П О М ! ! !

ШОНДiБАНŌЙ ОЛŌМŌЙ.

Кык юкöна теш.

Ворсỏны:

Вдей - пенсионер, ар 70.

Марпа – сылỏн гỏыр, ар 70.

Анна - соседка, ар 65.

Нія кад. Действие мунỏ неыджыд сиктын. Сцена торйỏдỏма кык пельỏ. Шỏр костас - Чирк гозъялỏн керка пытщкỏс. пызан, крỏвать либỏ паськыд лабич. Тумба,телевизор вылын красуйтчỏ рамка фотографияỏн, кỏн дзебỏма дедлỏн заначка. Шуйга бокас – улича лабич, юкмỏс. Сцена водзас – улича туй. Петỏ ведущỏй.

Ведущỏй. Чолỏм, дона видзỏдана, коми войтыр! Талун ми петкỏдлам тіянлы серамбана теш.

Действие мунỏ неыджыд сиктын. Том йỏз, код вермисны, пышйисны овны карỏ, корсьны бур олỏм, колисны сỏмын пỏрысь пỏчьяс да пỏльяс. Водз асыв. Пыралам Чирк гозья дорỏ, кыдз нин олỏны-вылỏны?

МАРПА: Кытчö пасьтасян?

ОВДЕЙ: Сюзь Иван карö лэтчö, вай комын се шайт, мед пила ньöбас.

МАРПА: Кутшōм вила? Кык вила сарайын сімö!

ОВДЕЙ: Абу вила, а пила, ножовка рочỏн кỏ, дзикỏдз нин пельтỏмỏмыд …Ачыд тшỏктан потшỏстỏ веськỏдны, а мыйỏн: кỏртув бырис, пилаыс чегис.

МАРПА: А тулыснас повяссỏ мыйỏн пилитін?

ОВДЕЙ: Анналысь корі. Яндзим нин, отка бабалысь кора! Но вай кōть кык се шайт?

ОВДЕЙ: Сюрис жỏ меным скуп готыр.

МАРПА: Ог! Эн кор, тэныд сюрас ко ичōтика, водзō ышман.

ŌВДЕЙ. Кор ме ышмылi?

МАРПА. Колян вежоннас Петыр другыдкōд юбилей пасйōмыдōсь каньлысь ли понлысь ли.. Ся вежон висин.

ŌВДЕЙ. Кор нин сiйō вōлi? Но вай се ветымын шайт!

МАРПА. Ог! Меным сьōмыс аслым колō, сельсоветō муна, пес колō гижōдны.

ОВДЕЙ: Пескыс сарай тыр, колянвосяыс на сисьмỏ.

МАРПА: Век колō запасỏн овны.

ОВДЕЙ: Запас! Ōтчыд корла пач ломтыштны, мушкуỏй висьỏ да - шонтыштны. А тэ - экономитны колỏ! Пескыд жаль, а мужыкыд абу жаль?!

МАРПА: Ōні кỏ кута ломтны. Тỏв кежлỏ оз коль!

ОВДЕЙ: Но и, куркуль тэ! Он ỏмỏй аддзы, кыдзи менỏ редикульыc кусыньтỏ? Ерỏмакань! Пестỏ кỏ жаль, кỏть кутшỏм rō зыралан тор ньỏба, мавтышты висян інсō.

МАРПА: Тỏда ме тенсьыд мавтỏмтỏ! Вина юỏмсьыд да куритчỏмсьыд, кадысь водз пỏрысьмин.

ОВДЕЙ: Ок! Том краляыс воōма! Кỏсъян кỏ тỏдны, менам другъясỏй важōн нин мōдарюгыдас, а ме тэ дорын. Но вай?

МАРПА: Ог! Шуи ог, сідзкỏ ог! Аннаыдлысь кор. Кỏн нỏ паспортыс?

ОВДЕЙ: Мыйла тэныд менам папиросыс ковмỏма?

