Радуйся, преподобно-исповедниче Феодосие, преславный чудотворче.

Кондак 9

Вси лю́дие согрешившия к покаянию хотя обратити, в сокрушении сердца своего о прощении их согрешений к Богу молился еси, Феодосие блаженне, святостию жития твоего научая всех ку́пно с тобою пети Ему: Аллилуиа.

Икос 9

Вити́и многовеща́ннии не возмогут изрещи́ крепость любве́ твоея́, блаженне, предал бо еси себе на служение всем приходящим к тебе, был еси недоумевающим советник благи́й, унывающим уте́шитель, заблуждающихся кроткое вразумление, болящих врач и целитель, сего ради мы вопием:

Радуйся, небоязненный любве Божия проповедниче,

Радуйся, веры православныя побо́рниче,

Радуйся, терпения и мужества наставниче,

Радуйся, Царствия Христова надежный хода́таиче,

Радуйся, милостивый уте́шителю в ско́рбех су́щим,

Радуйся, во всяких обстоя́ниях нас защищающий,

Радуйся, Единому Богу в Троице славимому, верно послужи́вый,

Радуйся, бли́жнего па́че самого себе возлюбивый,

Радуйся, призывающим тя скорый помощниче,

Радуйся, отчаянных заступниче,

Радуйся, Божиих тайн вечный зрителю,

Радуйся, страждущих от бед изба́вителю,

Радуйся, преподобно-исповедниче Феодосие, преславный чудотворче.

Кондак 10

Спасти хотя лю́дие мно́гия, яви́ нам Господь тя, исповедниче Феодосие. Скорбный путь прошел еси, спасительного твоего подвига достиг скончания, на молитве святую душу твою в ру́це Божии преда́л еси; ю́же ангели святии вознесо́ша ко престолу Вседержителя, да со всеми святыми предстоиши во славе невечерней, воспевая песнь: Аллилуиа.

Икос 10

Стена еси и заступление Русския Истинныя Церкви и всем лю́дем страны российския, восхваляющим чудеса твоя, по преставлении твоем тобою совершаемыя, явился еси, преподобне Феодосие, скорбь разлучения с тобою утешением благодатным раствориша, во уповании всесильного предстательства твоего горе́, у престола Божия, иде́же слышиши с любовию тебе зовущих:

Радуйся, ликовству́яй в черто́зе Небеснаго Царя,

Радуйся, откровенным лицем созерцаяй славу Трисия́ннаго Божества,

Радуйся, со всеми святыми покланяйся Творцу,

Радуйся, наследниче всесветлаго Царствия Христова,

Радуйся, граждани́не Иерусалима го́рняго,

Радуйся, Небеснаго Сио́на жителю,

Радуйся, нерукотворе́нных ски́ний райских обитателю,

Радуйся, венец безсмертныя жизни приемый от руки Вседержителя,

Радуйся, по труде́х временныя жизни покой вечный улучи́вый,

Радуйся, от века праведным уготованное, праведно восприя́вый,

Радуйся, Трисо́лнечнаго света озарение,

Радуйся, честно́е Пресвяты́я Тро́ицы носи́ло и похвале́ние,

Радуйся, преподобно-исповедниче Феодосие, преславный чудотворче.

Дата добавления: 2015-08-21