Читайте также: |
|
Не за сие мы, нижайшии, ваших иереев гаждати устремляемся, еже они (если сердечне) отлучаются новодогматствующия церкве, еже странствуют древняго ради благочестия; но сих ради:
1: Яко незаконне отступают от новшеств и незаконне приступают к древлепреданию: понеже не судят законно новшества, якоже подлежит, но оныя защищают; понеже не наказуют по важности новшеств (еже есть крещением от важных новшеств приходящих примиряти, якоже правила указуют), но крещающих законно второхристораспинателями нарицают.
2: Еретическую хиротонию имуще на себе, не получив от православнаго епископа поставления и благословения, священнодействуют, в противность апостольским и отеческим правилом.
3: Поп попа отвне приемлет, и дает власть на священнодейства, вопреки Евангелию и святых апостол и всех соборов, кая суть их главная вина и родна беззаконий ниже положенных.
4: Церкви без архиерейскаго благословения ставят и освящают.
5: Антимисы иных церквей самосвященныя полагают.
6: Поп новоприходяй, по инаго попа благословению, во иных церквах служит.
7: Исповедуют по сицеву попу телу и крови Христовой на служении литоргии совершатися.
8: Без архиерейскаго благословения грехи кающихся вяжут и решат, и граматы на гробе прощальныя дают.
9: Новоприходящих от новшества простых мажут мvром, а попов не мажут.
10: Непомазуемый поп простых помазует.
11: Поста пред миропомазанием не предают.
12: Простых иных мажут мvром, а иных не мажут, как кто хощет.
13: Мvро неизвестное держат: понеже древняго давно уже несть.
14: Мvром не имущим благовония мажут.
15: Молитвы очистительныя заочно дают.
16. Чином поповским (не благословенни суще от архипастырей) крестят.
17: Помазатися хотящих не крестят, но точию около купели налианной воды водят.
18: Попом быв кто, и пострижется, без архиерейскаго благословения священнодействуют.
19: В неприсутствии себе, попы, за неимением причастия водою богоявленскою при смерти, напаяти повелевают.
20: Заочно погребение поют, простым же пети запрещают.
21: Свадьбы венчают в избах и в клетех.
22: Браки запрещенные венчают.
23: В Евхаристии старых и новых попов различие исповедают.
24: Двоеженца без назирания правильнаго венчают.
25: Триженца, не смотря каноннаго повеления, венчают.
26: Многажды брадобрийц причащают и запасы им дают.
27: Ставильную граммоту, полученную от своих архиереев, с пятиперстным благословением, при себе имеют и ею оправдаются.
28: По проклятии ересей обратившагося иерея в ризы священническия облачают архиерейскою должностию.
29: Попом, их же приемлют, дают власть священнодействовати, и отпускают на волю, ничто наблюдающи в нем, что делает и како, от коего своевольства велие закону утеснение творится, и неизвестно чий поп людей руководствует и чии попа люди научают в законех.
30: Все божественное писание к своим неправильным действиям, криворазвращенне толкующе, привлачают.
Суть же и иныя неправильныя выправки в ваших иереях и последующих им, якоже и ты в своих вопросех упреумножил: но нуждею краткости оставляем, а наипаче, аще ли вся творимая вашими иереями исчисляти, то лето повествующе постигнути имать. Но токмо рцем сие: ежели бы вся сия законопреступления описывати по единому и доводами священнаго писания качество их объявляти, не малыя бы книги нужда явитися; но елико возмогохом, вкратце против твоих вопросов ответствующе, удовлихом едино приятие попов ведати не правильно в конец быти: посему следствовати и разумевати и прочая их действа дахом не правильна быти и писанию зело противна.
Убо мы, якоже ты хулиши и гаждаеши нас в своем вопросе, не от злаго источника почерпаем вредящаго яда, еже ваших иереев отвергающе, и хотящих быти пастырьми волками нарицаем. Понеже, аще в противность божественнаго писания приемлются, и действуют, и вас поучают: темже и суть волцы и татие и хищницы, якоже блаженный Феофилакт архиепископ Болгарский, протолкуя Христова словеса на Иоанна, в зачале 35-м и 36-м о сих показует.
Сосуд же избранный, Павел апостол, поучая о последних временех, тако же о сих пастырех, иже не по писанию творящих и глаголющих, пишет: "аз вем (рече), яко по отшествии моем внидут волцы тяжцы в вас, не щадяще стада, и от вас самех востанут мужие, глаголюще развращенная" (Деяния святых апостол, зач. 44). Сии же словеса Златый языком протолкуя, глаголет: "Не почудися (рече) сему, аще и волцы будут пастуси. Ко епископом бо и презвитером беседуя апостол глаголаше, яко от вас самех востати имут мужие, глаголющии развращенная. Темже никтоже да прельщает вы, иже извне имеяй образ ангелеск, а внутрь дияволеск, от плодов бо их познавати самем Господем учими есмы". Маргарит слово 13, о лжеучителех, л. 590.
Дата добавления: 2015-07-12; просмотров: 53 | Нарушение авторских прав
<== предыдущая страница | | | следующая страница ==> |
Ответ, 323. | | | Ответ, 333. |