Читайте также:
|
Tем же не престають злая мучаще ны: завесть оумножилася, злоба преможе ны, величанье възнесе умъ нашъ, ненависть на другы вселися въ сердца наша, несытовьство именье поработи ны, не дасть миловати ны сиротъ, не дасть знати человечьскаго естества; но, акы зверье жадають насытитися плоти, тако и мы жадаемъ и не престанемъ, абы всехъ погубити, а горкое то именье и кровавое к собе пограбити; зверье едше насыщаются, мы же насытитися не можемъ; того добывше, другаго желаемъ. За праведное богатьство богъ не гневается на насъ, но, еже речено пророкомъ, с небеси призри господь видети, аще есть, кто разумевая или взискаяи бога, вси уклонишася вкупе, и прочее. Ни ли разумевають все творящи безаконье, снедающе люди моя въ хлеба место? Апостол же Павелъ беспрестани въпиеть, глаголя: братие, не прикасаитеся делехъ злыхъ и темныхъ, ибо лихоимци грабители со идолослужители осудяться. Моисееви что рече богъ: «аще злобою озлобите вдовицю и сироту, взопьють ко мнe, слухомъ услышю вопль ихъ, и разгневаюся яростью, погублю вы мечемъ». И ныне збысться о насъ реченое: не отъ меча ли падохомъ? не единою, ли ни двожды? что же подобаеть намъ творити, да злая престануть, яже томять ны? Тако ненавидить господь бог нашъ, яко злу помятива человека. Како речемъ: отче нашъ, остави намъ грехи наша, а сами не ставляюще? В ню же бо, рече, меpy мерите, отмерит вы ся. Богу нашему Слава.
С л о в а р и к: именье — имущество, добыча; жадати — сильно желать; еже — если; призрети — обратить внимание, оказать милость; аще — если; вкупе — вместе.
Дата добавления: 2015-08-20; просмотров: 63 | Нарушение авторских прав
| <== предыдущая страница | | | следующая страница ==> |
| Практические занятия | | | СХЕМА ЛИНГВИСТИЧЕСКОГО АНАЛИЗА ТЕКСТА |