Бағдарламаны іске асырудың мақсаты, міндеттері, нысаналы индикаторлары және нәтижелерінің көрсеткіштері 1 страница

Бағдарламалар түпкi мақсат Қазақстан республикасының АӨКтiң субъекттердiң бәсекеге түсе алатындықты жоғарылатуы үшiн шарттардың жасауы болып табылады.

Бағдарламаның мақсатына қол жеткізу үшін мынадай төрт бағыт бойынша жұмыс жүргізу көзделеді:

1. АӨК-ні қаржылық сауықтыру;

2. АӨК субъектілері үшін тауарлар, жұмыстар және қызметтердің экономикалық қолжетімділігін арттыру;

3. АӨК субъектілерін қамтамасыз етудің мемлекеттік жүйелерін дамыту;

4. АӨК-ні мемлекеттік реттеу жүйелерінің тиімділігін арттыру.

4.1 Қаржылық сауықтыру

Кредиттік жүктемені жеңілдету мақсатында және ауыл шаруашылығы тауарын өндірушілердің үлкен көлемінің банкротқа ұшырауын болдырмау үшін төлеу мерзімдерін ұлғайта және сыйақы ставкасын төмендете отырып, ауыл шаруашылығы тауарын өндірушілердің кредиттерін қайта құрылымдау жолымен бір реттік қаржылық сауықтыру шараларын қабылдау қажет.

9-кесте. АӨК-нің қаржылық сауықтыру жөніндегі нысаналы көрсеткіші

Р/с№	Көрсеткіштің атауы	Іске асыру жылдары
	Қайта құрылымдау барысында қолданыстағы пайыздық ставкаларын төмендету есебінен АШТӨ борыштық жүктемесін төмендету млрд.теңге

Қаржылық сауықтыру АШТӨ, кредит беруші тарапынан және мемлекет тарапынан қолдау негізінде тепе-теңдік бастамада жүргізілуі тиіс.

Кредит беруші: АШТӨ кредиттерін қайта құрылымдауды (ішінара есептен шығару, мерзімін ұзарту, төлеу кестесін қайта қарау және т.б.), аяқталмаған жобаларды жобалық қуаттылыққа дейін қаржыландыруды және басқа да шараларды қамтамасыз етеді.

АШТӨ: кредит беруші алдындағы міндеттемелерін толық орындағанға дейін пайданы бөлмеуді, бизнес процестерін оңтайландыруды, қайта құрылымдаудың жоспарлы көрсеткіштерін орындауды, инвесторлар тартуға мандат ұсынуды, жарғылық капиталын ұлғайтуды және басқа да шараларды қамтамасыз етуге міндеттенеді.

Мемлекет өз кезегінде: кредиттер бойынша сыйақы ставкасын субсидиялауды, салықтар төлеудің мерзімін ұзартуды, салықтар бойынша жеңілдікті, стратегиялық инвестор табуға көмектесуді, өнімдерді кепілді сатып алуды, депозиттер орналастыра отырып, кредит берушілерді қорландыруды және басқа да іс-шараларды ұсынып, қолдауды жүзеге асырады.

АШТӨ-нің борыштық ауыртпалықтарын жеңілдету және кредит берушілерге АШТӨ борыштарын тиімді шарттарда қайта құрылымдауға көмектесу үшін төмен сыйақы ставкасымен республикалық бюджет қаражаты немесе ҚР Ұлттық Банкінің трансферті есебінен ұзақ мерзімді (15 жылға дейін) депозиттер орналастыру жолымен қаржы институттарын қорландыру ұсынылады. Аталған шара кредит бойынша сыйақы ставкасын жылдық 5-6%-ға дейін төмендете отырып, АШТӨ кредиттерін 15 жылға дейінгі мерзімге ұзартуды қамтамасыз етуге мүмкіндік береді.

4.2 АӨК субъектілері үшін тауарлардың, жұмыстардың және қызметтердің қолжетімділігін арттыру

Аталған бағыт шеңберінде келесі міндеттерді шешу қажет:

- Өсімдік шаруашылығындағы тауарлардың, жұмыстардың және қызметтердің экономикалық қолжетімділігін арттыру;

- Астық сақтау бойынша қызметтердің физикалық қолжетімділігін арттыру;

- Ауыл шаруашылық тауарларын өндірушілерге судың экономикалық қолжетімділігін арттыру;

- Мал шаруашылығындағы және тауарлы балық өсірудегі тауарлардың, жұмыстардың және қызметтердің экономикалық қолжетімділігін арттыру;

- Ауыл шаруашылығы шикізатын тереңнен қайта өңдеу үшін тауарлардың, жұмыстардың және қызметтердің экономикалық қолжетімділігін арттыру;

- Қаржы қызметтерінің экономикалық қолжетімділігін арттыру;

- Білім беру қызметтерінің, аграрлық ғылым нәтижелерінің және консультациялық қызметтердің экономикалық қолжетімділігін арттыру.