МАРПА: Абу папирос, а паспорт! Кытчỏ бара пукті а? Сỏмын на киын куті.

ОВДЕЙ: Ог тỏд кодысь дзебан? Кодлы колỏ тэнад паспортыд.(Аддзỏ паспортсỏ)

МАРПА: Кытчỏ нỏ зурги?

ОВДЕЙ: Сетан кō се шайт - сета.

МАРПА: Мышкуад ỏдйỏджык сета, он кỏ сет!

ОВДЕЙ: Баш на баш!

МАРПА: Ог ōд мын тэысь, сета сōмын 50 шайт. Абу, се шайт сōмын.

ОВДЕЙ: Сюрис жỏ меным скуп гōтыр. Сдачасō сета.(Мунō рамка дорō, кōн дзебōма сылōн заначка. Кыскō гусьōн сьōмсō.)Кōн нō менам кōмкотōй?

МАРПА: Эн корсь…Ме дзеби, мед он пышйы.

ОВДЕЙ: Мый нỏ ме арестант лои пỏрысьỏ нэмỏ?! Сідз кỏ ỏшынь вылас решōткаяс сувтỏд!

МАРПА: Коло эськō пуктыны да. Зятькỏд колỏ сёрнитчыны.

ОВДЕЙ: Джагỏдны кōсъян ловяỏн?

МАРПА: Ме? Ог кōсйы. А гусясьысь вель уна шлявъялỏны. Карад кỏ лэтчан, гортỏ он лысьт кольны!… Кытчỏ пасьтасян? Некытчỏ он мун! Видзỏд со телевизорсỏ.

ОВДЕЙ: (косйō ключитны телевизор, а биыс абу) Вот и видзỏд, бисỏ бара кусỏдỏмаỏсь… Марпа, кывзы, ньỏб ōти чипан. Зэв окота чипан яй васỏ ырснитыштны.

МАРПА: Ог ньỏб, тшыкас, битỏгыс, холодильникыс оз уджав!… Но, ме ōдйỏ, ỏтаро-мỏдарỏ!

ОВДЕЙ: Тōда ме тэнсьыд ōтарō - мōдарō тō, мунан да вошан!(Марпа мунō. Игналō кильчōсō. Ōвдей видзōдō ошиньō) Ме сiдзкō тяипōн муна. (

Тiркйōдō ōдзōссō) Со ōд игналōма ōдзōссō! (Горзō ōшиньō) Но ко, восьты! Ах, сiдз! Ена и скōрмōдiс! Лек вылō юся! (видзōдō ōшиньō) Мед коть ōти ловъя морт мунас…луншōр кад нин, некод абу. (Адзō Анна - суседкаōс) Со Анна керка дорас чышкысьō, сiйōс кōть чукōстла. Анна, Анна! Сэтшōм жō пельтōм рака! Анна! Шыбитны ли мыйōнкō? (босьтō кōмкот да шыбитō Аннаō)

АННА: Бласто кристос! Повзьōдiн, сьōлōмōй ōдва эз пот! Мый нō колō?

ОВДЕЙ: Анна, матысчыв!

АННА: Некор мем, некор…

ОВДЕЙ: Мый нō, некор…буссō лэптан? Сiдз нин нинōмōн лолавнысō…

АННА: А тэ ошиньтō пōдлав дай, оз кō кажитчы, со мынтōм ёгсо шыблалōмаōсь, урōсмōмаōсь йōзыс.

ОВДЕЙ: Эн колōкō скōрмōд менō, вот коран отсавны, кильчō помтō дзоньтавны…со тэныд (петкōдлō кукиш)!

АННА: Но, мый бара меысь колō?..

ОВДЕЙ: Вай лавкаōдз тювкнитлы.

Анна. Мый нō ачыд он ветлы?

Ōвдей. Марпа игналыс мено…пукала быттьō тюрмаын.

АННА: Издевайтчō тай тэ вылын.

