|
الدرس 39 (1_13)
حوار
جلال | فيه جامعات كثير بامريكا؟ |
دان | ايوا. ما باعرف قديش بالزبط، ممكن اكثر من الف جامعة |
جلال | الف جامعة؟ |
دان | ايوه، مع الكليات ممكن الفين. كم عدد جامعات في الأردن؟ |
جلال | في الاردن فيه 4 او 5 جامعات بس. |
دان | لكن عدد سكان الأردن 4 او 5 ملايين نسمة بس عدد سكان أمريكا 250 مليون. |
جلال | الدراسة في الجامعات الأمريكية غالية ولا رخيصة؟ |
دان | الجامعات الخاصة غالية، لكن الجامعات الحكومية أرخص. |
جلال | يعني كم بتكلف الدراسة في السنة الواحدةا؟ |
دان | في الجامعات الحكومية ممكن 7 او 8 آلاف دولار ، في جامعة خاصة مثل جامعة هارفارد مثلا ممكن 25 الف. |
جلال | 25 الف دولار في السنة الواحدة؟ |
دان | ايوا. لكن هارفارد أحسن جامعة في امريكا، ممكن احسن جامعة في العالم. |
الدرس 40 (1_12)
حوار
جلال | انت وين ساكن يا أخ دان؟ |
دان | في شقة في عمان |
جلال | شو شفت في الاردن؟ |
دان | شفت عمان وإربد بس. |
جلال | أعجبتك عمان؟ |
دان | ايوة، كثير. خصوصا البلد والاسواق القديمة |
جلال | شفت المدرج الروماني؟ |
دان | طبعا شفته |
جلال | انت بتحب الآثار القديمة؟ |
دان | ايوا كثير |
جلال | اذن لازم تشوف البترا وجرش |
دان | سمعت العقبة كمان حلوة |
جلال | ايوا، خصوصا اذا بتحب تسبح. لكن في هالايام الطقس حامية شوية. |
دان | كيف الطقس في الشتاء؟ |
جلال | ممتاز في الشتاء والخريف والربيع. البحر الميت الطقس في الشتاء كويس كمان. |
الدرس 41 (1_17)
حوار
جلال | زرت بلاد عربية غير الاردن؟ |
دان | ايوا زرت مصر، وباحب أزور سوريا ولبنان |
جلال | زيارة لبنان صعبة بهلايام. لكن زيارة سوريا اسهل |
دان | دمشق بعيدة عن إربد؟ |
جلال | لأ، مش بعيدة. ساعتين أو ثلاثة ساعات بالسيارة بس. |
دان | مش لازم تستنى على الحدود؟ |
جلال | انت ونصيبك. ممكن تفوت على طول وممكن تستنى ثلاثة ساعات. عندك تأشيرة دخول لسوريا؟ |
دان | لا، ما عندي، بس بعد ممكن أخد تأشيرة من السفارة السورية في عمان. فيه باصات بين إربد ودمشق؟ |
جلال | والله ما باعرف اذا فيه باصات بين اربيد ودمشق. بس اكيد فيه باصات من عمان لدمشق. ليش ما تأجذ بسيارات السرفيس؟ أسرع بس أغلى شوية. |
الدرس 42 (1_16)
حوار
أُم شريف | رايك هذا الكلام صحيح؟ |
أبو شريف | أي كلام؟ |
أُمشريف | الكلام اللي سمعناه عن شريف. |
أبوشريف | يا مرة اسمعي من هون وطيّري من هون؟ كلام الناس كثير |
أُمشريف | وكيف اسمعي من هون وطيري من هون؟ صدِّق انا عقلي مشغول على شريف. |
أبوشريف | انا باعرف شريف، مش معقول يروح بتجوّز من غير يحكي لنا. |
أُمشريف | صدِّق انا خايفة. امريكا مش مثل هون. انا باسمع كل بنت عندها صاحب وكل شاب عنده صاحبة. |
أبوشريف | لكن شريف عارف أنه ليس رايح رايح يدرس مش رايح عشان يتجوز. |
