|
Читайте также: |
Господи, Иисусе Христе Сыне Божий, Ты бо рекл еси пречистыми Твоими усты: яко без Мене не можете творити ничесо же, призри на ны молящиеся Тебе и вразуми творящих беззаконие, воссияй истиною Твоею в сердцах заблудших и во тьме пребывающих братьев, сестер и чад наших; просвети разум матерей, приносящих своих неродившихся детей в жертву беззаконную, останови руку врача –детоубийцы, молитвами Пречистой Твоей Матери и Приснодевы Марии и всех святых, помилуй нас, Аминь.
| ||
| Кондак 1 Агнче Божий, вземляй грехи мира, услыши стенания наш и скорби сердец наших вонми, возьми наше тяжкое бремя греховное, понесший немощи наша, приими в покаянии припадающих к Тебе, молящихся и из глубины души взывающих: Господи наш, Господи, радосте наша, помилуй нас, падших. Икос 1 Боже и Господи! Твое бо есть твoрeниe, но увы нам, в рай содеянный Адамов грех живет в нас и в телеси, и яко рабы усердно работем ему всегда, ныне же молим Тя: помилуй нас, Творче мира горняго; помилуй нас, Создателю естества дольняго; помилуй нас, Владыко сил Небесных; помилуй нас, Управителю тварей телесных; помилуй нас, Промыслителю всяческих; помилуй нас, слезы наши о гресех наших к Тебе приносящих; Господи наш, Господи, радосте наша, помилуй нас, падших. Кондак 2 Владыко Всемилостивый, како столь гнусные грешницы смеем приступите к Тебе с молитвою нашею, преступившие заповедь Твою, яже Ты заповедал нам чрез Моисея пророка Твоего: не убий, аз же убийца есмь, и увы, жесточайшая во сто крат, змеиного нрава, кий хотя на малое время дает чадам своим увидеть свет, последиже пожирает, аз же, окаянные, немилосердо лишили чад своих не токмо чувственнаго, но наипаче и истиннаго Света, Господа нашего Иисуса Христа, чрез Таинство Крещения озаряющаго; и ради временнаго телеснаго покоя избегая многочадства, еще во чреве своем убившие. А посему аз, омраченные сими и многими без числа грехами, надеемся токмо на милость благоутробия Твоего, и со дерзновением зовем Ти: Аллилуиа. Икос 2 Глаголы жизни Твои презреши, Господи, и по воле сердец наших ходиши, от самой юности нашея даже до сего дня, ныне же в покаянии зовем Ти, Всещедре Спасе наш: помилуй нас, в беззакониих зачатых; помилуй нас, во гресех рожденных; помилуй нас, заповеди Твоя не сохранивших; помилуй нас, благодати Твоея лишившихся; помилуй нас, о спасении своем не радеющих; помилуй нас, в сети страстей улучивших; Господи наш, Господи, радосте наша, помилуй нас, падших. Кондак 3 Добро и красно есть еже жити братии вкупе и друг друга любити, якоже заповедал еси нам, Спасе наш, яко гневающийся на брата своего, убийца есть, аз же гневом своим превзошли всех от века рожденных, наипаче же убийц, коих жертвы были различных причин, жизней и возрастов во времени, аз же, окаянные, лишили жизни тех, кои еще токмо получили время на жизнь от Тебя, Подателя жизни для их существования, но мы в безумии нашем безжалостно отымали ее еще во утробах наших, без Страха Божия отвергая волю Твою и благословенный Тобою дар чадородия. Мы своевольно вырывали из творческих рук Твоих невинных чад наших и перед глазами Твоими не стыдясь убивали их. Но судьбы их в деснице Твоей, Господи, а грех наш предо нами есть вынем. Тебе Единому каемся, и молим Тя, Блаже, на путь покаяния стопы наши направи, да со всеми покаявшимися грешниками воспоем Тебе: Аллилуиа. ИкосЗ Едине ведый человеческую немощь веси вся грехопадения наша, грехи юности наша не помяни, и от тайных наших очисти нас, зовущих Тебе: помилуй нас, великх грешниц; помилуй нас, закона Божия преступниц; помилуй нас, завета Твоего нарушительниц; помилуй нас, яко Тебе, Владыце нашему злом мзду воздавших; помилуй нас, в покаянии к Тебе во единодесятый час пришедших; помилуй нас, окаянных детоубийц; Господи наш, Господи, радосте наша, помилуй нас падших. Кондак 4 Жизни Подателю, Царю Небесный, прииди и вселися в