ОВДЕЙ: Ciдз, сiдз! Пōрысьō нэмō дзикōдз йōймис… На, босьт сумкасō сьōмнас! (шыбитō ōшиньōдыс)

АННА: Мый шуан колō ньōбны?

ОВДЕЙ.. Суля доз.

АННА: ОГ! Ог! Дозла бара ме ог мун! Марпаыд ульōн сеяс менō!

ОВДЕЙ: Ог ōд юōм вылō кор. Коскō лыйō, мавтыштны колō, врачъяс тшōктiсны.

АННА: Ветла гортō да вежся.

ОВДЕЙ: Оз ков, сiдз мича. Тэ тай он и пōрысьмы…Ōдйō ветлы. Ōти кокыд тан – мōд кокыд сэн!

АННА: Зэв ōдйō утёвтла. А кутшōмōс ньōбны? Гōрдōс, али эджыдōс?

ОВДЕЙ: Но и Анна…Код нō зыралō гōрд винанас? Дōрōмыд лясас!

АННА: А, но-но, гōгōрвои, сiдз кō еджыдōс…

(Анна терыба котортō лавкаō.)

Ōвдей. Том дырйи мичаник эськō вōлi да, кытчōкō тай ставыс мунiс. Радио ключита, гажкō концерт мунō. Битō частō кусōдōны – кōть радиоыд гажōдыштас…(радио пыр кылō дикторлōн гōлōс)

ДИКТОР: Сернито Сыктывкар, сетам концерт…Сьылō Михаил Оверин.

ОВДЕЙ: Ок-ко-кок! Кытчō бара том кадыс пышйо? Думыштлыны эг куж, мый татчōдз воа, паччōр вылын ассьым лыясōс кута небзьōдны… Ме том дырйи ок и вильыш вōлi, уна жō нывьясōс пывсян пельōс дорын топōдлывлi! Коми нывъясыд медча мичаōсь…пōсьōсь да небыдōсь, а ōнiя нывъясыд…вōсниōсь, макарон кодь…

Уна жō ныв ме бōрся котралiс, а меным сьōлōм вылō Марпа усис…Велōдчōм бōрын сiйōс мōдōдiсны миянō зоотекникōн. Ок и тшап волi. Миян зонъяс шаг оз сетны сы дiнō вōчны, уналысь и ныр вом рази, а некодлы сiйос эг сет. Во мысти и гōтрасим...Ōтчыд удж борын эз лок гортō! Менам ставыс пузис птшкōсын…Ме пукси трактор вылō и веськыда мōдōдчи фермаō. Ōдзōссō тракторōн жульи! Мōсъясыс шайпай мунiсны, синъяссō ме вылō паськōдiсны, вежон кежлō йōлыс бырлiс.

Видзōда, менам Марпуш пукалō мōс дорын да бōрдō, кукыс вōлōм кō висьмōма… Ставсō кō гаравны-дыр ковмас висьтавны… Ōнi слава бог пенсия вылын. Миянлы уна оз ков, челядь овмōдчисны карын, Ванюк со армияысь регыд локтас.! Марпушыд менам прамōй…прамōй, прамōй, а менō игналiс…Эг кōсйы юны, а онi лёк вылō юа! И нинōм ме вылын тешитчыны. (дасьтō пызансō)

(воō Анна. Овдей петō кухняō. Анна чукōстō Ōвдейōс …недыр кад мысти петō Ōвдей)

Ōвдей. Код нō горзō? (Аддзō Аннаōс) Но, тэ тай танi нин, тэрыб кокыд…

АННА: Абу ōд пōрысь на. А кыдз ме тэныд сумкасō мытча?

ОВДЕЙ: Со, тай, бедь куйлō…крукōд да мытчы…

АННА: Ой, оз артмы тадзтō, усяс да суляыс жугалас.

