Предста́тельство стра́шное и непосты́дное, не пре́зри Блага́я моли́твъ на́шихъ, Всепѣ́тая Богоро́дице; утверди́ Правосла́вныхъ жи́тельство, спаси́ [гряду́щаго] Благовѣ́рнаго Госуда́ря IМПЕРАТОРА на́шего (ЕГОЖЕ и́мя Го́споди, Ты́, вѣ́си), ЕМУЖЕ повелѣ́ла еси́ ца́рствовати, и пода́ждь ЕМУ съ Небесе́ побѣ́ду, за́не родила́ еси́ Бо́га, еди́на Благослове́нная. 
Молитва ко Пресвятѣй Богородицѣ *
О, Пресвята́я Госпоже́ Влады́чице Богоро́дице! Вы́шши еси́ всѣ́хъ Ангелъ и Арха́нгелъ, и всея́ тва́ри честнѣ́йши; помо́щница еси́ оби́димыхъ, ненадѣ́ющихся надѣ́янiе, убо́гихъ засту́пнице, печа́льныхъ утѣше́нiе, а́лчущихъ корми́тельница, наги́хъ одѣя́нiе, больны́хъ исцѣле́нiе, грѣ́шныхъ спасе́нiе, Хрiстiа́нъ всѣ́хъ поможе́нiе и заступле́нiе.
О, Ма́ти Милосе́рдая, Дѣ́во Марíе, воздви́гни на́съ изъ глубины́ грѣхо́вныя, и изба́ви на́съ отъ гла́да (голода), губи́тельства, отъ тру́са (землетрясения) и пото́па, отъ огня́ и меча́, отъ нахожде́нiя иноплеме́нныхъ и междоусо́бныя бра́ни, и отъ напра́сныя сме́рти, и отъ нападе́нiя вра́жiя, и отъ тлетво́рныхъ вѣ́тръ (мора), и отъ смертоно́сныя я́звы, и отъ вся́каго зла́.
О, Всеми́лостивая Госпо́же Влады́чце Богоро́дице! Пода́ждь на́мъ ми́ръ и здра́вiе, и просвѣти́ на́шъ у́мъ и о́чи серде́чныя, е́же ко спасе́нiю; и сподо́би ны́ грѣ́шныя рабы́ Твоя́ Ца́рствiя Сы́на Твоего́, Хрiста́ Бо́га на́шего; я́ко Держа́ва Его Благослове́нна и Препросла́вленна, со Безнача́льнымъ Его́ Отце́мъ и со Пресвяты́мъ, и Благи́мъ, и Животворя́щимъ Его́ Ду́хомъ, ны́нѣ, и при́сно, и во вѣ́ки вѣко́въ. Ами́нъ.
Дата добавления: 2015-07-12; просмотров: 108 | Нарушение авторских прав
| <== предыдущая страница | | | следующая страница ==> |
| Псаломъ 20-й, образецъ молитвы за Помазанника Божія-Царя | | | НIКОЛАЯ АЛЕКСАНДРОВИЧУ |