أُمشريف | كلهم بيروحوا حتى يدرسوا وبيرجعوا متجوزين. |
أبوشريف | طيب شو رايك؟ شو نعمل؟ |
أُمشريف | اكتب له رسالة |
أبوشريف | شو أقول فيها؟ |
أُمشريف | قول له دير بالك لا تتجوز امريكية، لما ترجع لهون تتجوز... والله انا مش عارفة ليش بده بتجوز امريكية. بنت خاله ندى حلوة ومتعلمة. |
أبوشريف | يا ستي وهيْ بنت عمه هدى، برضُه متعلمة وحلوة. وبنعرفها وبنعرف أهلها. |
أُمشريف | يا سيدي إذا ما بده بنت عمه او بنت خاله، وهيْ بنت جارنا أبو العبد حلوة ومتعلمة وبنت ناس وعندها وظيفة كمان.. قوم اكتب له رسالة هلأ. |
أبوشريف | هسّا؟ انت مجنونة؟ فيه حد بيكتب رسالة في نص الليل؟ خلاص، بكرة باكتب له إن شاء الله |
أُمشريف | يا سيدي بكرة كويس، المهم لازم تكتب له بسرعة قبل ما يعمل اي شي. |
أبوشريف | وهو شو بتسوي؟ خلاص، تصبحي على خير. |
أُمشريف | تصبح على خير. |
الدرس 43 (1_04)
حوار
أبوشريف | هلو، دان. ابو شريف معك. |
دان | اهلا أبو شريف. كيف حالك؟ |
أبوشريف | الحمد لله كويس. وانت؟ |
دان | مش بطّال. |
أبوشريف | كيف الشقة، إن شاء الله انت مبسوط فيها؟ |
دان | الحمد لله الشقة ممتازة. |
أبوشريف | دان، يوم الجمعة انت مشغول؟ |
دان | شوية، مش كثير. |
أبوشريف | تفضل تغدّى معنا في إربد. |
دان | شكرا يا أبو شريف. باتشرف |
أبوشريف | أستناك في محطة باصات حجازي؟ |
دان | لا، انا باعرف وين بيتكم. بامشي أو باخذ تاكسي. |
أبوشريف | كويس اذن بنشوفك يوم الجمعة إن شاء الله |
دان | إن شاء الله. مع السلامة |
أبوشريف | مع السلامة. |
الدرس 44 (1_26)
حوار
دان | لو سمحت، وين البريد؟ |
عبد الله | روح من هون دغري. امشي حوالي ميتين ثلاث مية متر هو على ايدك اليسار\ شكرا |
دان | صباح الخير |
موظفة البريد | صباح النور. اية خدمة |
دان | فيه طرد باسمي هون |
موظفة البريد | الإسم الكريم؟ |
دان | دانيل وليمز |
موظفة البريد | من وين طرد؟ |
دان | من أمريكا |
موظفة البريد | دقيقة لو سمحت. تفضل. اية خدمة ثانية |
دان | ايوا، بدي أرسل رسالة مسجلة لأمريكا، وكمان بدي اشترى طوابع |
موظفة البريد | تفضل. هذا طلب رسائل مسجلة. تُكْتُبْ عليه الإسم والعنوان في الاردن وأمريكا وبجيبه |
دان | تفضل، هذا الطلب |
موظفة البريد | وايش بدّك كمان؟ |
دان | طوابع |
موظفة البريد | كام طابع؟ |
دان | عشرة |
موظفة البريد | تفضل |
دان | كام المجموعة؟ |
موظف البريد | المجموع يا سيدي 8 دنانير طوابع ودينار وعشرين قرش رسالة مسجلة. يعني اعطيني 9 دنانير و20 قرش |
دان | تفضلي... شكرا |
موظفة البريد | تفضل |
دان | شكرا |
موظف البريد | اهلا وسهلا. مع السلامة |
Дата добавления: 2015-11-04; просмотров: 17 | Нарушение авторских прав
<== предыдущая лекция | | | следующая лекция ==> |