ОВДЕЙ: Сōдз кō, со, сарай бокас сулалō пос, верман кō, вай. Эн кōть вōрзьы. (Анна кыскō пос)

АННА: Эн шогсьы, кымын во верōстōг ола, став сьōкыд удджсō ачым вōча, сiйō Марпа нэмсō красуйтчō тэ дорын, вельмōма.

ОВДЕЙ: Сiдз-сiдз… Но, вай Нин, кай ōдйōджык.

АННА: Ой. господи…кодкō кō адзас – Ōшинь Аннаōн нерасны.

ОВДЕЙ: Некод оз аддзы…Ōдйōджык кай…

АННА: На! водзō ог кай, казялас код кō …

ОВДЕЙ: Да некод абу, лок пырав здук кежлō, мышкуōс мавтышт, ачым ог вермы - кийōй оз судз.

АННА: Ог. Кыдзкō нин ачыд.

ОВДЕЙ: Ой! Коскō лыйiс, веськōднысō ог вермы…

АННА: Грекōвōйтан тэ менō. Кут поссō, мед ог усь, а ме тэныд сōмын зурга киад (Ōвдей мырдысьōн кыскō Аннаōс ōшиньōдыс гортас) Тэ нō мый, юрōс кōсъян менсьым янōдны, пōрысьō – немō? Пōрччы дōрōмтō, мушку тō кушōд.

ОВДЕЙ: Эн тэрмась, медводз колō пытшкōстō шонтыштны.(нуōдō Аннаōс пызан дорō) Юышт вай мекōд.

АННА: Ме бара ог ю.

ОВДЕЙ: Грек лоас, здоровье вōсна он кō ю. Крукыльчыны кōсъян?

АННА: (босьтō румка) Синь – пинь горшад! Висьнытō ōнi оз позь- льготатō бырōдiсны. Да и доныс лекартсвоыдлōн век лыбō.

(Овдей кисьтō аслыс да кōсйō чокнитчыны Анна кōд, но Анна удитō юны)

ОВДЕЙ: Но вот эг удит…(юō, кисьтō мōд румка)

АННА: Ог ся ю… Ог-ог-ог…

ОВДЕЙ: Мый нō гōрдлан дзодзōг моз,ог-ог-ог! Юам челядь вōсна, мед бура оласны! Менам со кык ныв да пи, и тэнад пи, тщōгōма карса сеян вылад.

АННА: Сьōд сир тэ! Лясалан ся он мын тэысь. (юōны, Овдей бара оз удит чокнитчыны)

ОВДЕЙ: (матыстчō Анна дорō, дзигōдō сiйōс) Вай кōть морōс дорō тэнō топōдышта…

АННА: Эн понды, йōй руыд мый петō? Казялас кодкō…

ОВДЕЙ: Кодi? Кань кō оз казяв? Да сiйō тэнад Муся дорад пышйис, кырсалō буракō…

АННА: Мусяыд менам мича, шань, кыйсьысь.

ОВДЕЙ: Да-а…тэ томдырйиыд сэтшōм жō вōлiн.

АННА: Кыйсьысь?

ОВДЕЙ: Мыйла? Муса да шань! Вай окышта…

АННА: Мун сэсь эн скōрмōд колō кō менō!

ОВДЕЙ: Вай ешō юыштам?

АННА: Тырмас! Шабаш! Кышōд нин мышку то! (Анна зыралō кияссō румкаысь вина коляснас)

ОВДЕЙ: Мый нэ сэтшōм окота пасьтōм мужык вылō видзōдлыны, гачтō пōрчыны жō?

АННА: (кияссō чышкō аслас паськōмас) Мун сэсь порысь перōч куш! Ачыд мырдōн кыскин…(чеччō) Муна! Но…Тайō нō мый? Кокясōй тай кутiсны бертласьны, гажми бура кō.

ОВДЕЙ: Мун, колōкō, ог кут, сōмын ōдзōсыс игана, ковмас ōшыньōдыс.