4.2.1 Өсімдік шаруашылығындағы тауарлардың, жұмыстардың және қызметтердің экономикалық қолжетімділігін арттыру

4.2.1.1 Егістік және бау-бақшалық жұмыстардың экономикалық қолжетімділігін арттыру

Өсімдік шаруашылығы секторының тартымдылығын арттыру мақсатында ауыл шаруашылығы тауарын өндірушілер үшін егіс және бау-бақшалық жұмыстардың экономикалық қолжетімділігін арттыруға бағытталған мемлекеттік қолдауды жүзеге асыру жоспарланып отыр. Белгіленген нысаналы көрсеткіштерге қол жеткізу үшін ауыл шаруашылығы тауарын өндірушілердің жеміс-жидек бақшалары мен жүзімдіктер отырғызуға және өсіруге жұмсаған шығындарының бір бөлігін, көктемгі-егіс және жинау жұмыстарын жүргізумен байланысты шығындарын өтеу түрінде мемлекеттік қолдау көрсетілетін болады.

10-кесте. Егістік және бау-бақшалық жұмыстардың экономикалық қолжетімділігін арттыру жөніндегі нысаналы көрсеткіштер

Р/с№	Көрсеткіш атауы	Іске асыру жылдары
	Субсидиялаумен қамтылған егіс алаңдары, млн. гектар	21,5	21,7	22,0	22,3	22,4	22,6	22,8	23,0
	Субсидиялаумен қамтылған жабық топырақтағы көкөністер алаңы, гектар
	Субсидиялаумен қамтылған жеміс-жидек пен жүзімнің көпжылдық екпелерін отырғызу және өсіру алаңы, гектар, оның ішінде:
жеміс-жидек	1643,4	2857,0	2857,0	2857,0	2857,0	2857,0	2857,0	2857,0
жүзім
өсуінің бірінші жылындағы күтім, гектар:
жеміс-жидек	1182,8	1643,4	2857,0	2857,0	2857,0	2857,0	2857,0	2857,0
жүзім	820,0	437,0	1000,0	1000,0	1000,0	1000,0	1000,0	1000,0
өсуінің екінші жылындағы күтім, гектар:
жеміс-жидек	1394,5	1182,8	1643,4	2857,0	2857,0	2857,0	2857,0	2857,0
жүзім	545,0	820,0	437,0	1000,0	1000,0	1000,0	1000,0	1000,0
өсуінің үшінші жылындағы күтім, гектар:
жеміс-жидек	2224,1	1394,5	1182,8	1643,4	2857,0	2857,0	2857,0	2857,0
жүзім	1050,0	545,0	820,0	437,0	1000,0	1000,0	1000,0	1000,0

4.2.1.2 Минералды тыңайтқыштар мен гербицидтердің экономикалық қолжетімділігін арттыру

Ауыл шаруашылығы тауарын өндірушілерді өсімдік шаруашылығы өнімдерінің түсімділігі мен сапасын арттыруға бағытталған іс-шараларды жүргізуге ынталандыру мақсатында минералды тыңайтқыштар мен гербицидтердің экономикалық қолжетімділігін арттыруға бағытталған мемлекеттік қолдауды жүзеге асыру ұсынылады.

11-кесте. Минералды тыңайтқыштар мен гербицидтердің экономикалық қолжетімділігін арттыру жөніндегі нысаналы көрсеткіштер

Р/с №	Көрсеткіш атауы	Іске асыру жылдары
	Субсидиялаумен қамтылған сатып алынған минералды тыңайтқыштар көлемі, мың тонна	255,8	269,2	303,0	333,0	358,0	383,0	408,0	433,0
	Субсидиялаумен қамтылған сатып алынған гербицидтер көлемі, мың тонна	30 254,4	30 713,9	30 956,7	31 279,0	31 371,7	31 524,9	31 728,4	31 928,5

4.2.1.3 Жеміс-жидек дақылдары мен жүзімнің элиталық тұқымдары мен екпелерінің экономикалық қолжетімділігін арттыру

Республикада астық нарығының дамуы ғылыми нормалар бойынша қажеттi көлемде дәндi дақылдардың тұқым шаруашылығының дамуына жағдай жасады. Алайда, элиталық тұқымның өндіріс деңгейі қатты бидай, сыра қайнатуға арналған арпа, бұршақ, жарма, зәйтүн, қант қызылшасы тәрізді дәнді дақылдар бойынша қажеттілікті толық қанағаттандырмайды.

