Припев: Сла́ва, Го́споди, свято́му Воскресе́нию Твоему́.

Тропарь: В сеси́льну Христо́ву Божеству́ ка́ко не диви́мся;/ от страсте́й у́бо всем ве́рным, безстра́стие и нетле́ние точа́щу,/ от ребра́ же Свята́го исто́чник безсме́ртия иска́пающу,// и Живо́т из гро́ба Присносу́щный.

Припев: Сла́ва, Го́споди, свято́му Воскресе́нию Твоему́.

Тропарь: Я́ ко благоле́пен жена́м А́нгел ны́не яви́ся,/ све́тлыя нося́ о́бразы есте́ственныя невеще́ственныя чистоты́,// зра́ком же возвеща́я свет воскресе́ния, зовы́й: воскре́се Госпо́дь.

Припев: Пресвята́я Богоро́дице, спаси́ нас.

Богоро́дичен: П ресла́вная возглаго́лашася о Тебе́ в роде́х родо́в,/ Бо́га Сло́ва во чре́ве вме́щшая,/ чиста́ же пребы́вши Богоро́дице Мари́е.// Те́мже Тя вси почита́ем, су́щее по Бо́зе заступле́ние на́ше.

Кано́н Богоро́дицы, глас 8:

Припев: Пресвята́я Богоро́дице, спаси́ нас.

Тропарь: П речи́стая Богоро́дице,/ вопло́щшееся Присносу́щное и Пребоже́ственное Сло́во,// па́че естества́ ро́ждши, пое́м Тя.

Припев: Пресвята́я Богоро́дице, спаси́ нас.

Тропарь: Г розд Тя Живоно́сен,/ всеми́рнаго иска́пающ сла́дость спасе́ния,// Де́ва, Христе́, роди́.

Кано́н святи́теля Иоа́нна, глас 8:

Припев: Святи́телю о́тче Иоа́нне, моли́ Бо́га о нас.

Тропа́рь: С острада́нием ума́ просвеща́емь/ и любо́вию Христо́вою, о́тче, озаря́емь,/ ми́лостыней блиста́я сия́ньми,/ Еди́наго ми́лостиваго Бо́га прия́телище честне́йшее, Иоа́нне, был еси́:// тем тя ублажа́ем.

Припев: Святи́телю о́тче Иоа́нне, моли́ Бо́га о нас.

Тропарь: В о век при́сно пребыва́ющая смотря́я,/ му́дрым смы́слом, о́тче свяще́ннейше, измени́л еси́ тле́нная све́тло нетле́нными/ и ны́не на Небесе́х жи́тельствуеши, вопия́ со Безпло́тными ли́ки:// Го́споду воспои́м, сла́вно бо просла́вися.

Припев: Святи́телю о́тче Иоа́нне, моли́ Бо́га о нас.

Тропарь: М и́лости Да́тель, одари́в ми́лостивное, преподо́бне, твое́ помышле́ние,/ поми́лова мно́гия Боже́ственным твои́м хода́тайством,/ был еси́ во утеше́ние душ, ни́щих же промышле́ние,// Иоа́нне всему́дре, Богоблаже́нне свяще́ннейший.

Припев: Пресвята́я Богоро́дице, спаси́ нас.

Богородичен: Б лагослове́нная, Чи́стая и Всепе́тая,/ еди́на ро́ждшая воплоще́ннаго Бо́га,/ приснотеку́щий исто́чник, нам, наде́ющимся на Тя, исцеле́ния излива́юща ве́рным:// моли́, Его́же родила́ еси́, дарова́ти ми́ру ве́лию ми́лость.

Кано́н преподо́бного Ни́ла, глас 8:

Припев: Преподо́бне о́тче Ни́ле, моли́ Бо́га о нас.

Тропарь: Н апое́ньми твои́ми, блаже́нне, та́инственными,/ напая́я бога́тно прозя́бший мой по́мысл,// я́ко клас, пе́ния тебе́ принести́ твои́ми моли́твами сподо́би.

Припев: Преподо́бне о́тче Ни́ле, моли́ Бо́га о нас.

Тропарь: Г лаго́л тече́ния твои́х,/ я́ко из Еде́ма, всебога́те Ни́ле, происходя́щая я́вственно,// лице́ все приснотеку́щее церко́вное напая́ют.

Дата добавления: 2015-08-18