Диткъа дар цун бордаш, басилгаш чукхийтта яр. Бесазадаьлча
санна хетача сийнача бӀаргашта ӀотӀаухкар кера бӀаргацӀац-
къамаш. Дехьа кора юххе, дӀаара а хьежаш, гӀаьле увзаш вагӀар
Цхьаькха цхьа къонах. Цунна граждански форма ювхар т1а. Из
истола тӀа вагӀачул къонагӀа а низ болашагӀа а хетар.
— Господин полковник, — озавенна дӀаэттар Гирихан хьачу-
Воалаваь эпсар, — ер ва есар.
— Дика да, поручик, аравала мегаргва хьо, — аьлар полковника.
— Сабардел, — юхасоцавир цо из. — Хьадастал цун кулгаш.
Поручика Гирихана кулгех доалла гӀаба хьадаьстар. Из истола
тӀа Ӏодиллар цо. Полковника корта лостабир, хӀанз дӀагӀо,
Аьнна. Поручик араваьлар.
Полковники кора юхе вагӀари меттахьа хьанзар. Шаккхе Гирихан
зувш, кӀирбенна цунга хьожаш бар уж.
— Эрсий мотт хой хьона? — хаьттар полковника.
— КӀеззига хов, — жоп делар Гирихана.
Ӏоха безам бар цун, тӀеххьашка пенаца латташ гӀандаш а
дар, хӀаьта а цар пурам ца делча лоархӀавацар из Ӏоха.
ГӀаьле увзаш вагӀар корагахьа дӀавийрзар. Гирихана а пол-
ковникаца а вӀалла гӀулакх а дац цун ала тарлора, цун вагӀарга
хьежача. Корашта кӀал ловзаш хьазилгаш дар. Ший беррига теркам
царна тӀабахийтача санна хетар цо. Цхьабакъда, Гирихана
кхетадора из иштта доацалга. Цун вагӀар цхьа бахьан долаш
Долга. Из, хетаргахьа, воккха хьаким хила везаш вар. Полковни-
кал а воккхагӀа.
— ГӀалгӀа вий хьо? — хаьттар полковника.
— Ва.
Гирихана чоалтайсар ший пхьарсаш.
Полковник из зувш хьежар тхьовра мо. «Куц долаш къонах
Ва, — белгалдоахар цо ший дагахьа. — Сабаре ва. Кхерамах
вӀалла хӀама а дац юхьа т1а. Низ болаш волга ховргдолаш ба
Накха, баламаш, кулгаш. Юхь яьннай. Безаме, хьаькъале хьеж
Ӏаьржа бӀаргаш. Хала хургда укхунца дувца, хетаргахьа. Гой,
шек дӀавий. Инарала мо деций латтар а».
— Ӏохеца кулгаш, — гӀожа йистхилар полковник.
Корага вагӀар хьахьежар царгахьа. ТӀаккха юхадӀавнйрзар.
Кора тӀа латтача ингале гӀаьленаштувсарга чу йоайир цо ше эза
яьннача гӀаьлен юхк.
Гирихана кулгаш Ӏодахийтар. Тамаш а яр из-м геттара сабаре
вар из хӀанз. Шийх дог дилладар цо. Цудухьа хила а мегар: вӀал-
Ла а кхерам бацар цун дег чу.
— Дезал бий хьа? — хаьттар полковника.
— Ба.
— Бераш дий?
— Да.
— ХӀаьта хьо ваха веза.
Гирихана хӀама аланзар.
— Хьайга яхар 1а дой, оаха дӀахецаргва хьо, — аьлар полковника.
— Хьаала, фуд из? — Гирихана юха а чоалтайсар пхьарсаш.
«Хьажал, шийна нийссача сагаца санна, хьакхашта дой къамаьл
», — эгӀазвахар полковник. Кулгаш истола т1а дадар цун.
Цунна хьалххашка, ручка т1а а уллаш, цхьа каьхаташ ухкар.
Аьшка шаькъалоатторг а латтар царна юххе.
— Коммунист вий хьо?
Дата добавления: 2015-11-30; просмотров: 22 | Нарушение авторских прав