Кхы хьанзар Сийг.

Тухана Шахбулат ве лаьрхӀар. Цхьанна сагаца дага а ца воа-

лаш. Къаьстта чӀоагӀдир цо из, Гирихан вийначул тӀехьагӀа. Из

вовр тамашийна хӀама дар. Массанена бӀарга гуш наха юккъе

хинна саг, цӀаьхха мичав, мича вахар ца ховш вайна дӀаваьлар.

ТӀеххьара из бӀаргавайнар Шахбулат вар. ТӀеххьара Салман

бӀаргавайнар а Шахбулат вар. Из... дегабуаме дар. ЧӀоаггӀа де-

габуаме. Туханар цӀеннеи Шахбулатаи юкъе иккха гӀулакх дага-

дехача, хӀаьта а. Ца! доацаш дацар. Шахбулат веррига тийша-

болх ва, цох тийша гӀа дӀабаккха мегаргбац. БӀех лу из д1а мел

хьокхавенна хӀама. Цох лоравала веза. Ка яьннача хана... ве а

Веза. Ве веза.

Шахбулата бӀарахьожалацар Тухан. Цох гаьна вувлар из.

Шахбулат ца ховш а шийна юхе веча, дорхал йоссар цун бӀар-

гашка, хӀанз-хӀанз цунна дӀатӀатоха воаллаш санна, тоӀайора цо

Ший бе йоалла топ.

Шахбулата гора из. Цо ше а озар Туханах оагӀув. Ховра цунна,

из сиха саг волга, нагахьа санна зане тӀайоагӀе, цо де ца дезар,

Ӏовдала хӀама дергдолга. Из вецарий Шахбулата корах ара

топ тоха гӀийртар? Из бахьан долаш хиланзарий Алхаста яь чов

а? ЗӀамига ва. ХӀамах дукха кхеташ вац.

...Дударацара хьакъаьстачул тӀехьагӀа, шоашта цхьа кӀезиг-

дукха мегаргйола чӀоагӀале лаха лаьрхӀар юхебисача къонахаша.

— Цхьана хилча гӀойле хургья вайна, — аьлар Шахбулата. —

Сов кӀезнга да вай, декъадала.

—• Цхьана хургда вай, — аьлар Асхьаба а. — Доллел соца, —

тӀатехар цо, — цхьа моттиг яр са укхаза зийна.

Шахбулати, Тухани, эрсеи, Микаили цунна тӀехьа болабелар.

ЦӀаьхха юхасецар Асхьаб. Эрсечоа бӀарахьажар из. Из вар з1а-

мига саг. Цун дар баьде бӀаргаш. ТӀаювхар цӀегвардейций форма.

Шинела аьтта пхьош ах Ӏоуллар цун, даьттӀа. Массаварг мо

кӀаьдвенна вар. Юхь бӀеха яр, ийттӀа дар бордаш.

— Мичара ва хьо? — хаьттар Асхьаба.

— Буро тӀара, — жоп делар эрсечо.

— ДӀавахача бакъахьа вар-кх хьо, — аьлар Асхьаба, цхьа

Уйла еш а лаьтта.

— ТӀаккха шо? Шо хӀана долхац?

— Тха укхаза доттагӀий байнаб... Вежарий байнаб... Тхо...

— Са а байнаб укхаза доттагӀий а, вежарий а, — аьлар эрсечо.

— Бакъда... Бакълув, — ше-шийца хулаш мо йистхилар

Асхьаб. — ТӀаккха... цӀи фуй хьа?

— Руслан я.

— Руслани? Из-м гӀалгӀай цӀи ма йий, эрсе веций хьо? —

Хаьттар Микаила.

— Ва. Цхьабакъда, эрсий а хул Руслан яхаш ц1и.

Асхьаба шийи ший новкъостийи цӀераш дӀайийцар цунга.

ТӀаккха юха а болабелар уж. Топпар а хьаханза, керда

хьалдаь лаьттача цӀенна тӀабигар уж Асхьаба кастташха.

— Са гаргарча сага ц1а да ер, — аьлар цо, коаюкъе д1а а эт-

та. — Миска, дукха ха яр цо ер хьалде доладаь. ХӀанз дӀа а кхес-

Са вахав.

— Вай фу ду укхаза? — хаьттар Шахбулата.

— Вайи? Цкъа цӀен подвалага хьажал хьо, тӀаккха ховргда

Дата добавления: 2015-11-30