нас, грехами оскверненных и очисти нас от всякия скверны, и спаси, Блаже, души наша, да зовем Тебе спасаемые: Аллилуиа. Икос 4 Заблудих, яко овча погибшее, взыщи нас, рабов Твоих, Боже наш, удалившихся от заповедей Твоих в непроходимую дебрь страстей и своеволий, спаси нас, недостойных, тепле Тебе стенящи, молящихся и вопиющих: помилуй нас, своевольными грехами отягченных; помилуй нас, страстьми омраченных; помилуй нас, гордостию восхищенных; помилуй нас, завистию снедаемых; помилуй нас, неправдою исполненных; помилуй нас, не хотящий смерти грешника; помилуй нас, убийц своих чад нарочитых; Господи наш, Господи, радосте наша, помилуй нас, падших. Кондак 5 Идеже хощеши, Всемогущий Боже наш, там и побеждается естества чин, победи в нас живущее, греховное естество наше, и силы его, влекущие на ко греху, яко Ты еси Творец всяческих и Создатель естества, Божественною благодатию Твоею дух прав обнови во утробах наших, не отвержи нас от лица Твоего, и Духа Твоего Святаго не отыми от нас, и сотри достойно налагаемую на души наши смертные печать детоубийцы, наложенную правосудием Твоим по шестой заповеди закона Твоего "не убий" и возстанови вновь грехами нашими расторгнутый Твой вечный завет к нам, Господи, и возврати наши прежние добродетели, через грех погибшие, да невозбранно воспоем Тебе: Аллилуиа. Икос 5 Кто согрешил когда-либо, яко согрешили мы, окаянные, коего греха не соделали, коего зла не вообразили в душе моей, но с раскаянным сердцем и со слезами приходим к Тебе, Всещедре Господи, вопиюще: Помилуй нас, неверных рабов Твоих; помилуй нас, во гресех окамененных; помилуй нас, ближняго ненавидящих; помилуй нас, словом и делом обидящих; помилуй нас, душею и телом скверных; помилуй нас, совестию сожженных; помилуй нас, детоубийц, Ироду подобных; Господи наш, Господи, радосте наша, помилуй нас, падших. Кондак 6 Лучами благодати Твоея, Господи, просвети одеяние душ наших, Светодавче, и спаси, нас да, радуяся, воспоем Тебе: Аллилуиа. Икос 6 Многое множество наших, Христе, прегрешений и яко ночь мрачное все житие наше, но не отчаявшаяся в милосердии Твоем, Спасе наш, яко Давид, вопием Ти: помилуй нас, в лености все житие иждивших; помилуй нас, о молитве за грехи нерадеющих; помилуй нас, неблагодарных за Твои благие внушения о покаянии; помилуй нас, закона Твоего не чтивших и заповеди не сохранивших; помилуй нас, яко мир и что в мире возлюбивших; помилуй нас, в суете мирской дни века нашего иждивших; помилуй нас, яко подражая законам века сего и гнушаясь благословенным Тобою чадородием, детоубийства совершивших; Господи наш, Господи, радосте наша, помилуй нас, падших. Кондак 7 На небо очи наши возводим к Тебе, Слове Божий, но бренно естество наше долу влечет нас, Спасе наш. О, Создателю неба и земли и всего, яже в них! Возстави нас к горнему яже нас мыслити и деяти, да всегда победно сердцем и усты воспоем Ти: Аллилуиа. Икос 7 Око имам лукавое и всякия нечистоты исполненное, прелестию мира сего вынем прельщаюся, тем же молим Тя, Всеблаже, отврати очи наши еже не видети ны суеты, да молебно зовем Ти: помилуй нас, жаждущих верно Тебе послужити; помилуй нас, желающих поклонитися Тебе в духе и истине; помилуй нас, слезы покаяния нашего яко жертву за грехи наши к Тебе приносящих; помилуй нас, прощение за убийство чад наших у Тебе просящих; помилуй нас, избавления от страстей наших от Тебе ожидающих; помилуй нас, зельно плачущих о тяжких и смертных наших согрешениях; помилуй нас, убийц повинных суду Божескому и человеческому; Господи наш, Господи, радосте наша, помилуй нас, падших. Кондак 8 Пощади нас, Господи, Спасе наш, пришедый в мир грешныя спасти, от нихже гнуснее всех мы, но молим Тя, Всемилостиве Боже наш, приклонися на милость благоутробия Твоего, услыши сердечныя воздыхания наша, приими источники слез наших, теплыя душевныя молитвы, душе Спасе наш, да воспоем Тебе: