Притча о богатых от болгарских книг

Человек нЂкій хожааше на полЂ чистЂ, не бЂ на полЂ том ни дебри ⁶ ни леса; узрЂ грядуща к собЂ лва с верблюдом і абіє печален быв, нача тужити, не имЂя гдЂ сокрытися звЂреи тых; и поскочи по полю и найде кладязь глубок, яко и дна кладязю нЂ видЂти, и ста над ним. ЗвЂрем же паче приближающимся к нему, он пустися в кладяз тои. И бЂста дваи древа растуща от боку кладязя того: єдино сребрено имЂяше листвїє, а другоє златои. ЛетЂи же паде на сребренЂ дре†и ухватись за вЂтвїи, сЂде ту. ВъзрЂвь же горЂ, видЂ лва с верблюдом стояща. И тамо сЂдящю єму, грълица прилетааше, смоковь носящи, а иногда рожькы и ягоды винныа. Онь же прїимь ядаше. И плакаше о немь грълица та. И пакы врань прилЂтааше, угль горящь нося, помЂтааше нань, а иногда ящерци и жабы. Он же видЂвь почюдися. И съзрЂвь долу видЂвь двиЂ мыши грызущи корень древу тому: єдина чръна, а другая бЂлая. И видЂв долЂ близь злато древо растуще, а в ысподе под древомь змии страшень и огнем дышюще на аспиды и єхыдны злыи. Онь же видяше то, яко живота єму нЂсть уже нї исхода ис кладязя того, небреже того всего ни убояся несмысленыи и начала торзати ⁷ сребреное листвїє и класти в надра ⁸ своа, и тужааше, скорбя да бых паль на златоє древо.

¹ безперервно ² майже ³ змія ⁴ поглинути ⁵ забувши ⁶ яру ⁷ рвати ⁸ пазуху

И нача мыслити в сердци своємь, и пустись нань, и летЂ в дно, в злыя оно скоропїа, и оглушї и змии свистанїем своимь. Того ради безумныи злЂ погыбе.

[Тлумачення притчі: поле — світ; верблюд — старість; лев — смерть; колодязь — бажання багатства; миші — день і ніч; горлиця — ангел, що приносить добрі помисли; ворон — диявол; змій, скорпіони і єхидна — вічна мука скупим і немилосердним, неситим людям].

[Притча про трьох друзів ^А ]

...Подобни сут възлюбшеи сего мира красоту и сладости єго насыщшеся, паче будущих благъ мимотекущаа и немощнаа изволиша, человЂку три друга имящу, в них же бо двою с любовію чтяше и вЂло любовію даже и до съмерти ея ради подвизаяся и ея же рады бЂды тръпя глаголаше, на третіем же много небреженіе имяше, ни чьсти сподоби его ни любве, якоже достоаше, мало нЂкое или ничтоже рещи нань творяше друга богу. В єдинь от дніи пріидоша к нему старЂйшіи нЂціи и грозници воини, тъщащеся скоростію великою сего вести к царю, слово да дасть имже єсть длъжен тмою таланть. Уныну же єму бывшу искааше помощника, да заступит єго к страшному цареву отвЂту. Тек же убо к пръвому всЂх искрънему другу глагола: съвЂдаеши ли, о друже, яко выну ¹ полагах душу тебе ради. НынЂже трЂбую помощи днесь одръжащаа мя ради бЂды и нужа. Како убо исповЂх, заступити ли мя и каа ми будет надежда, о друже възлюбленне? ОтвЂщав убо он глагола: нЂсмь тебе друг, человЂче, ни съвЂдаю, кто ты еси, ины бо имам три другы с ними веселитися и другіа на (?) и прочеє сътворити. Се дам ти сукляници двЂ, да имаши я на пути; не будет никоея же плъзы инояже ни какоа же почаи от мене надежда. Сіа услышавъ он и недоумЂя ся о отвЂтЂ сем и еяжє помощи надЂаше ся от него. И тече к другому и глагола к нему: помниш или, о друже, колико пріят от мене чести добрых и учиненій. Днесь в печаль въпадыи и в напасть великую трЂбую поспЂшителя. Како убо, можеш ли с мною потрудити ся о сих разумЂю? Другь же отвЂща: не праздную днесь с тобою потрудитися, в печали бо і азь и в напасти въпад в скръби есмь. Обаче мало с тобою поиду, аще и на плъзу ти не буду и скоро обращуся от тебе своими пекіися. Тъщамаже рукама възвратився оттуду человЂк тъ о всЂх недоумЂвая, рыдая себе суетнЂи надежди неразумных своих другь и непомысльныя страды своея, ихже онЂх ради притръпЂ. Таче иде к третіему своєму другу, ємуже никогдаже угоди ни обещника своєму веселію никогда же сътвори ни зва, и глагола к нему осрамленным лицем и долу зря: не имам усть разверсти к тебЂ; съвЂдый истинно, яко помниши мене никогдаже добро сътворшу ти, аще и дружбу приложих к тебЂ, но зане напасть ять мя лютаа, никакоже весма обрЂтох от друг моих надежда спасенію моєму; приидох к тебЂ помоляся, аще ти възможно єсть малу нЂкую помощь да подаси ми, не отрЂцай ся не помня моего неразуміа. Онь же рече тихом лицем и с радостію подоба есть друга своего искръняго, глаголя тя суща, и малое помня добродЂаніе твое с прилежаніемь днесь въздаваю ти, и азь умолю тебе ради царя,

