. 703 об.)[2990] и заговором, и учнут кого грабити или побивати, и тех людей, кто так учинит, за то по тому же казнити смертию без всякия пощады.

Да ты же пишешь в 4 главе в 1 статье.

Будет кто грамоту от государя напишет сам себе воровски, или в подлинной государеве грамоте и в ыных каких приказных писмах что переправит своим вымыслом, мимо государева указу и боярского приговору или думных и приказных людей, и подьячески руки подпишет, или зделает у себя печать такову, какова государева печать, и такова за такия вины казнити смертию.

2-я статья.

А будет воровс(л. 704)твом[2991] же учнет отъимати государевы печати от государевых грамот или от иных каких приказных писем, и те государевы печати учнет к иным каким воровским писмам прикладывать, или будет кто учнет какия писма воровством же наряжати и приказныя писма переправливати мимо государева указу, и того казнити смертию, а писмам его нарядным ни в чем не верити.

А[2992] будет кто такия писма зделав умрет, и после его те писма объявятся у племяни или у прикащиков, и то его племя и прикащики учнут по тем писмам о каком деле государю бити челом, и про них сыскати, (л. 704 об.)[2993] каким обычаем те им писма достались, и где их взяли, и про то они ведали ли, что те писма нарядны. Да будет про них в сыску скажут или они сами в том повинятся, что они про ведали, что те писма воровские нарядные, а держали их у себя для своих пожитков и корысти, и тех людей по тому ж казнити смертию.

Послушай, неправедный человече, что Господь к таковым лицемером глаголет: Рабе лукавый, от уст твоих сужду тя. Тако и зде не погрешит истины, кто тебе изглаголет такожде. И аще царския грамоты и уставы и при(л. 705)казныя[2994] писма переправит кто своим вымыслом мимо государева указу и боярского приговору или думных и приказных людей и подьяческия руки подпишет, или будет кто учнет какия писма воровством нарежать и приказныя писма переправливати мимо государева указу, или после кого останутся такие воровския писма, или кто печать зделает, и за то казнити смертию.

А иже на самого Бога вознеистовися и преобидит Божию власть, якоже и денница, и Божие достояние, и Божии суд преписав на царское имя "суд государя царя" и прочее, и святых апостол и святых отец и учителей (л. 705 об.)[2995] и законоположников наших, приимших власть от несочетаннаго царя и Бога нашего Господа Иисус Христа, на земли и на небеси имущих власть вязати и решити, и не человеком точию хотящим судити, но аггелом, то тех обесчестив и власть и честь и заповеди разорив и ни во что положив, коликих мук и смерти достоин?

Господу свидетелствующу: Иже есть от Бога, глаголы Божия послушает. Сего ради вы не послушаете, яко от Бога несте. И инде рече: Слушаяй вас, Мене слушает, и отметаяйся вас, Мене отметается.

Да ты же пишешь в 10-й главе во 141-й статье.

Будет кто (л. 706)[2996] учинится приставу силен и по доездной памяти по того ослушника послати вдругие иного пристава, а к воеводе в тот город, где тот ослушник живет, послати государева грамота, чтобы воевода на того ослушника приставу дал стрелцов и пушкарей и затинщиков сколко человек пригож, чтобы было приставу с кем такова ослушника изымати. Да как пристав того ослушника изымав к Москве приведет, и тому ослушнику за его ослушание учинити наказание, бить батоги, да на нем же доправить исцу проесть и волокита по указу, и недельщиком езд без суда и отдати исцу. (л. 706 об.)[2997] А будет кто в третие сотворит, и ему то же наказание учинить и вкинуть в тюрьму на месяц.

А во 142-й статье.

Будет кто у пристава наказную и приставную память или государевы грамоты отъимет и издерет, и такова непослушника за государеву грамоту бить кнутом и посадить в тюрьму на три месяцы. А кто неделщика или понятых побиет до смерти, и того убойцу самого казнити смертию же.

И аще тако царевым непослушником и суд иным без казщни не прощено, а иже Божии и святых его апостол и законоположник заповеди преступая и попирая, колики муки (л. 707)[2998] ждут? Божие слово и не погрешает: Им же бо судом судите, осудитеся, и ею же мерою мерите, возмерится и приложится.

Господу глаголющу: Глаголю[2999] вам, яко аще не избудет правда ваша паче книжник и фарисей, не внидите в Царство Небесное.

