Хьалъайвала велар из. Маганзар. Юхавежар. Човно сов хало

яь. «гӀарчӀ-гӀарчӀ» аьнна вӀашкахьакхар цо царгаш. Хьацара

кӀур техар цун юхьа т1а.

— Алла, алла, — аьлар Никодима, — вижа уллаше дуаргда

Ӏа хӀама. Иштта дикагӀа а латаргда из-м дегӀах.

Истол поднара дӀаюхе эзар цар. Таймураза йисте Ӏохайра

Никодим.

— Хьаеллал баге, — аьлар цо, када чура чурий дакъилг хьа

А ийца.

— Сабар, — юкъеиккхар Увайс. — Цкъа берхӀала Ӏотта.

— ХӀай, берхӀалеи?

— ХӀаьта. ГӀалгӀай шу ма дий ер. Саьмарсаькха берхӀа-м укх

Даара керттера бар ма бий.

— ХӀанз ховргда-кх вайна хӀаьта укхун чам, — аьлар Никодима.

БерхӀала а Ӏетта, Таймуразага дӀаделар цо шийгара дакъилг.

Вокхо из дӀабагаделлар.

— Дий мерза? — хаьттар Никодима.

— О-о, — жоп делар вокхо, — дицлургдоацаш.

— ТӀаккха-м хӀаьта, дӀадаалахь дукхагӀа. — аьлар Никодима.

Таймураза юххе гӀанд а оттадаь, цу тӀа берхӀеи, дулхи, сиска-

ли Ӏооттадир цар. Кхоккхе цунна дӀаюхехайшар уж.

Сецар хьаьший лер. Даар да а дар Ӏалаьмате мерза. Цхьа

Сихбенна, сутара дуар цар из. Къаьстта Никодимеи Увайсеи. Цец

а яьнна царна бӀарахьежар. Деба. Пешка юххе латтар из, царна

фу эш хьожаш, гӀулакх деш. Вожаш йистхулаш а, д1а-схьа хьожаш

а бацар. Дуача хӀаманна тӀабахабар цар беррига теркам.

БӀаргех хий даьлар Дебийна. Царех геттара къахийтар цунна.

ДӀат Ӏа а яха, уж хьаста, царна тоам хургбар ала безам хн-

Лар цун.

— Чай де аз? — хаьттар цо.

Вожаш кхоккхе а цхьатарра хьабийрзар цунгахьа. Массехк

дийнахьа, кер биззал хӀама ца дуаш, меца шоаш лийннабале а.

хӀанз эхь хийтар царна. ЙоӀа бӀаргаяйра цар сутарал, бӀарга-

Байра эздел деха.

— Чай... мегаргда, — аьлар Увайса.

— Езе дилла а я.

— Х1а-а, дилла яле, вӀалла хӀама эшац хьона. Из дикагӀа а

Я. Вешта, тхох бехк ма баккхалахь...

Деба цӀийелар.

Ший новкъосташка йистхилар Увайс. Цар кортош оагадир,.

Дебийна бӀара а хьажа.

— Гой, са доттагӀаша а дилла толашагӀа я йоах, —■ аьлар

Увайса.

Кхоккхе къона бар уж. Ткъаь шерал дукхагӀа ха хургьяцар

царех цхьанне а. Къаьстта къона хетар Таймураз. КӀаьнка санна

диткъа дар цун дегӀ. Оаз а яр сомъяланза. Хала деттар цо

Са шийна яьча човна.

Шоашта оттадаь шу, кӀеззига сискал мара х Ӏамаюх ец а юташ,.

Деррига а диар цар. Уж баха сиха болга ховш, да чувоалаве коа

Т1а яьлар Деба.

Тхьовра сийрда хьежаш хинна малх, хӀанз къайлабаьннабар..

Юхь морцаш бар хьекха мух. Безаме яцар ара.

ТӀох, цӀен тӀехьашка а ваьнна, деникинцаш болчахьа хьалхье-

жаш латтар. Цигара хӀанз хьахозаш топ а Ӏимад а яцар. Юрта

Сатем латтар, шедар сецача санна. Гуш саг вацар улицашка а,

Гонахьа бахача наьха коашка а.

— Воти, хӀама диа баьннаб уж, — аьлар Дебас, даьна уллув

Юха а сеца.

ТӀоха дӀахазанзар цун оаз. Цхьа, уйладӀаяха, тхьайсача санна

Латтар из. Воккхача сага дагабоахкар ший къонгаш, ший хадаш

Латта фу.

ЦӀаькха а хилар Деба йист. ТӀаккха мара цунгахьа юхавер-

занзар ТӀох. ИоӀага хӀама а ца оалаш, сихо цӀагӀа дӀачувахар

из. Сихо аьлча а, шорта дар ТӀоха болар. Из хӀама дац, ший

хана дукха сиха лийннав ТӀох а. ХӀанз къавеннав. ХьатӀакхаьчай

Вала ха.

ТӀоха духьалкхийтар арабоагӀа Никодими Увайси.

— ХӀама кхаьлла даьлар шо? — хаьттар цо царга. — Со-м

Дата добавления: 2015-11-30