¹ завжди

^А У Крехівському рукопису, за яким наводимо тут дві притчі, повість має такий заголовок: Изьображеніє душеполезное из утръняя ефиопьскыя страны, глаголемыя инъдійскыя страны, в святый град прЂнесено Іоанном мнихом, мужем честным и добродЂтелным, сущаго от монастыря святаго Савы. Господи благослови!

не бойся убо ни устрашай ся! Азь преже тебе дойду к царю и не прЂдам тебе в руцЂ враг твоих. Дръзаи, взлюбленне друже, и не буди в скръба и печали. Тогда умоливъсЂ ¹ он глаголаше с слъзами: увы мнЂ, како преже поплачуся о любви же на непамятивою дружбу оною и лъживою или врЂдумия своего поплачу и недоумЂваніа еже к искрънему своєму и истинному показах другу.

[Притча про царів]

...Град великій нЂкіи слышах, егоже граждане обычаи тако имЂаху от дрЂвних въспріймати чюжа нЂкоего мужа ни разумЂюща о законЂ града того ни обычаи их весма свЂдуща, и сего царя поставляху у себе, и вся власть пріемшу ему и своя воля невъзбранимо дръжа, дондеже скончася єдино лЂто, таче вънезаапу в тыя дни и сущу ему обилію безъпрестани, мнящу же ему в царст†в вЂкы пребывати, и въсташа нань и царьскую одежду сънемше с него, нага поругаша по всему граду, и на онЂм шествованіе послаша его далече в великій нЂкіи островь пустыи, в нем же ни пища имЂя, ни одежа или возвращеніа к тому. ПослЂдствующу же обычаа града того поставлен быстъ нЂкыи муж в царствіе, тое же разума много имы и промышленіа в себЂ. Да такоже не въсхыщень будет, єже вънезаапу бывшю ему обилію и иже прЂжє єго царствовавшіим изгнанном, в печали имяше душу, подвиже нЂкако убо о себЂ добрЂ исправит. УвидЂ нЂкым премудрым свЂтилником ² и дрогым ³ добрым обычаи града того и якъли любо втом же остро†быти єму. Отвръз сокровища своя, ихже и єще в области имяше и невъзбранно требованіе, и възем злато и сребро и камык честных и веліих множество, и вЂрным своим рабом послану быти. Скончавшу же ся, рече, иному лЂту, въставше граждане яко и пръваго царя нага на озЂмьствованіе послаша. Прочіи убо неразумніи цари в злЂ и в гладЂ прЂбывааху, сь же богатства оного прЂже пославыи в обиліи выну живяше и пищу неизьидому имяше, избывь убо невЂрных гражан онЂх злых, хваляше добраго совЂта друга своего.

Дата добавления: 2015-11-30