Тöдöмлун да кужöмлун донъялан уджъяс

«5–9 классъясын коми кыв велöдöм уджтасын» темаяс велöдöм вылö, сёрни сöвмöдöм да тöдöмлун–кужöмлун донъялан уджъяс нуöдöм вылö час лыдсö абу юклöма. Велöдысьлöн эм позянлун аслыс урчитны часъяссö.

Вöзйöм: 5–öд классын грамматика велöдiгöн позьö нуöдны

· контрольнöй диктантъяс (во джынйын, во помын) – 2

· тестъяс (во заводитчигöн, во помын) – 2

· гижöд сёрни сöвмöдан уджъяс – 6 (сы лыдын 1 контрольнöй удж).

Тöдöмлун, кывйöн вöдитчыны кужöмлун донъялöм могысь (контрольнöй уджъяс костын) позьö нуöдны гижан уджъяс:

· диктант грамматикаысь содтöд уджъясöн либö натöг

· изложение дженьдöдöмöн либö матö текст серти

· серпас серти сочинение

· юöртана сочинение (висьт)

· олöмын кутшöмкö лоöмтор–вöвлöмтор йылысь висьт

· пемöсöс, лэбачöс (ас бöрйöм серти) кывйöн серпасалöм

· мöвпалана текст лöсьöдöм

· небöглы аннотация гижöм

· проекта удж вöчöм да дорйöм да с.в.

Кыдзи донъявны велöдчысьяслысь коми кывйысь тöдöмлун да кужöмлун, индöдъяссö позьö аддзыны «Коми кыв» 5–9 классъяслы уджтасысь» (Сыктывкар, 2011. – 63-71 л.б).

Пасйöд. Тайö небöгас вöзйöма диктант сикасъяс, тестъяс. Позьö бöрйыны диктантсö, тестсö велöдчысьяслысь тöдöмлунсö, кужöмлунсö тöд вылын кутöмöн, содтыны либö чинтыны грамматикаысь уджъяссö, вежыштны тестысь юалöмъяссö. Сетöм уджъясыс кö лöсялöны велöдан условиеяслы, колö сöмын индыны ас уджтасъясын да нуöдны.

Вöзйöма сiдзжö некымын текст изложение гижны велöдöм могысь.

Велöдчан во заводитчигöн тöдöмлун да кужöмлун донъялöм

Диктант

Видз вылын.

Видз вылö мöдiм шондi петiгöн. Вöр весьтын енэжыс вöлi алöйгöрд. Кузь турунö öшйöм лысваыс кöтöдiс кокнымöс.

Воим местаöдз. Тöрытъя ытшкöмыс вöлi косьмыштöма. Кор шондiыс кыпалiс вель нин вылö, ми заводитiм куртны турунсö лёддзö.

Шондi кутiс ёна пöжны. Шуим шойччыштны. Эновтiм куранъяс да котöртiм купайтчыны. Ваыс шоныд. Сялькöдчöм-полькöдчöм бöрын юрасим. Сэсся миянöс виччысис бипур вылын пуöм чöскыд пажын. Панялiм шыд, ырским–юим сэтöр кöра чöскыд чай.

Сёйöм бöрын Толя дядь да Сергей чöвтiсны зорöд. Ми юр туй куртiм.

(77 кыв)

1. Визьнитны бöръя кык сёрникузяысь подувпас да юöрпас.

2. Видлавны кыв состав серти турунö кыв.

Тест

Медунаыс 25 балл, медэтшаыс 12 балл

I. Аддзы сёрникузяясысь подувпас да юöрпас, визьнит

колана ногöн. (3 балл)

1. Гожöмнас Витя гöститiс пöчыс ордын.

2. Сиктыс пуксьöма ичöтик ю бокö.

3. Юыс визув да сöдз.