Аллилуиа. Икос 8 Разбойнические злые помыслы нападоша на нас, совести нашей спящей, увы нам, одежды светлыя, данные нам при Крещении нашем, за гнусность грехов нашх лишились, оттоле чадоубийство совершили, наги добродетели доселе пребывем, темже вельми стремимся возвести очеса наши горе, долу поникшия за множество лютых, содеянных пред Тобою, Господи, и тако вопием к Тебе: помилуй нас, смертный грех содеявших; помилуй нас, доселе во гресех коснеющих; помилуй нас, всякой мерзости преисполненных; помилуй нас, противоестественными пороками запятнанных; помилуй нас, чистоту девства своего не сохранивших; помилуй нас, яко благочестиваго материнства себе лишивших; помилуй нас, из чрева нашего чад своих без времени извергших; Господи наш, Господи, радосте наша, помилуй нас, падших. Кондак 9 Слезные нам подаждь токи, Боже наш, да плачемся грех наших, и тако, радуяся, возопием: Аллилуиа. Икос 9 Тела наши осквернили тайнами мерзкими, души наши омрачили безместными деянии нашими, немощствует тело, немощствуют и души наша. К Тебе, Единому Непамятозлобному, Милосердному Судии и Богу нашему припадая, молимся: помилуй нас, убийц, яко память о судьбе изверженных чад наших приводит нас в трепет и ужас и неизглаголанное удивление: како Милосердие Господи и Судия Праведнейший, терпиши и благотвориши нас, адских пресельниц, даже до сего дне и часа, всячески ожидая нашего покаяния; помилуй нас, неоднократно обещавших исправиться, и снова возвратившихся ко грехам, яко пес на свою блевотину; помилуй нас, многое число убийств совершивших; помилуй нас, яко без страха Божия и материнской любви к чадам но со свирепостью дикаго зверя чад своих растерзавших; помилуй нас, яко волею своею грехи своя совершивших; помилуй нас, духи наши мерзкими помыслы осквернивших, помилуй нас, яко греховную жизнь свою и по сей день проводящих; Господи наш, Господи, радосте наша, помилуй нас, падших. Кондак 10 Уязвилися прелестию мира сего и преклонили колена пред ним, избрав пагубный путь мерзкаго закона его, забыв обещания свои, данные нами при Крещении и совершая одно за другим свои преступления, какие только подсказывал нам мир, мы, наконец, достигли самой вершины смертных грехов - чадоубийства, но объятия, Отче, отверзти нам, Боже наш, потщися, доколе на конец жизни нашея жертву хвалы принесем Ти, вопия: Аллилуиа. Икос 10 Хищницы, убиицы, тати и вси нераскаянные грешницы Царствия Божия не наследуют. Аз же всякою неправдою и всякими мерзкими грехами осквернили тела и души наши, сего ради душевнаго бедствия нашего, припадая, зовем Ти: помилуй нас, в Новом Завете благодатнаго Царства Твоего рожденных; помилуй нас в Церкви, созданной Тобою, воцерковленных; помилуй нас, дарами Духа Святаго запечатленных; помилуй нас, Твоим Пречистым Телом и Животворящею Кровию окормленных; помилуй нас, во Христа крещенных, во Христа облеченных; помилуй нас, все сии благодеяния отвергших и порочную жизнь избравших; Господи наш, Господи, радосте наша, помилуй нас, падших. Кондак 11 Целомудрия дух даруй нам, Господи и Владыко живота нашего, зане от самой юности нашея лишились добродетели, себя поработили страстем, дух и душу осквернили и тело растлили. Боже щедрот и милосердия! Не погнушайся очистити ны, столь гнусных грешниц, создания Твои аз семь, помилуй ны, и очисти ны от всякия скверны плоти и духа и сподоби ны дерзновенно пети Тебе: Аллилуиа. Икос 11 Чаяния сердцец наших, уповающих на Тя не отрини, Господи, и не посрами нас пред ангелами и человеками на праведном и Страшном Суде Твоем, не осуди нас тогда по делом нашим, но по милости Твоея прости вся грехи наши, вопиющим Ти: помилуй нас, сердца нечистые имущих; помилуй нас, демонским пленом пленшихся; помилуй нас, во гресех рожденных, Крещением омывшихся и паки, яко свиния в беззаконие впавших; помилуй нас, язвы грехопадения душ наших смрадны имущих; помилуй нас, от тяжких