Жылдам, жанды

Кенет тональностің ауысуы (A-dur-дан B-dur-ға), мажорлық, ал кейін кішірейтілген үшдыбыстың арпеджиолық пассаждары музыканың бейқам мінезін бұзады. Бұл экспозицияның шарықтау шегі. Экспозиция әзіл-би мінезіндегі соңғы партиямен аяқталады.

Экспозицияға қарағанда, разработка мінезі бойынша салмақты болып келеді. Басты партияның тақырыбы төменгі регистрде өтіп, жанама партиядағы пассаждар мұнда маңыздырақ естіледі.

Репризада әдеттегідей экспозицияның барлық тақырыптары басты тональность – ре мажорда жүреді.

ІІ-бөлім (ре минор) терең ойланыс мінезінде берілген. Ол І және ІІІ-бөлімдермен қарама-қарсы болып келеді:

Кең және ұстамды

Бұл музыканың мінезі патетикалық, мұңды. ІІ-бөлімнің музыкасында І-бөлімнің драмалық элементтері дами түседі.

ІІ-бөлім негізгі тональностің доминантасында аяқталады, сонымен ол ІІІ-бөлім – финалдың кіріспесін дайындайды.

Финал І-бөлімнің көңілді, жарқын мінезіне алып келеді:

Тез

Финал рондо формасында жазылған (АВАСА). Негізгі тақырып-рефрен 2 эпизодпен кезектесіп 3 рет қайталанады. Бірақ мұнда эпизодтар рефреннің музыкасымен қарама-қарсы болып келеді.

Бірінші эпизод нақты, қатал, ре минорда естілсе, екіншісі – жеңіл, қалжыңды, соль мажорда берілген.

Сұрақтар мен тапсырмалар

1. Соната дегеніміз не?
2. Соната неше бөлімнен тұрады?
3. Ре мажор сонатасының жалпы мінездемесін беріңдер.
4. І бөлімнің құрылымы туралы түсінік беріңдер.
5. ІІ бөлімнің музыкасы қандай?
6. Финалдың формасын анықтаңдар.

16- тақырып

Дата добавления: 2015-10-21