II. Аддзы кывтэчасъяс да пасйы P (3 балл)

гöститiс гожöмнас

Витя гöститiс

гöститiс пöчыс ордын

ичöтик ю бокö

III. а) Артмöд кывтэчасъяс кывъяссö визьясöн йитöмöн. (3 балл)

чöвтны пуны куртны тэчны

турун пач зорöд шыд

б) Аддзы да визьнит кывтэчасъяссьыс эмакывъяссö, тöдмав налысь вежлöгсö да пасйы P

керанторъя

нимтан

керан

асалан

IV. Йит вöр кывкöд öтвужъя кывъяс. (3 балл)

Вöр	вöрса вöрсявны вöрзьöдчыны вöралысь

V. Артмöд кывбердъяс да гиж. (3 балл)

рудов мед алöй кöч

гöрд еджыд вöнь ичöт

_________________________________________________

_________________________________________________

VI. * а) Содтав кывъясас колана шыпасъяс, пасйы орфограммасö.

(5 балл)

Шой…чыны_____________________ шонд…_____________________ ен…ж____________________ дз….ртны_________________________

шыл…ыд, ________________ юг…явны_________________________

а…дзыны______________ жон…яс________________ кöч…___________

шут…лявны__________________ мöдö…чыны_____________________

б) Визьнит кадакывъяссö.

VII. * Лöсьöд опорнöй кывъяс отсöгöн текст (висьт, кывбур). (5 балл)

Шоныд, мича, кыпыд, дзирдавны, тыдавны, котöртны, пырыштны, сявкнитны, пызйыштны, нимкодь, гажаа, енэж, серам, видз, туй, шор.

* Сьöкыдджык удж

Велöдчан во шöрын (I во джын) тöдöмлун да кужöмлун донъялöм

Диктантъяс

Чом.

Нуръясьöм бöрын Вова кöсйысис ворсыштны кык чойкöд. Выль керкаыс нывкаяслöн сулалiс кыр горулын. Гöгöрыс эжа вежöдö. Öшинь улас пуктöма кымынкö сэтöр куст, пелысь да льöм пуяс.

Керка дорас матын пöвйысь вöчöм пелькиник чом. Öдзöс и öшинь эм. Кужысь киа батьыс кык чойлы ворсанiн лöсьöдöма.

Вова бура дыр видзöдалiс чомсö, кыдзи нывкаяслöн батьыс сiйöс вöчöма. Нинöм сьöкыдыс и абу. Нёль сюръя сувтöдöма, улiтiыс и вылiтiыс сюръяяссö пöвъясöн йитöма. Стенъясыс сувтсöн тувъявлöм пöвъясысь жö. Пытшкöссö нывкаяс асьныс мичмöдöмаöсь. Шпалеритöмаöсь, öшиняс вышивайтöм дöра öшöдöмаöсь, ичöтик пызан вылас дзоридзьяса ваза сулалö. Ортсысянь и пытшкöссянь чомйыс пельк да гажа.

Рытöдзыс челядь ворсiсны мича чомйын. (99 кыв)

Елена Козлова серти

Водзвыв гöгöрвоöдны текстысь кывъяс: нуръясьöм, кыр горулын

· Визьнитны медбöръя сёрникузяысь юкöдъяссö.

Чойяс.

Вова тöдмасис кык чойкöд. Чойяс, а дзик абу öткодьöсь. Лида – кузиник да вöсньыдик нюдз бадь кодь нывка. Сiйö шабдi рöма юрсиа да лöз синма. Лида чöв олысьджык да ньöжмыдджык.

А Ияыс зэв визув да варов, инас оз öшйы. Сылы витöд арöс. Сёрнитiгас öдйö лапйöдлö сэтöр синнас, кузь синлысъясыс быттьö лэбач бордъяс. Со и öнi Ия удитöма нин потшöс вылас кайны. Коксö потшъяс костас сюйöма да увлань юрöн öшалö.

Гигзьыштiсны, сэсся кутiсны ворсны. Нывкаяслöн батьыс пöвъясысь зэв лöсьыд ворсан чом вöчöма. Сэнi и ворсiсны челядь рытöдзыс. (85 кыв)

Елена Козлова серти

Водзвыв гöгöрвоöдны текстысь кывъяс: нюдз, шабдi рöма, гигзьыны

· 1. Визьнитны бöръя сёрникузяысь подувпас да юӧрпас.

2.Гижны транскрипцияöн нюдз, ньöжмыдджык кывъяс.

3. Гижны ворс кыввужъя кывъяс.

Дата добавления: 2015-10-02