عندي أخت واحدة بس. وإنت كم أخ وأخت 3 страница

الدرس 26 (1_010)

حوار

ابوشريف	تفضل تفضل هذه ام شريف
دان	أهلا وسهلا. كيف الحال؟
ام شريف	الحمد لله بخير. وانت كيف حالك؟
دان	الحمد لله كويّس
ابوشريف	دي بنتي مريم ودي سعاد
دان	اهلا وسهلا، تشرّفنا. وهي البنت الصغيرة بنت مين؟
ابوشريف	هيْ بنت مريم
دان	قدّيش عمرها؟
ابوشريف	يعني كمان شهرين بتصير تلات سنين.
دان	وين عبد الله؟
ابوشريف	عبد الله راح مشوار عللسوق. كمان شوية بيرجع.
دان	سعاد طالبة طبعا
ابوشريف	ايوا، هي في السنة النهائية التوجيهي.

الدرس 27 (1_21)

حوار

ام شريف	كيف حال شريف؟
دان	مبسوط كثير، وصحته ممتازة
ام شريف	وكيف دراسته؟
دان	دراسته ممتازة كمان
ام شريف	أمتى شفته آخر مرة؟
دان	يوم الجمعة الماضي
ام شريف	هو وين ساكن؟
دان	ساكن في شقة مع طالب من لبنان
ام شريف	شفت شقته؟
دان	ايوا ثلاثة أو اربع مرات
ام شريف	شقته كبيرة ولا صغيرة
دان	كبيرة، فها غرفتين نوم وغرفة جلوس ومطبخ
ام شريف	وبعيدة عن الجامعة؟
دان	ايوا بعيدة
ام شريف	وهو كيف بيروح للجامعة؟
دان	بالباص

الدرس 28 (1_25)

حوار

دان	ايش هذا يا ابو شريف
أبو شريف	هذا منسف
دان	بس انت ما سألت اذا انا جوعان أو لا؟
ام شريف	وليش أسأل؟ أجا وقت الغداء، لازم نتغدى، يلا تفضل، تفضل. كل. ايش بتحب تشرب؟
دان	ايش فيه للشرب؟
ام شريف	فيه مية وعصير وبيبسي
دان	مية باردة من فضلك.
دان	هذا المنسف فعلا طيب. ايش فيه يا ام شريف
ام شريف	انت ما أكلت منسف قبل هذه المرة؟
دان	لا والله ما أكلت
ام شريف	يا سيدي فيه رز، ولبن ولحمة
دان	لحمة ايش؟
ام شريف	لحمة خروف
دان	احنا في أمريكا ما بنأكل لحم خروف كثير. أكثر الناس بيأكلوا لحم بقر أو لحم خنزير أو دجاج
ام شريف	هون في الاردن اكثر الناس بياكلوا يا لحم خروف يا لحم دجاج لكن لحم خنزير ما بياكلوا.

الدرس 29 (1_27)

حوار

سعاد	بتحب قهوة ولا شاي؟
دان	شاي ؟ هلأ شربنا شاي.
سعاد	لا، لازم يا شاي يا قهوة
دان	فيه قهوة امريكية؟
سعاد	فيه قهوة امريكية وقهوة عربية
دان	قهوة امريكية اذا ممكن. انا الا اسبوع ما شربت قهوة امريكية.
سعاد	كيف بتحب القهوة، مع سكّر ولا بدون سكر؟
دان	بدون سكر
سعاد	بتحب حليب مع القهوة؟
دان	اذا ممكن
ابو شريف	وأنا بدي قهوة امريكية كمان
سعاد	قهوة امريكية؟ مش معقول.
ابو شريف	ليش مش معقول؟ بدي أجرّبها
دان	عمر ما شربت قهوة امريكية قبل هيك؟
ابو شريف	لا، هيْ اول مرة، الناس هون ما بيشربوا قهوة امريكية، كل الناس بيشربوا قهوة عربية، فيه ناس بيشربوها بسكّر وناس بيشربوا بدون سكر.
دان	يسلموا ايديك ياسعاد
	صحة وهناء

الدرس 30 (1_24)

حوار

دان	انا لازم أرجع عمان
ابو شريف	لا لا الليلة نام هون وبكرة الصبح ارجع لعمان
دان	لكن انا مشغول
ابو شريف	بلا مشغول بلا بطيخ، خلاص نام هون وبكرة بتروح في أول باص لعمان
دان	كمان عندي غرفة محجوزة بالفندق
ابو شريف	ولا يهمك، انا باحكي مع الفندق. بدنا نحكي فنقعد معك ونسألك عن شريف، قم
ابو شريف	تفضل هَيْ الغرفة اللي رايح تنام فيها الليلة
دان	آه هذه غرفة كبيرة
ابو شريف	هيْ الغرفة للضيوف، هي اكبر غرفة في البيت. أكيد انت تعبان، بتحب تستريح شوية؟
دان	ايوا فكرة كويسة. انا تعبان كثير... لكن وين الحمّام يا ابو شريف؟
	فيه حمامين. واحد عربي وواحد غربي. اي واحد بدّك؟
دان	العربي، لو سمحت

الدرس 31 (1_31)

حوار

ابو شريف	هذه امّي، الحجّة ام خالد. هي بتحب تسألك عن شريف
دان	اهلا يا ام خالد. كيف حالك؟
ام خالد	أهلا فيك. كيف حالك انت؟
دان	الحمد لله كويس
ام خالد	وكيف حال مرتك واولادك؟
دان	انا مش متزوج.
ام خالد	انت مش متزوج؟ قديش عمرك؟
دان	31 سنة
ام خالد	31 سنة ومش متزوج؟
ابة شريف	ليش لأ؟ هون مش مثل امريكا ياحجة. فيه ناس عمرهم خمسة وثلاثين أو اربعين سنة ومش متزوجين.
ام خالد	لا، هذا مش معقول. لازم اشوف له بنت من هون؟

الدرس 32 (1_30)

حوار

ابو العبد	السلام عليكم
ابوشريف	وعليكم السلام. تفضل ياابو العبد. جارنا ابو العبد. السيد دان
ابو العبد	اهلا بالضيف. تشرفنا
دان	اهلا فيك
ابوالعبد	الاخ دان من امريكا، مسبوط؟
دان	ايوا من امريكا
ابو العبد	من وين في امريكا؟
دان	من مدينة صغيرة اسمها اثاكا في ولاية نيويورك
ابو العبد	كيف شفت الأردن؟
دان	كويس
ابوالعبد	في رأيك أنُّه أحسن الأردن ولاّ امريكا؟
دان	ما باعرف. انا وصلت الأردن من اسبوع. وشفت شوية من عمان وشوية من إربد بسّ.
ابوالعبد	عندك عائلة في امريكا؟
دان	ايوا، عندي اب وام واخت
ابوالعبد	اختك اكبرمنك ولا اصغر منك؟
دان	اصغر مني.
ابوالعبد	هي متزوجة ولا لاّ؟
دان	لا مش متزوجة
ابوالعبد	قديش عمرها؟
دان	24 سنة
ابو العبد	ساكنة مع ابوك وأُمك طبعا؟
دان	لا، ساكنة لوحدها في كاليفورنيا
ابو العبد	مش معقول. ساكنة لوحدها؟
دان	وليش لآّ؟
ابو العبد	هون يا اخ دان في الأردن البنت إللي مش متزوجة بتسكن في بيت أبوها وبس.

الدرس 33 (1_40)

Дата добавления: 2015-11-04