Пәннің оқу бағдарламасы – syllabus

3.1 Оқытушы туралы мәліметтер:

Смағұлова Гүлнара Мұратбекқызы - т.ғ.к., доцент; [e-mail]; Бүкіләлем тарихы және халықаралық қатынастар кафедрасы.

Кафедра болу уақыты: 9.00. сағ.- 18.00. сағ.

Телефон: 77-04-09

3.2 Пререквизиттері:

Негізгі компонент ретіндегі «Қазіргі дипломатия мәселелері» пәнін меңгеру үшін студенттер меңгеруі тиіс:

- дипломатия тарихының, дипломатиялық қызмет пәндерінің негізгі мәселелерін білуі тиіс;

- қазіргі кездегі дипломатияның ерекшеліктерімен жете танысу; - дипломатиялық қызметке қажетті құжаттармен жұмыс жасауға дағдылану;

- халықаралық қатынастардағы қазіргі кездегі дипломатияда орын алып отырған өзекті проблемаларды айқындай білу, сонымен бірге төмендегі пәндерді меңгерулері тиіс:

- Халықаралық қатынастардың қазіргі заман тарихы;

- Қазіргі заманғы шиеленістер және оларды реттеудің әдістері;

- Халықаралық қатынастардың қазіргі кездегі жүйесі.

3.3 Постреквизиттер:

«Қазіргі дипломатия мәселелері» курсын оқу барысында алған білім, шеберлік мамандық бойынша Типтік оқу-жоспарының негізгі және арнайы пәндерін, таңдау бойынша компоненттің пәндерін оқу барысында негіз болып табылады:

- Халықаралық ұйымдар;

- Көпжақты дипломатия;

- Халықаралық қатынастардың қазіргі кездегі мәселелері;

- Қазіргі кездегі әлемдік саясат және әлемдік экономика

3.4 Пәннің қысқаша мазмұны:

«Қазіргі дипломатия мәселелері» курсы «Халықаралық қатынастар» мамандығының таңдау пәндерінің бірі болып табылады.

Курстың шеңберінде қазіргі кездегі дипломатияның өзекті мәселелері, әр мемлекеттің дипломатиясының ерекшеліктері, олардың ұқсастықтары мен айырмашылықтары, қазіргі кездегі дипломатияда ең көп кездесетін және қаралатын проблемалар, олардың халықаралық қатынастардағы рөлі сияқты бірқатар мәселелер қарастырылады.

3.5 Оқыту нәтижелері ( пәндік және пәннен тыс құзыреттілік )

Бұл пәннің құзыреттілігіне жатады:

- қазіргі дипломатия мен сыртқы саясат мәселесін зерттейтін әдістер мен тәсілдерді талдай білу;

- қазіргі дипломатиямен байланысты негізгі ұғымдар мен категорияларды еркін пайдалануды қолдана білу;

- қазіргі дипломатияға әсер етуші факторлар жайлы нақты түсініктің болуы;

- мамандық бойынша ғылыми зерттеулердің әдіс-тәсілдерін меңгере білу.

Пәннен тыс құзыреттілікке жатады:

- пәндік білімді тәжірибе жүзінде қолдана білу;

- нәтижелі іс әрекеттің креативті дағдыларын меңгеруі;

- топта жұмыс істеуді, өздігінен өз пікірін жеткізуді әрі өзінің іс-әрекетінің нәтижелерін болжау және бағалау;

- өздігінен ойлауды, келелі мәселелерді тауып, оларды шешуді, ақпараттық кеңістікте бейімделе білуі;

- өзіндік жұмысының дағдыларын жетілдіре білу, жасаған тапсырмалардың сапасын арттыруға ұмтылу, тәжірбиеден қажетті мағлұматтарды алу, өзінің кәсіби келешегіне қажетті дағдыларды игеру.

Дата добавления: 2015-08-10