Сонымен бірге, ауыл шаруашылық субъектілерін материалды-техникамен қамтамасыз ету бойынша қиыншылықтар бар, әсіресе майда тұқымды мәдениеттердің тұқым шаруашылығында. Тұқым шаруашылық құрылымын ұйымдастыру кемшіліктерінен және көбейтуге берілген тұқым санының жеткіліксіздігінен, олардың Мемлекеттік селекция жетістіктерінің реестріне қосылғаннан кейін өндіруге жіберілген жаңа сорттар мен гибридтердің баяу енуі байқалады.

Ол үшін тәлімбақ құрылымын қалпына келтіру, тәлімбақтарды техникалық жаңарту, көшет материалдарды жүзеге асыру, сервисті сақтау орталықтарын құру және екпе кешендерін құрастыру қажет.

Селекция, сортты сынаулар және тұқымдастыру мәселесінің маңыздылығын есепке ала отырып, селекция жүйесінің дамуын, сорттар мен гибридтердің мемлекеттік және өндірістік сынауын, оригиналды және элиттік тұқымдардың өндірілуін, олардың бiрiншi - үшiншi репродукцияға дейiн тұқым шаруашылық желiсiнде көбеюiн жетілдіру және Қазақстан Республикасының тұқым шаруашылық саласын дамыту бағдарламасының Концепциясын жасау қажет.

12-кесте. Жеміс-жидек дақылдары мен жүзімнің элиталық тұқымдары мен екпелерінің экономикалық қолжетімділігін арттыру жөніндегі нысаналы көрсеткіштер

Р/с №	Көрсеткіш атауы	Іске асыру жылдары
	Субсидиялаумен қамтылған сатып алынған элиталық тұқым көлемі, мың тонна	73,6	96,2	102,1	110,1	120,0	140,0	150,5	168,3
	Субсидиялаумен қамтылған сатып алынған элиталық екпелер көлемі, мың дана	1897,65	1897,65	1897,65	2949,7	4001,8	4001,8	4493,2	4493,2
	Жеміс-жидек дақылдары мен жүзімнің көпжылдық екпелерінің аналықтарын отырғызу алаңы, гектар	12,86	23,38	23,38	10,92
	Өсудің бірінші жылындағы аналықтарға қызмет көрсету алаңы, гектар	8,75	12,86	23,38	23,38	10,92
	Өсудің екінші жылындағы аналықтарға қызмет көрсету алаңы, гектар	34,14	8,75	12,86	23,38	23,38	10,92

4.2.1.4 Мақтаны қайта өңдеу ұйымдарына қабылдау кезінде қазақстандық мақта талшығы мен мақта шикізаты сапасын сараптаудың экономикалық қолжетімділігін арттыру

Отандық мақта талшығы мен мақта шикізатының сапасын сараптау жөніндегі қызметтердің экономикалық қолжетімділігін арттыру мақсатында сараптамалардың көрсетілген түрін жүргізуге субсидия бөлуді жалғастыру жоспарлануда. Сараптау жүргізу өнімді сертификаттауға және оны жоғары құнмен өткізуге мүмкіндік береді, бұл, ауыл шаруашылығы тауарын өндірушілердің және мақта шикізатын қайта өңдеушілердің кірісін толықтырады.

13-кесте. Мақтаны қайта өңдеу ұйымдарына қабылдау кезінде қазақстандық мақта талшығы мен мақта шикізаты сапасын сараптаудың экономикалық қолжетімділігін арттыру жөніндегі нысаналы көрсеткіштер

Р/с №	Көрсеткіш атауы	Іске асыру жылдары
	Субсидиялау есебінен жүргізілген мақта талшығының сапасын айқындауға арналған сараптамалар саны, мың бірлік
	Субсидиялау есебінен жүргізілген мақта шикізатының сапасын айқындауға арналған сараптамалар саны, мың бірлік

4.2.1.5 Тұқымның сорттық және егістік сапасын сараптаудың экономикалық қолжетімділігін арттыру

Өсірілетін ауыл шаруашылығы дақылдарының түсімділігін ұлғайту және сапасын арттыру мақсатында тұқымдардың, оның ішінде, отандық ауыл шаруашылығы тауарын өндірушілердің егуіне арналған тұқымдардың сорттық және егістік сапасын мемлекеттік сараптауын қамтамасыз ету жоспарланып отыр.

