Юрт йижанза яр. Наггахьа мара ц1а дацар лампа ца йоагаш.

Наха наӀараш еттар, араухар, улица т1а бувлар. Юрт ца йижар

тамаш а яцар, хӀана аьлча, гӀаш а, говрашца а, вордашца а хад-

данза тӀаухар тӀемах байдда боагӀа нах. Уж чуэца, царга са-

лаӀийта, шоай къонахий, гаргарабараш хатта, лакхагӀа, Мужеча

е Оалкама болхараш накъабаха — дукха гӀулакхаш дар де дезаш.

Г

алашка вахар Жовзана воша Ювсап. Наькъа йистте, коаниӀ

Эсагахьа а йолаш дагӀар цун ц1а.

— Бувшанза ба. — аьлар Жовзана, корашкара йоагӀа лампа

Сердал а яйна.

Ворда соцайир цар. Бек-Хана бий хьакхар коанаӀарах.

—• Сов чӀоагӀа ма етта, — аьлар нанас.

Корага улла занавеска а айдаь, арахьажар цхьа саг.

— Ара ца а хьежаш, арадайнна довладалар шо а, — аьлар

Жовзана. — Со-м Ӏоежа яла йоалл.

Несараша хӀама аланзар. Уж а бар гӀойле яйна, сов кӀаьд-

бенна. Къаьстта кӀалйисаяр Изахьат. Из дика могаш яцар. Цул

совгӀа, наькхах доалла бер а дар цунга. Из даим кара леладе

дезаш дар. Делхар, Ӏодуллаше.

Массарел чӀоагӀагӀа яр Кабиха. Бер а цо дӀаэцар, ворда а цо

Тоттар, хьогвенначоа мала хий а цо дахьар, цхьаннахьара хьаст

лехе, е ведар ийце Эса тӀа яхе. Даим дӀаудаш, цхьацца гӀулакх

Деш. кулг тохаш хулар из.

Дог-ц1ена саг яр Кабиха. Из ховра Жовзана а цар цӀагӀа мел

волчоа а. Ӏимерза, тӀера яр из массанеца а. Къаьстта дукха дезар

Цунна бераш. Езе, енна а, царна дезар де кийча яр из. Шийга

гӀожа хӀама аьлча, моллагӀа из вале а, шийна Ӏоттар йича, вӀал-

ла эгӀазйодацар, дегабуам бацар.

Жовзана доаккхал дора ший несах. «Иштта хила а беза

уж-м», — оалар цо дагахьа. Вокха, воккхагӀа волча ший виӀий

истех дика яшаш яцар из. Цар хайра хӀама ца деш санна хетар

Йоккхача сага. Уж мекъа хетар. Ше царна ца езаш санна хетар.

«Сувнаш, — аьле, дорха йистхулар из, уж ший къамаьл дӀахоза-

ча боацача хана. — Доккха хӀама да акхар бераш хилча. Ераш-м

кертах наб йоаллаш санна ма лелий. вӀалла дӀатекха а ца боа-

П С. И. Чахкиев 161

лаш. Нус а йоацаш юсар со-м, Кабиха ецаре». ТӀаккха доккха

садоаккхар Жовзана. ФуннагӀа шнйна хете а, кхетадора цо, бо-

ккхагӀа бола несарий котболга. Цар бераш да. ХӀаьта из цхьанне-

ца а хувцалургдац. «ТӀехье йоаца саг — венна саг ва. Ца яхка-

Ча сесагал, яхка котам тол, аьннад даьша. Ховш аьннад, зехьа

аьннадац».

Ни1 техар, ца1 араваьлар.

— Малав цига? — хьахезар царна кхалсага оаз.

— Тхо да уж-м, хьаелла ни1, — чукхайкар Жовзан. Оазах

Яйзар цунна ший веший сесаг.

— И-ии, нани еций хьо! — цӀогӀа техар вокхо.

КоанаӀарашкахьа хьаедар из. Царех йоалла зӀамига ниӀ а

йийлла, араиккхар улица тӀа. ТоӀӀаяь дӀамархӀаеллар цо Жовзан.

—Ма раьза я со, хьо тхоайцига ена, — йоахар цо сихъенна

(къамаьл сиха деш яр из). — Тхо а дар цига Ӏодахка кийчлуш,

е ха сов еха нийсъенна мара. ЧӀоагӀа хьо дагайоаллаш вар ер

Дата добавления: 2015-11-30