|
Читайте также: |
Хæххон таурæгъ
Раджы хохаг иу цъæх хæрæг дардта,
Иумæ уыд сæ куыст, æмæ-иу сæрд —
Суг уа, хосæй — алцыдæр ыссардтой,
Иу бинонтау-иу уыди сæ фæнд.
Лæг ныззыддта арвæмбæрц хæдзæрттæ.
Фосæй, хорæй — дзаг, йæ фезмæлд — цырд.
Рацæй-рабон, хæрæгыл йæ зæрдæ
Сивта... Скарз и, нал æм уыд ысдзырд.
Балымæн ис, раздæр æй йæ сæрмæ
Чи нæ хаста, уыдонимæ лæг,
Æмæ сæ кæм нал кодта æфсæрмы:
Се ’мсæр у, куыд ма дара хæрæг.
Иубон айста хайуаны йæ разæй,
Хохы сæрмæ тагъд-тагъдæй фæраст.
Хæрæг бафтыд ехсы цæфтæй тасы:
Сæрсæфæн æм комхæлиуæй каст.
Æрдз йæхи цъыхыры-зынгæй тавта —
Ча нæ кæны хур бонмæ хæлæг...
Хæрæг къæхтæ былгæрон ныццавта,
Рындзæй йæ тыххæй ысхойы лæг.
Иуафоны феуæгъд и йæ сæфтæг,
Хицауæн йæ ног ысхуыст фæмæнг,
Æмæ фод дæ ралгъитæг дæр афтæ:
Комрæбын кæмдæр ныххæррæгъ лæг.
Дата добавления: 2015-09-05; просмотров: 52 | Нарушение авторских прав
| <== предыдущая страница | | | следующая страница ==> |
| КÆСАГЛАС ÆМÆ КÆСАГ | | | УАСÆГ ÆМÆ КАРК |