Толкование.

Правду глаголет всяку добродетель, якоже речено: Праведен бяше Иов, преподобен, непорочен. Устрашися прочее, о человече, разумев, колико должни суть. Таже учит нас, како изообилна правда наша будет, паче фарисей и книжник. Прочее же устрояет добродетели, глаголя Евангелие: Слышасте, яко речено бысть древним, (л. 707 об.)[3000] не убиеши, иже аще убиет, повинен есть суду. Аз же глаголю вам, яко всяк гневаяйся на брата своего всуе, повинен есть суду.

Толкование.

Пророцы бо, хотяще пророчествовати, глаголаху: Тако глаголет Господь. Христос же не тако, но: Аз глаголю, являя власть Божества своего. Они ради бяху, сей же сын и вся отеческа имея. Гневаяйся, рече, на брата своего туне, осужден будет. Аще ли кто прогневается по правде, и наказания ради и по духовной ревности, не осуждается таковый. И Павел убо ярости и гнева глаголы вещаше к Еллиме волхву и ко архие(л. 708)рею[3001] на сонмище, но не туне, но по ревности Божественой. Тогда бо туне гневаемся, егда имения ради и славы, и еже себе ради месть воздати.

Како же ты, богоотступниче, евангельских заповедей разорителю, ин закон вводишь в проклятом твоем списании в 10 главе в 27-й статье.

Будет боярин или околничей или думной человек обесчестит словом патриарха и за патриарше бесчестие боярина и околничего, и думного человека по сыску отослати к патриарху головою.

Статья 28.

А будет боярин или околничей или думной человек (л. 708 об.)[3002] обесчестит словом митрополита или архиепископа, или епископа, и за митрополиче и архиепископле и епископле безчестие боярину и околничему и думному человеку митрополиту за бесчестье четыреста рублев, архиепископу триста рублев, епископу двести рублев. А будет кому платить нечим, и его за властелинское безчестие отослать ко власти головою, будет сыщетца допряма.

Статья 29.

А будет боярин или околничей или думной человек обесчестит архимандрита или игумена или иной какой иноческой чин, и им за безчестье по суду или по сыску платить безче(л. 709)стье[3003] против государева указу.

Статья 30.

А будет патриарха или митрополита или архиепископа, или епископа или архимандрита или игумена или казначея или келаря или иной иноческий чин обесчестит словом столник или стряпчей или дворянин московской или гость или дьяк или жилец или дворянин или сын боярской городовой или иноземец или дворовой человек, а по сыску и по суду сыщется про то допряма, и им за такое безчестие чинить указ: за патриарха бить батоги, за митрополита посадить в тюрьму, за архиепископа и епископа (л. 709 об.)[3004] в тюрму же посадить.

Статья 31.

А будет патриарха или митрополита или архиепископа, или епископа или архимандрита или игумена или казначея или келаря или иной иноческий чин обесчестит словом гостиной и суконной сотни или черных сотен и слобод тяглой человек или стрелец или казак или пушкарь или кто иной какова чину ни будь, а по суду и по сыску про то сыщется допряма, и им за то чинить указ: за патриарха учинить торговая казнь да посадить в тюрьму на месяц, за митрополита бити батоги (л. 710)[3005] да в тюрму посадить на четыре дни, за архиепископа и епископа бить батоги да в тюрму посадить на три дни.

Архимандритом и игуменом и архидиакону и Троицы-Сергиева и всех монастырей келарем и казначеем и соборным старцом и рядовой братье править за бесчестье: Живоначалныя Троицы Сергиева монастыря архимандриту 100 рублев. И прочее о прочих монастырех писаное.

Откуду ты, беззаконниче и злобе списателю, такова навык чрез Божественыи Христовы заповеди и святых апостол и святых отец заповеди и каноны возмеряти противу зла зло, ранами и сребреными (л. 710 об.)[3006] искупы качествы и количествы. Не слышали твое нерадивое ухо законоположника нашего и учителя Господа Бога и Спаса нашего Иисуса Христа, учаща и глаголюща вышереченное: Глаголю[3007] вам, яко аще не избудет правда ваша паче книжник и фарисей, не внидите в Царство Небесное.

