Коми кыв – Коми Республиками олысь коми йöзлöн чужан кыв. Чужан кыв тöдöмыс сетö позянлун озырмöдны лексика, сöвмöдны-бурмöдны сёрни культура, паськöдны видзöдлас йöз олöмын лоöмторъяс вылö, лоны сöстöм вежöра, сяма, бур мывкыда коми мортöн.
Уджтаслöн могъяс:
- сöвмöдны коми кыв велöданног велöдчысьлы бур, тырвыйö, колана тöдöмлунъяс фонетикаысь, лексикаысь, кыв артманногысь, грамматикаысь, стилистикаысь тöдöмлун сетöм могысь;
- бурмöдны, лэптыны вылысджык тшупöдö челядьлысь сöстöм коми кывйöн сёрнитан да литературнöй кыв нормаяс тöдöмöн гижан сямсö, коми сёрнитанног да сёрни этш пыдди пуктöмöн сёрнитны кужöмсö; ас кежысь велöдчан небöгъясöн, кывкудъясöн (словаръясöн) вöдитчыны кужöмлунсö;
- отсавны велöдысьлы кужöмöн, колана ногöн, выль сикас технологияяс отсöгöн котыртны велöдöмсö, медым велöдан могъясыс лöсялiсны йöзöс велöдан öнiя выль стандартъяслы.
Велöдöмын тшупöдъяс:
I тшупöд – детсадйын чужан коми кывйöн мичаа сёрнитны велöдöм;
II тшупöд – ичöт (начальнöй) школаын: 1 классын – 5 час вежоннас, 2-4 классъясын – 3 час;
III тшупöд – подув школаын (V-IX классъяс): коми кыв велöдсьӧ:
5 классын – З час вежоннас;
6-7 классъясын: I во джын –3 час, II во джын – 2 час;
8 класс – I во джын –2 час, II во джын – 3 час; 9 классын – 2 час.
Коми грамматикаысь темаяс велöдöм да сёрни сöвмöдöм вылö час лыд
(Час лыдсö сетöма ылöсас, велöдысьлöн эм позянлун вежлавны темаяс вылас индöм кадсö, но оз ков петны быд класслы урчитöм öтув час лыдсьыс)
Дата добавления: 2015-10-02; просмотров: 57 | Нарушение авторских прав
| <== предыдущая страница | | | следующая страница ==> |
| Пояснительная записка | | | Велöданног йылысь |