Шахбулат. ЦаӀ вожавир цо, гебагӀах юстар а иккха, хаьн т1а
шалта Ӏетта. ШоллагӀчун кулг дӀадахийтар голага гӀолла. Шахбулат
ма хулла Салмана юхе гӀертар. Из гора а этта латаш вар.
Аьрда кулгаца топа бухь беттар цо, шийна хьатӀаудача салташта,,
хӀаьта аьтта кулгаца шера шалта Ӏеттар. ФуннагӀа дича а царна
ка лацар Салмана. Лаьтта ӀочувегӀача санна, цхьан метте гора
латтар из. Бирса доагар цун Ӏаьржа бӀаргаш, унзара яр яьнна
юхь. Сов къиза а дорха а хьежар из царна бӀара. Шахбулатага
бӀарг кхоабар Салмана, ма даггара, садаккха а мукъа воацаш,
дов деш ше воаллаше а. Хала хетар, ше цунна дӀатӀакхача йиш
йоацаш. «ХӀанз вувргва, вувргва», — йоахар цо дагахьа. Ше-м:
Геттара вицвеннавар Салмана.
— Шахбулат, гаьна ма вувла! — мухь техар Салмана.
Вокханна нз дӀахазанзар. Кхаьта гобаь юкъевеллар из моас-
тагӀаша. Цхьанне тӀехьашкара бӀастамгахьа топ теха бӀогора-
вайтар Шахбулат. ЦӀаькха техача хӀамо геттара вожавир из.
Цул тӀехьагӀа деникинцаш берригаш а, — хӀанз а цхьа иттех саг
вар уж. — Салмана тӀабийрзар. ЖӀалеша берза санна, го би:>
цар цунна. ХӀаьта а ка лацар Салмана. Топ а шалта а — мет-
тахьа тохар цо дӀатеххар. Хи беха бера дӀаяхар цун топ. Букъах
шозза гебагӀа Ӏеттача а, ца вожаш, латаш вар Салман.
— Сабар! — цӀогӀа техар деникинцех цхьанне. -— Юхадовла!
Салтий юхабайлар. Шийна духхьал тепча бе а йоаллаш,
пхи-ялх г1а гаьна латта эпсар бӀаргавайра Салмана. «Ховрг-
дар-кх кӀеззига хьо хьаюхевоагӀаре», — аьнна хийтар цунна.
Кхы а чӀоагӀагӀа бе тоӀайир цо ший шалта. «Тепча яьлча даьн-
над...». Цу уйлано цӀаьхха цхьа хӀама дагадохийтар Салмана
Шортта кулг айдир цо. ЮхатӀехьашкадахийтар. Эпсаро тепча
тӀахьожайир цунна. Цо лак озарца цхьана шийгара шалта лос-
тайир Салмана. Из эпсара лерг а доаккхаш дӀаяхар. ХӀаьта
Салман вежар: наькха т1а кхийтар цунна тепча. Салтий т1а-
хьийдар Салмана, гебагӀашца цун дегӀ ата дагахьа.
— Сабар! — юха а цӀогӀа техар эпсара. Ший лерг дӀадаьк-
кхача кулг тӀадехкар цо. — Дита из аькха сога. Х1а, хьалъайвел
Из.
Салташа сихбенна хьалъурахоавир Салман. Из хӀанз а валан-
за вар. Нийсса цун юхьа т1а хьежар Ӏуйранара малх. БӀаргаш
хьадийллар Салмана. «Ма сийрда ба тахан малх», — аьнна хийтар
Цунна.
Ши салте латтар из 1о ца вожийташ, дехьара а сехьара а цун
баламаш хьалаьца. ДӀаюхе ваха, цӀаькха а цун наькха т1а тепча
техар эпсара. Салмана дегӀ мӀаьдделар. Салташа дӀахийцар
Из.
— Хьалаца из! — царна тӀачайхар эпсар.
Салташа юха а хьалнийс а ваь, гора а хоаваь, оагавнр из.
Салмана тхьовра мо хьадийллар бӀаргаш. Эпсара туг тоха велар
из, цхьабакъда, низ кхачанзар. «Шахбулат вийнав», — тӀеххьара
Дата добавления: 2015-11-30; просмотров: 37 | Нарушение авторских прав