عندي أخت واحدة بس. وإنت كم أخ وأخت 6 страница

الدرس 45 (1_03) حوار

ام شريف	اثاكا كبيرة ولا صغيرة يا دان؟
دان	صغيرة. عدد سكانها حوالي 45 الف نسمة. فيها حوالي 17 الف طالب في جامعة كورنيل
ام شريف	وهَيْ بعيدة عن نيويورك؟
دان	حوالي أربع او خمس ساعات بالسيارة
ام شريف	فيها مطار ولا لأ؟
دان	أيوه، فها مطار صغير.
ام شريف	وكيف الطقس فيها؟
دان	الطقس بارد أكثر ايام السنة. بينزل فيها ثلج خمس شهور تقريبا
ام شريف	خمس شهور ثلج؟
دان	ايوا،من نوفمبر لأبريل
ام شريف	هَيْ في المصري. وفي الأردني من اي شهر لأي شهر؟
ابو شريف	يعني من تشرين الثاني لنيسان
ام شريف	وكيف الطقس بالصيف؟
دان	الصيف كويس. بس فيه الايام حرة.
ام شريف	وكيف الربيع؟
دان	الربيع ممتاز، شجر أخضر، وزهور في كل مكان والطقس معتدل، مش حامي كثير ومش بارد كثير. والخريف كمان كويس.

الدرس 46 (1_28)

حوار

ابو شريف	ممكن أطلب مساعدة يادان؟
دان	تفضل أطلب
ابو شريف	سعاد ضعيفة باللغة الانجلزية. وزي ما بتعرف، عندها امتحان توجيهي هالسنة. ممكن تساعدها شوية؟
دان	طبعا مستعدّ أساعدها.
ابو شريف	ممكن تساعدها ساعة أو ساعتين بالاسبوع؟
دان	ايوا طبعا ممكن. أنا باساعدها في اللغة الانجليزية وهي بتساعدني في اللغة العربية.
ابو شريف	انت بدّك مساعدة العربي؟ انت بتحكي عربي احسن منا… لكن سعاد فعلا ضعيفة بالانجليزي
دان	وامتى امتحان التوجيهي؟
ابو شريف	يعني بعد أسبوعين تقريبا
دان	اسبوعين بس؟ ما فيه وقت كثير
ابو شريف	طيب، شو رايك تعطيها درس اليوم؟
دان	لا، اليوم لازم أرجع على عمان. أنا مشغول كثير. يوم الأربعاء الجاي ممكن.
ابو شريف	ممتاز. الأربعاء الجاي كويس.

الدرس 47 (1_20)

حوار

دان	كم مادة في الامتحان التوجيهي؟
سعاد	8 مواد
دان	8 مواد؟ ايش هي؟
سعاد	عندي عربي وانجليزي وتاريخ والدين وجغرافيا ورياضيات وعلوم...
دان	عندك امتحانات في كل هَيْ المواد؟ الله يساعدك!
سعاد	اكثر المواد سهلة، بس انا خايفة من اللغة الإنجليزية والرياضيات والعلوم
دان	ما تخافي من اللغة الانجليزية. اللغة الإنجليزية عندك ممتازة
سعاد	ممكن باحكي انجليزي كويس، بس ما باعرف اكتب وما باعرف قواعد
دان	انا ما باعرف قواعد انجليزي كويس، بس ممكن أساعدك في الكتابة
سعاد	كيف انت بالرياضيات.
دان	انا ما باحب الرياضيات أبدًا.
سعاد	والعلوم؟
دان	والعلوم كمان مش كويس.
سعاد	إذن في ايش انت كويس؟
دان	انا بحب الرياضة واللغات.

الدرس 48 (1_19)

حوار

جلال	يا دان، بتحب تروح علسوق؟
دان	إمتى انت رايح؟
جلال	اليوم بعد الظهر
دان	اليوم أنا مشغول. ممكن بكرة؟
جلال	بكرة الصبح ولا بعد الظهر؟
دان	بعد الظهر
جلال	بكرة بعد الظهر كويس.
دان	طيب وين نلتقي؟ (استناك)
جلال	بتعرف مطعم العربي؟
دان	أيوا باعرفه
جلال	قدام مطعم العربي
دان	كويس. اي ساعة أستناك فيها؟
جلال	الساعة ثلاثة، ثلاثة وربع.
دان	كويس، إذن باستناك بكرة.

الدرس 49 (1_18)

حوار

جلال	آسف يادان، تأخّرت عليك. وصارت من زمان بتستنى؟
دان	من نص ساعة (تقريبا). ليش تأخّرت؟
جلال	صار فيه حادث في الطريق وسكّروا الشارع.
دان	شو صار؟
جلال	سيارة نقل كبيرة ضربت سيارة ركّاب صغيرة وأجت سيارات الإسعاف.وسكروا الشارع وصارنا.. واستنينا في الباص اكثر من نص ساعة. وانت كيف جيت من الجامعة
دان	بالباص
جلال	شو بدك تشتري من سوق عمان؟
دان	بدي اشتري كندرة وهدايا لأهلي ولأصحابي في أمريكا
جلال	اشتريت أشياء من سوق عمان قبل اليوم؟
دان	مرة واحدة بس. اشتريت قميص، وبعدين بطّلت اشترى اي شيء لوحدي
جلال	ليش؟
دان	الاسعار بهالسوق غربية ، نفس الشيء بدينار في دكان وبخمس دناير في الدكان اللي جنبه.
جلال	طبعا يا دان هذه الأردن مش أمريكا.

الدرس 50 (1_02)

حوار

المذيعة	سيداتي وسادتي، السلام عليكم ورحمة الله وبركاته. أهلا بكم في البرنامج "مع الناس". برنامجنا اليوم عن مشكلة ارتفاع الأسعار وخصوصا أجرة البيوت. مرحبا ياأخت. الإسم الكريم؟
مريم	مريم النابلسي
المذيعة	عندك وظيفة يا أخت مريم؟
مريم	لا والله أنا ربة بيت.
المذيعة	كم ولد عندك؟
مريم	ثمانية
المذيعة	الله يخليهم. وجوزك شو بيشتغل؟
مريم	موظف في وزارة التربية والتعليم
المذيعة	عمدكم بيت ولا ساكنين بالأجرة؟
مريم	احنا عندنا بيت؟ من وين الفلوس؟ طبعا ساكنين بالأجرة
المذيعة	مستأجرين شقة ولا بيت ؟
مريم	احنا نستأجر شقة صغيرة، ثلاث غرف ومطبخ وحمام.
المذيعة	كام بتدفعوا بشهر؟
مريم	ستين دينار زائد كهرباء وميه.
المذيعة	ايش رايك يا اخت مريم في مشكلة أجرة البيوت؟
مريم	الله يعيني والله يساعد الناس عالغلاء ومشاكله! انا وجوزي يأخد 75 دينار في الشهر كنا ندفع عشرين دينارعالشقة. هلأ بندفع ستين دينار، الله يعيني عللغلاء. كل شيء يا أختي صار غالي، كيلو اللحمة بعظمه بعشر دنانير ، كيلو الدجاج بريشة بخمس دنانير ، كيلو موز، اذا كان موجود، دينارين. كل شيء صار غالي. الله يعيني عالغلاء. من وين نجيب فلوس؟ الله يساعدنا يا أختي!

Дата добавления: 2015-11-04