|
Читайте также: |
Яко же древле на Востоцех трие велицыи святителие, /сильный словом Василий, /
глубина Богословия Григорий и Златоустый Иоанн, /тако и днесь в стране полунощней /
три новоявленная светила веры на тверди церковней востекоша: /столп веры Митрофан, /
слово истины в лице царю исповедавый, /и обличитель раскола Димитрий, /мечем обоюду острым вся козни его рассекий, /и помазания полный сосуд Тихон, /тихостию словес своих грешника к покаянию призвавый. /О велицыи трие святителие земли Российския, /молите Христа Бога, Емуже угодни бысте, /спастися душам нашим.
Тропарь Тихону, еп. Воронежскому, Задонскому чудотворцу
Православия наставниче, благочестия учителю, /покаяния проповедниче, Златоустаго ревнителю, /пастырю предобрый, /новый России светильниче и чудотворче, /
паству твою добре упасл еси /и писаньми твоими вся ны наставил еси, /
темже венцем нетления /украшен от Пастыреначальника, /моли Его спастися душам нашим.
Тропарь святителя Тихона, епископа Воронежского, Задонского чудотворца глас 8
От юности возлюбил еси Христа, блаженне,/ образ всем был еси словом, житием, любовию,/ духом, верою, чистотою и смирением,/ темже и вселился еси в Небесныя обители,/ идеже предстоя Престолу Пресвятыя Троицы,/ моли, святителю Тихоне,/ спастися душам нашим.
Дата добавления: 2015-08-26; просмотров: 89 | Нарушение авторских прав
| <== предыдущая страница | | | следующая страница ==> |
| Святитель Тихон Задонский | | | Вечерня и утреня. |