|
Читайте также: |
доагӀа дакъа.
Юрт ца йитача, кхы де хӀама долаш бацар ополченцаш. Шоашта
могар, шоай низ дӀакхоачар даь баьннабар уж. ХӀанз —• из
хӀаране кхетадора — е бов безаш, е ма хулла сихагӀа лоамашка
хьалбаха безаш эттадар гӀулакх. ВӀалла хайра бисабацар нах.
Уж а, дукхагӀабараш, човнаш яь бар. Герза кийчо а кӀеззига ма ра
йисаяцар. ДоагӀаш гӀо а дацар. ХӀаьта а, наггахьавар юкъера
дӀаваьккхача, дукхагӀбараш сабаре бар, корзагӀбаьнна, беха
Боацаш.
ТӀахьежача сабаре хетар Дудар а. Бакъда дег чу-м сагото яр
цун. Цо а кхетадора, хӀанз, юххера а, юрт йита еза сахьат хьаэттал-
га. ХӀаьта а штабера хабар доацаш из йита лацар Дудара.
Асхьабаи Шахбулатаи тӀадиллар цо доарахойи, юхебнса къоа-
Нойи, истийи, бераши чехка лоамашка хьалбохийталга.
Деникинцаш болчахьа хьалхьежар Дудар. Цецвувлар из, атаке
ца боагӀаш, хьелуш уж хиларах. «Къаьстта цхьа хӀама кий-
чош хургба уж хӀанз, — аьнна хетар цунна. — Доарахойи истийи
дӀакӀалхарбаьнна боаларе-м ца1 дергдар».
Цун ший дезал а бар хӀанз а дӀабаханза. Берашта, сесага
хӀама хилар кхерар из, хӀаьта а дего витацар кхычарел хьалха
уж дӀабахийта. Дудара тоам бац иззаморг. Ерриг юрт цунга
хьожаш, цох тешаш я. Из большевик ва. Эггара халагӀа дола
дакъа шийна, ший дезала тӀаэца декхарийла ва из цудухьа. Иштта
Я Дудара дег чура уйла.
Маьждига юххе вордашца а гӀаш а юртара дӀауха нах зувш
латтача Дудара тӀавера Боскар.
— Дерригаш дӀадолх шо? — хаьттар цо, кога тӀара кога т Ӏ а а
ваьнна. Чопилгаш даьста яр цунна тӀаювха йӀайха кетар. Нийсса
Ӏоухкар цун деза кулгаш.
Дудар, цкъарчоа, фу дар 1а хаьттар аьлча санна, цунгахьа
д1а а вийрза, юха йист ца хулаш Ӏийра. Новкъа гӀолла ворда
лехкаш хотта хьувш воагӀача Зайпала бӀарахьежаш латтар из.
Цун йӀаьхача къамаргах вайзар Дудара из. Зайпала тӀеххьа,
Аьрда кулгаца йоалкхам а лаьца, аьтта кулгаца ший къоарзача
исхале йӀаьха коч а ийеш, из льтта 1о ца текхийта гӀерташ, халла
г1а боаккхаш йоагӀар Напсат. Лима ворда т1а уллар. ЦӀий
тӀадам бацар цун юхьа тӀа. БӀаргаш дийлладар. ХӀанз къаьстта
хетар уж Ӏаьржа. Ворда етталора, йоха йоаллаш санна. Гоа-
малелхар аьрда оагӀорахьара чарх. Из гон т1а массаза я, ворда
ӀочутаӀар, астагӀа саг санна. Лима эгар. Човно чинг еттар. Бор-
дех царгаш еттар цо, ах1 ца ала гӀерташ, садетташ.
Дудар бӀаргавайна, ворда соцайир Зайпала.
— Дудар, хабар дий Буро тӀара? — хаьттар цо.
— Дац, — жоп делар Дудара.
Цхьан хӀаман уйла еш корта чубеллар Зайпала. Напсата
хьалмагӀа а яьнна, йиӀий керта кӀалхара гӀайба дӀанийсбир,
юхьа тӀа кхаччалца хьалъэзар тӀера Ӏотекха ювргӀа.
— Даьллахьи, ма эсала къонах хиннав из, —• ше-шийга оалаш
Дата добавления: 2015-11-30; просмотров: 37 | Нарушение авторских прав