|
Кхалнах болча дӀачуваьлар Бек-Хан. Цунна тӀеххьа чуяьлар
Аза а. Истий хӀанз кӀеззига тийнабар. Сов дукха бийлха, йий-
стаяр цар йовхьамаш. Ший нанна дӀатӀавахар Бек-Хан.
— ХӀай? ХӀама аьларий 1а? — корта айбир Жовзана.
— Нана, со цӀаваха воалл, — аьлар Бек-Хана. — Цига фуд
а хьажа, чехкка юхавоагӀаргва со.
— Хьанца вода хьо?
—- Се цхьаь.
— ИппӀали са, гӀоргвацар даьра! — кхераелар Жовзан. —
Гаций хьона цу новкъа хьалкхухьа доарахой? Со-м... 1а хаьттача,
фуд-хьог1... юртара нах болхаш цхьа хӀама да-хьогӀ яхаш яр.
— Сона х1ама-м дергдац, — аьлар Бек-Хана. — Говраца ма
гӀоргвий со.
— Сацалахь, хӀанз, сацалахь, бала ца а бахьаш, — аьлар
Жовзана. — Ваха везаш моттиг хуле, дӀааргда хьога.
— Ай, воти а, берригаш а цига ма бий вай! Царех фу хиннад
ха дезаций? Цхьаккха хӀама а ца ховш ма дагӀий вай.
— Хов. ДагӀа. Цудухьа доалл е дог-м иккха дала. ХӀаьта а...
1а цига де хӀама дац. Уж боккхагӀа ба, цар ца1 дергда. Хьо укхаза
1е, хьай нанна юхе. Шевар сох къаста гӀерташ а дац шо
кхы, — Жовзана дог чӀехкар.
Бек-Хан, кхы хӀама ца оалаш, коа араваьлар. Араяьлар Аза
а. Даим цунна тӀехь-тӀехьа лелар из.
— ХӀанз фу дергда 1а? — хаьттар цо.
— Хац, — аьлар Бек-Хана. Отар чу вахар из, говр цӀенъе
Эттар.
— Сона тхьовре а ховра, хьо вохийтаргвоацалга, — аьлар
Азас, наӀар тӀа юха а сеца.
— Латтал хьо а. «Сона тхьовре а ховра». Хьона ховр ца ховш
ва со кхы, — гӀожа дар Бек-Хана лер.
— Ва, хьо сол а зӀамагӀа воландаь. Кхийтарий хьо? — Аза
оагӀора йийрзар.
— Хьайт, зӀамагӀа. Цхьа шу. Из лоархӀаш хул! ЗӀамаг Ӏа вале
А, хьол воккхаг1а-м хет со.
— Хет, хье гӀуркх мо виткъа воландаь.
— ХӀаьта. Жий мо текха хила везаш-м вацар со?
— Со-м яц жий мо, — Азай бӀаргашка хий эттар. — Сона
хӀана ух хьо эгӀаз... нанас хье вахийтац яхаш? Са фу бехк
ба. Аз... тепча а дӀахьекхар. Хьо... во саг хиннав.
Бек-Хан юха йистхиланзар. Зехьа дир цо Азайна халахетар.
Цун ба а бацар цхьаккха бехк.
— Со хӀаьта а гӀоргва, — аьлар Бек-Хана, кӀеззига сабар даь-
ча гӀолла. — Ӏа... цхьаннега д1а ма алалахь.
— А, вӀалла кхера а везац хьа, — гӀадъяхар Аза. — ТӀаккха...
из... нанас пурам ца лушшеи?
— Ма далийта. Со хӀанз кӀаьнк вац. Сайна хов сона де дезар.
Ма майра ва хьо, аьлча санна, кӀиръенна Бек-Хана бӀарахье-
Жар Аза.
— Баьде ма йий вайна, мишта гӀоргва хьо?
— Со хӀанз гӀоргвац, кхоана Ӏурра гӀоргва.
— ТӀаккха хьо... вуй? — из уйла дег чу йоссаше, бос бахар
Азай. Из цӀеш ваьккха, ворда т1а уллаш санна, цхьа унзара сурт
Духьалдера цунна.
— Фу дир хьона? — цецваьнна, Азайна бӀарахьежар
Бек-Хан.
— ХӀама а, — йиӀига дог чӀехкар. — Со... кхер.
— ХӀай? Сохи? Х1-м, — мерех шок техар цо. — Ма кхера.
Тепча ма хургйий сога.
— Вошилг, папайга фу аргда аз, из цӀавеча? Цунна-м цу
Сахьате д1а ма ховргдий тепча йоацалга.
— Со дукха говргвац. ЦӀа г Ӏа фуд а хьажа, говр хехкка юха-
воагӀаргва со.
Ше Ӏовижале, цӀаькха а, хьаийца тепчага хьажар Бек-Хан.
Из ший метте уллаш яр. Чемодан гаьнагӀа дӀакӀалтеттар
Цо.
ШоллагӀча дийнахьа саго сомаваккха везанзар Бек-Хан. Ше
ваьлар из ханнахьа сома. ВӀалла хӀаманна сиха а воацаш санна,
кеп оттаяь, кулг-юхь дилар цо, массанеца Ӏохайна хӀама диар.
Цул тӀехьагӀа хьаьший цӀагӀа хьалчуваьлар из. Азайга ниӀ д1а а
лацийта, тепча хьаийцар. Че еллар цо из. ТӀаккха коа т1а ваьлар.
Дата добавления: 2015-11-30; просмотров: 38 | Нарушение авторских прав