Да которая правда в проклятом том твоем списании, аще кто патриарха обесчестит и по суду и по сыску, оваго головою отослать судил еси, оваго бить кнутом, иного бить батоги, иного в тюрму, на ином безчестие править, якоже выше сего твое безумие и проклятое беззаконие изообразися?

(л. 711)[3008] А во 83-й статье пишешь.

А будет митрополит или архиепископ, или епископ, или архимандрит, или игумен и прочие обесчестит словом бояр и околничих и прочих, а сыщется про то допряма, и им по сыску тем людем, кого они обесчестят, платить за бесчестье против их окладов, что кому государева денежного жалованья, а гостем и иных чинов людем по указным статьям.

Статья 84.

А будет которому архимандриту или игумену или келарю или казначею или рядовым старцам за чье безчестие платить будет нечим, (л. 711 об.)[3009] и на них тем людям править безчестье нещадно до тех мест, как они с ысцы учинят зделку.

Горе тебе и писанию твоему, неправедниче, имать Бог бити стено поваплена по святому апостолу Павлу, яко суд укривлен всюду сотворил еси.

И пишешь в 91-й статье.

А будет боярина или околничего или думного человека обезчестит столник или стряпчей или дворянин московской или гость или дьяк или жилец или дворянин или сын боярской городовой или иноземц или дворовой человек, и на них бояром и околничим и думным людям по суду и по сы(л. 712)ску[3010] править безчестие же. А будет кому ис тех чинов, боярину или околничему или думному человеку за безчестье платить будет нечим, и их бить кнутом.

Статия 92.

А будет бояр и околничх и думных людей обезчестит кто словом гостиные и суконныя и черных сотен и слобод тяглой человек или стрелец или казак или пушкарь или монастырской слуга или иных чинов люди кто ни будь или холоп боярской, а по суду и по сыску сыщется про то допряма, и их за боярское и околничих и думных людей безчестие бити кнутом, да их же сажати в тюрму на две недели.

(л. 712 об.)[3011] Не послушал еси писаннаго: Не познай силна и убога на суде, яко суд Божии есть. Себе и подобных себе мест всем несравнену положил, за патриарха бить батоги, а за митрополитов и архиепископов и епископов сажать в тюрму, А себе сугубо бить кнутом да на две недели в тюрму.

Не слышал еси Спаса, глаголюща: Яко им же судом судите, осудитеся, и ею же мерою мерите, возмерится. И Божественый апостол глаголет: Безумне, ты избежиши ли суда Божия? Воистину, на творящих таковая суд Божии есть. Коликим мукам еси и томлению повинен за тако(л. 713)вое[3012] безбожное предание и беззаконный закон, елико по нему сотворили бедным осужеником раны и иная злая. Ты в сем повинен. Збысться во псалмех писанное: Рече[3013] безумен в сердце своем, несть Бога. Растлеша и омразишася в беззакониих, несть творяй благостыня, несть до единаго. Бог с небесе приниче на сыны человеческия видети, аще есть разумеваяй или взыскаяй Бога, вси уклонишася вкупе и непотребни быша. Несть творяй благое, несть до единаго, ни ли разумеют вси делающии беззаконие, снедающии люди моя в хлеба место.

И паки другое писание:[3014] Провещают (л. 713 об.)[3015] и возглаголю неправду, возглаголю вси, делающии беззаконие. Люди Твоя, Господи, смириша и достояние Твое озлобиша, вдовицу и сира умориша и пришелца. И реша: Не узрит Господь, ниже разумеет Бог Ияковль. Разумейте же безумнии в людех и буи некогда умудритеся, насаждлей ухо, не слышит ли, или создавый око, не смотреят ли, наказуяй языки, не обличит ли? Учай человека разуму, Господь весть помышления человеческа, яко суть суетна. И паки ино писание: Помыслиша[3016] бо и глаголаша в лукавстве, неправду в высоту глаголаша. Положиша на небеси уста своя и язык (л. 714)[3017] их прейде по земли. Рече бо в сердце своем: Не взыщет. Усты наша при нас суть, кто нам Господь есть. И реша: Како уведе Бог, аще есть разум в вышнем. Обаче за лщения их, положил еси им злая, низложил я еси внегда разгордети. И по мале: Яко се удаляющиися от Тебе погибнут, потребил еси всякого любы деющаго от Тебе.