14-кесте. Тұқымның сорттық және егістік сапасын сараптаудың экономикалық қолжетімділігін арттыру жөніндегі нысаналы көрсеткіштер

№ №	Көрсеткіш атауы	Іске асыру жылдары
	Тұқымдардың сапасын айқындауға арналған сараптамалар саны, мың дана	330,4	330,4	330,4	330,4	330,4	330,4	330,4	330,4

4.2.1.6 Өсімдік шаруашылығындағы сақтандырудың экономикалық қолжетімділігін арттыру

Өсімдік шаруашылығындағы міндетті сақтандыру жөніндегі қызметтердің экономикалық қолжетімділігін арттыру мақсатында сақтандыру компаниялары төлеген сақтандыру төлемдерін субсидиялау нысанында ауыл шаруашылығы тауарын өндірушілерді мемлекеттік қолдауды жүзеге асыру жоспарланып отыр.Сақтандыру төлемдерін субсидиялаудан сақтандыру сыйақысын субсидиялауға көшудің мақсатқа лайықтылығы туралы мәселе зерделенетін болады.

15-кесте. Өсімдік шаруашылығындағы сақтандырудың экономикалық қолжетімділігін арттыру жөніндегі нысаналы көрсеткіштер

Р/с №

Көрсеткіш атауы

Іске асыру жылдары

Сақтандырумен қамтылған егіс алаңдарының үлесі, %

4.2.2 Астық сақтау бойынша қызметтердің физикалық қолжетімділігін арттыру

Астық сақтау инфрақұрылымын дамыту

2013-2014 жылдар кезеңінде астық сақтау инфрақұрылымын дамыту мақсатында астық сақтау сыйымдылықтарының барынша тапшылығын бастан кешіп отырған облыс ретінде Солтүстік Қазақстан облысының аумағында астық сақтауға арналған жаңа қуаттылықтар салу мақсатқа лайықты. Осыған байланысты, мұнда сыйымдылығы 100 мың тонна жаңа астық қоймаларын салу (оның ішінде, 30 мың тонна майлы дақылдарға арналған), сондай-ақ қолданыстағы қуаттылықтарды кеңейту мақсатқа лайықты.

Қазіргі уақытта астық сақтау қуаттылықтарына деген өз қажеттілігіміздің өсуімен қатар Ислам ынтымақтастық ұйымының Азық-түліктік өзара көмек қорын (бұдан әрі - Қор) құрумен және осы мақсаттарға Қазақстан Республикасының аумағында 2 млн. тоннаға дейін астықтың стратегиялық запасын қалыптастырумен байланысты Қазақстандық астықты сатып алуға араб әлемі елдерінің тарапынан жоғары қызығушылық бар.

Осыған байланысты, 2015-2020 жылдар кезеңінде мемлекеттік астық сақтау қуаттылықтарын кемінде 2 млн. тоннаға жеткізу және ұстау, Қор табысты жұмыс істеген жағдайда 3 млн тоннаға дейін жеткізу мақсатқа лайықты.

Бұдан басқа, жаңа қуаттылықтар салумен қатар қолда бар мемлекеттік астық сақтау қоймаларын жаңғырту, оның ішінде, негізгі құралдарды жаңарту, сүрлемдік корпустардың құрылыс конструкцияларын күшйту, сондай-ақ технологиялық қайта жаңарту қажет.

Астық экспортының инфрақұрылымын дамыту

2013-2014 жылдар кезеңінде оңтүстік экспорттық бағытты дамыту үшін Оңтүстік Қазақстан облысында астықты қайта тиеуге арналған сыйымдылығы 200 мың тонна жаңа қуаттылықтар салу мақсатқа лайықты.

Осы уақытта, батыс бағыттағы астық экспортының дәлізін дамыту үшін Ақтөбе облысында астықты қайта тиеуге арналған сыйымдылығы 150 мың тонна және Маңыстау облысында сыйымдылығы шамамен 50 мың тонна жаңа қуаттылықтар салу мақсатқа лайықты.

Бұдан басқа, Қазақстан Республикасының оңтүстік өңірлеріндегі астық нарығына мемлекеттің қатысуын күшейту мақсатында Жамбыл облысында сыйымдылығы шамамен 100-150 мың тонна элеватор салу немесе қолданыстағы элеваторлардың бірін сатып алу мақсатқа лайықты.

Қазақстандық астықтың батыс бағыттағы экспорттық әлеуетін ұлғайту мақсатында 2015-2020 жылдары Ақтау қаласында өткізу қабілеті жылына 1 200 мың тоннаға дейін, бір мезгілде сақтау көлемі шамамен 45-50 мың тонна және КТС меншігіндегі темір жол бөлігіне жақын жерге астықты жеткізу мүмкіндігі бар жаңа астық терминалын салу мақсатқа лайықты.