и смертных грехопадений наших в уныние и отчаяние впавших; помилуй нас, всякий грех соделавших и всякаго наказания достойных; помилуй нас, Создателю наш, и в покаянии приими нас, падших; Господи наш, Господи, радосте наша, помилуй нас, падших. Кондак 12 Широтою любви Твоея, Боже наш, покрый вся грехи беззакония нашего, приемлюще покаяние наше, да в любви к Тебе всегда зовем: Аллилуиа. Икос 12 Юность наша проиде в безумии нашем, все житие наше иждившая во гресех, в лености и нерадении к покаянию, но старость наша ужасом смерти неминуемаго Суда Твоего приведе нас к покаянию. Не отрини нас Спасителю наш, и во единодесятый час пришедших в Отчее объятие Твое и в покаянии зовущих: помилуй нас, яко кровь неповинных наших чад вопиет к Тебе, свидетельствуя о нашем убийстве их; помилуй нас, Боже наш, естеством Триединый; помилуй нас, Господи, милосердием предивный; помилуй нас, Владыко, о наших согрешениях долготерпеливый; помилуй нас, Царю Святый, немощи исцеляющий; помилуй нас, любвеобильный, и отчаянных грешников любовию Своею согревающий; помилуй нас, Всемогущий, понесший немощи наша, Господи наш, Господи, радосте наша, помилуй нас, падших. Кондак 13 Явитися имать знамение Сына Человеческаго на Небеси, в день оный страшнаго и втораго пришествия Судии живым и мертвым, Сына Божия Пречестный и Животворящий Крест. Тогда восплачутся вся племена земная. О, Иисусе Христе, Спасителю и Судие наш и всех Царю! Даждь ны прежде дне онаго слезы покаяния, да плачуся теплее злых наших и пагубных деяний, имиже души наша омерзих и Твою Пречистую Кровь Завета Твоего горце преобидели! Да тогда же со ангелы, и со всеми святыми и праведными поем Тебе: Аллилуиа. Этот Кондак читается трижды. Затем читается Икос 1 и Кондак 1. Молитвы после аборта Молитва первая О, Владыко, Господи Иисусе Христе, Сыне Божий! Премногия благости Твоея, нас ради человек и нашего ради спасения в плоть оболкийся и распныйся и погребыйся, и Твоею Кровию обновивый растлевшее естество наше, приими наше покаяние во грехах и услыши глаголы наша: согрешили, Господи, на небо и пред Тобою, словом, делом, душею и телом, и мыслию ума нашего, заповеди Твоя преступили, не послушали повеления Твоего, прогневали Благость Твою, Боже наш, но яко твoрeниe Твое есть, не отчаяваемся во спасении, но к Безмерному Твоему Благоутробию дерзая приходим и молимся Тебе: Господи! В покаянии даждь нам сокрушенное сердце и приими нас молящихся и даждь нам мысль благую, даждь нам слезы умиления, Господи, даждь нам по благодати Твоея положити начало благое. Помилуй нас, Боже, помилуй нас падших, и помяни нас, грешных раб Твоих во Царствии Твоем, ныне и присно и во веки веков. Аминь. Молитва вторая О Боже, Премилосерднейший Христе Иисусе, Искупителю грешных, ради спасения рода человеческаго Ты оставил еси, Всемилостиве, преславная Небеса и вселился еси во юдоль сию плачевную и многогрешную, Ты принял еси на Божественная рамена Твоя наша немощи, и понесл еси наша болезни; Ты, о Страдальче Святый, язвлен был за грехи наша и мучим за беззакония наша, а посему и мы к Тебе, Человеколюбче, возносим наши смиренныя мольбы: приими их, о Преблагий Господи, и снизойди к немощам нашим и грехов наших не помяни, и гневное намерение отмстить за грехи наша отврати от нас.Кровию Твоею Всечестною обновивый падшее естество наше, обнови, Господи Иисусе Христе, Спасителю наш, и нас, во тли грехов сущих, и утеши сердца и наша радостию всепрощения Твоего. С воплем и Безмерными слезами раскаяния припадаем к стопам Твоего Божественного милосердия: очисти нас всех, Боже наш, Божественною благодатию Твоею от всех неправд, беззаконий жития нашего. Да во святыни Твоего Человеколюбия восхвалим всесвятое имя Твое, со Отцем, и Преблагим, и Животворящим Духом, ныне и присно, и во веки веков. Аминь |
Дата добавления: 2015-11-28; просмотров: 139 | Нарушение авторских прав
