Молитва Василия Великого, 1-я

Владыко Господи Иисусе Христе, Боже наш, Источниче жизни и безсмертия, всея твари видимыя и невидимыя Содетелю, Безначальнаго Отца Соприсносущный Сыне и Собезначальный, премногия ради благости в последния дни в плоть оболкийся, и распныйся, и погребыйся за ны, неблагодарныя и злонравныя, и Твоею Кровию обновивый растлевшее грехом естество наше, Сам, безсмертный Царю, приими и мое грешнаго покаяние, и приклони ухо Твое мне, и услыши глаголы моя. Согреших бо, Господи, согреших на небо и пред Тобою, и несмь достоин воззрети на высоту славы Твоея: прогневах бо Твою благость, Твоя заповеди преступив, и не послушав Твоих повелений. Но Ты, Господи, незлобив сый, долготерпелив же и многомилостив, не предал еси мя погибнути со беззаконьми моими, моего всячески ожидая обращения. Ты бо рекл еси, Человеколюбче, пророком Твоим: яко хотением не хощу смерти грешника, но еже обратитися и живу быти ему. Не хощеши бо, Владыко, создания Твоею руку погубити, ниже благоволиши о погибели человечестей, но хощеши всем спастися, и в разум истины приити. Темже и аз, аще и недостоин есмь небесе и земли, и сея привременныя жизни, всего себе повинув греху, и сластем поработив, и Твой осквернив образ; но творение и создание Твое быв, не отчаяваю своего спасения, окаянный, на Твое же безмерное благоутробие дерзая, прихожду. Приими убо и мене, Человеколюбче Господи, якоже блудницу, яко разбойника, яко мытаря и яко блуднаго, и возьми мое тяжкое бремя грехов, грех вземляй мира, и немощи человеческия исцеляяй, труждающияся и обремененныя к Себе призываяй и упокоеваяй, не пришедый призвати праведныя, но грешныя на покаяние. И очисти мя от всякия скверны плоти и духа, и научи мя совершати святыню во страсе Твоем: яко да чистым сведением совести моея, святынь Твоих часть приемля, соединюся святому Телу Твоему и Крови, и имею Тебе во мне живуща и пребывающа, со Отцем, и Святым Твоим Духом. Ей, Господи Иисусе Христе, Боже мой, и да не в суд ми будет причастие Пречистых и Животворящих Таин Твоих, ниже да немощен буду душею же и телом, от еже недостойне тем причащатися, но даждь ми, даже до конечнаго моего издыхания, неосужденно восприимати часть Святынь Твоих, в Духа Святаго общение, в напутие живота вечнаго, и во благоприятен ответ на Страшнем Судищи Твоем: яко да и аз со всеми избранными Твоими общник буду нетленных Твоих благ, яже уготовал еси любящим Тя, Господи, в нихже препрославлен еси во веки. Аминь.

[«Владыка, Господи Иисусе Христе, Боже наш, Источник жизни и бессмертия, всей твари видимой и невидимой Творец, Безначального Отца также вечный и также Безначальный Сын, по чрезмерной Твоей благости в последние дни воплотившийся, распятый и погребенный за нас, неблагодарных и злонравных, и Твоею Кровию обновивший растленную грехом природу нашу. Ты Сам, бессмертный Царь, приими и мое, грешного, покаяние; склони ухо Твое ко мне и услышь слова мои. Ибо согрешил я, Господи, согрешил против неба и пред Тобою, и недостоин я возвести очи свои к небесной высоте славы Твоей; ибо прогневал я благость Твою, преступив заповеди Твои и не послушав повелений Твоих. Но Ты, Господи, незлобивый, долготерпеливый, многомилостивый, не допустил меня погибнуть среди беззаконий моих, всячески ожидая моего обращения. Ибо Ты сказал, Человеколюбец, через Твоего пророка, что Ты не желаешь смерти грешника, но чтобы он обратился на путь добра и был жив. Не хочешь Ты, Владыка, чтобы гибло создание рук Твоих, и не находишь Ты удовлетворения в погибели человеческой, но желаешь, чтобы все спаслись и достигли познания истины. Поэтому и я, хотя недостоин ни неба, ни земли, ни самой этой кратковременной жизни, так как всего себя поработил греху и чувственным наслаждениям и осквернил в себе Твой образ, но, будучи Твоим творением и созданием, я, несчастный, не отчаиваюсь в своем спасении и дерзновенно прибегаю к Твоему безмерному милосердию. Приими же и меня, Человеколюбец Господи, как блудницу, как разбойника, как мытаря, как блудного сына. Сними с меня тяжкое бремя грехов Ты, берущий на Себя грех мира и исцеляющий человеческие немощи; Ты, призывающий к Себе изнуренных и обремененных и дающий им покой; Ты, пришедший призвать к покаянию не праведных, но грешников. Очисти и меня от всякой нечистоты телесной и душевной и научи меня вести святую жизнь в страхе перед Тобою, чтобы я, причащаясь с чистым свидетельством моей совести Святынь Твоих, вошел в единение со Святым Твоим Телом и Кровию и имел Тебя во мне живущим и пребывающим с Отцем и Святым Духом. О, Господи Иисусе Христе Боже мой, да не будет мне в осуждение причащение пречистых и дающих жизнь Твоих Тайн, и да не сделаюсь я немощен душою и телом от недостойного причащения их; но дай мне до последнего моего вздоха безнаказанно причащаться святынь Твоих в общение с Духом Святым, в напутствие в жизнь вечную и в благоприемлемый ответ на страшном суде Твоем, чтобы и мне со всеми избранными Твоими сделаться участником полноты Твоих благ, приготовленных Тобою, Господи, для любящих Тебя, в которых Ты прославлен вовеки. Аминь».]

Дата добавления: 2015-08-05