16-кесте. Астық сақтау бойынша қызметтердің физикалық қолжетімділігін арттыру жөніндегі нысаналы көрсеткіштер

Р/с №	Көрсеткіш атауы	Іске асыру жылдары
	Қолданыстағы астық қоймаларын кеңейту және жаңаларын салу, сондай-ақ, жалпы сақтау сыйымдылығы 700 мың тонна жаңа астық терминалдары мен астық қоймаларын салу және жарақтау, қуаттылықтарды пайдалануға енгізудің үлесі, %	28,6	71,4	-	-	-	-	-	-

4.2.3 Ауыл шаруашылық тауарларын өндірушілерге судың экономикалық қолжетімділігін арттыру

Су пайдаланудың бекітілген лимиті шегінде ауыл шаруашылығы дақылдарын суару үшін су беру жөніндегі қызметтерді алғаны үшін су пайдаланушылардың шығындарын өтеу мақсатында ауыл шаруашылығы тауарын өндірушілерге мемлекеттік қолдау жалғасатын болады.

17-кесте. Ауылшаруашылық тауарларын өндірушілерге судың экономикалық қолжетімділігін арттыру.

Р/с №	Көрсеткіш атауы	Іске асыру жылдары
	Субсидиялауға жататын су көлемі, млн. м3

4.2.4 Мал шаруашылығындағы және тауарлы балық өсірудегі тауарлардың, жұмыстардың және қызметтердің экономикалық қолжетімділігін арттыру

4.2.4.1 Малды күтіп-бағудың және мал шаруашылығы өнімдері өндірісінің экономикалық қолжетімділігін арттыру

Мал шаруашылығы саласын дамыту және тауар өндірушілерді өндірісін технологиялық қайта жаңғыртуға ынталандыру, сондай-ақ өндірілген мал шаруашылығы өнімдерінің көлемімен сапасын арттыру мақсатында мал шаруашылығы өнімдерін өндірушілерді мемлекеттік қолдауды жалғастыру ұсынылады. Мемлекеттік қолдау мал шаруашылығы өнімдерін өндіруге жұмсалатын шығындарды өтеуге, ауыл шаруашылығы жануарларының аналық басын азықтандыру үшін пайдаланылатын жемшөптің құнын арзандатуға бағытталатын болады, бұл олардың санын өсіруді ынталандыруға мүмкіндік береді және соның салдарынан алынатын төлдің саны ұлғаяды.

Осылайша, мал шаруашылығы өнімдерінің тауарлық көлемін қамтамасыз ету есебінен бекітілген талаптар мен стандарттарға сәйкес келетін отандық мал шаруашылығы өнімдерін қайта өңдеу кәсіпорындарының жүктеме деңгейін арттыру жоспарланады.

18-кесте. Малды күтіп-бағудың және мал шаруашылығы өнімдері өндірісінің экономикалық қолжетімділігін арттыру жөніндегі нысаналы көрсеткіштер

Р/с №	Көрсеткіш атауы	Іске асыру жылдары
	Субсидиялаумен қамтылған агроқұрылымдардағы ІҚМ-нің аналық басының саны, мың бас	360,4	577,9	670,5	777,7	902,2	1046,5	1213,9	1408,2
	Құрама және құнарлы жемшөптерді арзандатуға берілетін субсидиялаумен қамтылған, өндірілген сиыр еті өнімдерінің көлемі, мың тонна	28,2	29,9	31,7	33,6	35,6	37,8	40,0	42,4
	Құрама және құнарлы жемшөптерді арзандатуға берілетін субсидиялаумен қамтылған, өндірілген сүт өнімдерінің көлемі, мың тонна	229,4	243,8	259,2	275,5	292,9	311,3	330,9	351,8
	Құрама және құнарлы жемшөптерді арзандатуға берілетін субсидиялаумен қамтылған, өндірілген қой еті өнімдерінің көлемі, мың тонна	3,1	3,2	3,4	3,6	3,8	4,1	4,3	4,5
	Құрама және құнарлы жемшөптерді арзандатуға берілетін субсидиялаумен қамтылған, өндірілген шошқа еті өнімдерінің көлемі, мың тонна	25,5	28,9	32,6	36,9	41,6	47,0	53,2	60,1

4.2.4.2 Асыл тұқымды өнімнің экономикалық қолжетімділігін арттыру

Дата добавления: 2015-11-16