Послушай, праведный беззакония списателю, Божественаго учения, еже Господь глаголет: Аз же глаголю вам, яко всяк гневаяися на брата своего всуе повинен есть суду. Которому суду? Не твоему беззаконному, но суду Божию нелицемерному, (л. 714 об.)[3018] неумытному, якоже учит нас святое священное Евангелие: Егда же приидет Сын Человеческий во славе своей и вси святии аггели с ним, тогда сядет на престоле славы своея и соберутся пред ним вси языцы. И прочее. А не твоему суду повинни, еже ты написал. Аще кто обезчестит словом патриарха и митрополита или архиепископа и епископа, или игумена и прочаго того чина столник или стряпчей и прочии того чина или гостиной и суконной сотни, даже до стрелца и казака и пушкаря и прочаго всякого человека, а по суду и по сыску указ учинит по государеву указу. А кому кого судить, не определил еси. (л. 715)[3019] Кому патрираха, кому ли митрополита и архиепископа и епископа и архимандрита и игумена и прочих.

Якоже и в 13 главе в 1-й статье написал еси.

На митрополитов и на архиепископов и на их приказных, и на дворовых людей, и на детей боярских, и на их крестьян и на монастыри на архимандритов и игуменов, и на строителей, и на келарей, и на казначеев, и на рядовую братью, и на монастырских слуг, и на крестьян, и на попов, и на церковной причет во всяких исцовых искех суд давать в Монастырском приказе. А по которым правилом и кому судить, того не написано же.

(л. 715 об.)[3020] А в 10 главе в 1-й статье написано: Суд государя царя и великого князя Алексея Михайловича всеа Русии судит бояром и околничим и думным людям и дьяком и всяким приказным людям и судьям и всякая росправа делает всем людем Московскаго царьства от болшаго и до меншаго чину в правду.

А в той же книге Уложенной написано на листу 61:

В лето 7158-го июля в 16 день государь царь и великии князь Алексей Михайлович всеа Русии самодержец в двадесятое лето возраста своего в третие лето Богом хранимыя своея державы советовал со отцем (л. 716)[3021] своим и богомолцом святейшим Иосифом, патриархом Московским и всеа Русии, и с митрополиты, и со архиепископы, и со епископы, и со всем освященным собором, и говорил с своими государевыми бояры и с околничими, и з думными людьми, которые статьи написаны в правилех святых апостол и святых отец и в градских законех греческих царей. А пристойны те статьи к государственным и земским делам, и те бы статьи выписать.

И чтобы прежних великих государей царей и великих князей росиийских и отца его государева блаженныя памяти великаго государя царя и великаго князя Михайла Феодоровича всеа Русии (л. 716 об.)[3022] и те государьские указы с старыми справити. А указал государь царь то все собрати и в доклад написати бояром, тебе, князю Никите Адоевскому с товарыщи. И ты по государеву цареву и великаго князя Алексея Михайловича всеа Русии самодержца указу, князь Никита Адоевской с товарыщи, написал, будто выписал ис правил святых апостол и святых отец и из градских законов греческих царей и ис старых судебников прежних великих государей. И в том во всем ты, окаянный, солгал, написал, что ис правил святых апостол и святых отец и из градских законов греческих царей и ис старых судебников (л. 717)[3023] прежних великих государей.

Покажи нам, где есть во апостольских и святых отец и благочестивых царей греческих градских законов и в старых судебниках прежних великих государей судити бояром и околничим и думным людям и дьяком и всяким приказным людям и судьям патриарха и митрополитов и архиепископов и епископов, архимаритов и игуменов и весь духовный чин? Покажи во своем ложном списании и не отрекийся. И аз ти покажу Господа Бога и Спаса нашего Иисуса Христа суд и месть. Тако глаголет Господь: А[3024] иже бо аще речет брату своему (л. 717 об.)[3025] рака, повинен есть сонмищу.

Толкование.

Собор убо не царское или боярское и прочих мирских судей, но архиерейской суд глаголет, якоже правила и царския и великих князей таковыя безчестныя суды. Кто кого обезчестит словом, судить архиереом. О них же многащи писано есть выше сего. Нам же архиереом и прочим священнаго чина доволно есть на отмщение лаятелем нашим Божественая отмщение.

А[3026] иже речет, уроде, повинен есть геенне огненней. И что есть болши сего нашим лаятелем на отмщение, еже вечно мучитися в геенне огненней.

Дата добавления: 2015-08-02