(Анна матыстчō ōшинь дорō, видзōдō)

АННА: Ог, уся…сесся лысō он чукōрт, а ме овны на кōсъя. Мыйла бара кавшаси, сибдi сэсся татчō. А гажкō гōбōч ōшиньōд кō видлыны?

ОВДЕЙ: Ок…Оз артмы, сибдан да бульдозерōн ковмас кыскыны. На мавтышт, ёна кō окота.

АННА: Мем окота? Мед Марпаыд малалас! Лэдз меся менō…горзыны кута!

ОВДЕЙ: Мый нō кутан горзыны – «насилуют»!

АННА: Мый шпыньялан? Ōдзōссō жугōд!

ОВДЕЙ: Час, энлы! Ме тэно гезйōн костō кōртала, кыдзи циркад вōчōны, страковка шусьō…да лэччан ōшыньōдыс…

(Ōвдей кōрталō Аннаōс гезйōн. Анна лэччō ōшыньōдыс. Аддзō Марпаōс,да ōдйō бōр кайō)

АННА: Лешак! Марпаыд локтō! Дзеб кытчōкō, тэ жō шуин, мый карō лэтчис?

ОВДЕЙ: Автобус вылас буракō эз удит. Ме ōдзōссō игнала, а тэ дзебсьы лабич улас.

АННА: Йōй али просуж тэ, изōймита ме сэнi.

ОВДЕЙ: Ōти здук кежлō. Ме сiйос ылōдлōмōн кухняō мōдōда, а тэ сы костi ōдйō пет!

Овдей вайō мича плед, тупкō лабичсō, водō. Марпа воō, пырō гортас.

МАРПА. Мый нō, луншōр кад, а тэ узян?

ОВДЕЙ: Здук кежлō пуктi юрōс небыд шебрас вылас да и онмовси!

МАРПА: Тэнō мый дона пледсō, Катюклысь козинсō лабич вылас вольсалiн?!

ОВДЕЙ: Ог ōд куш лабич вылō вод, а та вылō, кыдз юрōс пуктi, сэтшōм чōскыд вōт вōтаси.

МАРПА: Тōда ме тэнсьыд вōттō. Мун ну пледсō места вылас.

ОВДЕЙ: Куйлышта на неуна, красуйчышта. Небыд да шоныд…

МАРПА: Ме час тэныд красуйчышта! (Овдей кōсйō четчыны, да оз вермы, бōр пуксьō), Тэ юин али мый?

ОВДЕЙ: Кысь, колькъя томан сайō пōдлалiн да…

МАРПА: Но ко лолышт? (Овдей воздухсō босьтō ас вылас)

ОВДЕЙ: Ой! Мый кō морōсōс топōдiс! Энлы, эн матысчы, час лōньыштас да.

МАРПА: Час волокардин вая! (мунō лекарствола)

ОВДЕЙ: Оз нин ков. Лэдзыштiс…Чипан тō ньōбин?

МАРПА: Кутшōм чипан? Нянь сōмын и ньōби…Час ачым идрала пледсō.

ОВДЕЙ: Няньыс тыр нин, быдлаын кос нянь, коть сур вōч ли - мый ли…

(лабич улысь кыло шаркōдчōм)

МАРПА: Код нō шаркōдчō?

ОВДЕЙ: Крыса буракō, код нō ещō!

МАРПА: Ай! (чечыштō пызан вылō) Кор каньсō! Васька? Кыс-кыс!

ОВДЕЙ: Абу гортын, кырсалō буракō.

МАРПА: Видзōдлы, пышйис эз шырыс?

ОВДЕЙ: Пышйыс, лэтчы, йōз серам, сэтшōма шырысь полан…

МАРПА: (кōсйō лэччыны пызан вылысь) Но, Овдей отсышт. Ог ся верд Васькасō, а то дышмōма, кыйсьōм дорысь, каньяс бōрся кысъясьō. сōмын

ŌВДЕЙ: Васькаыд, буракō, Анна кань кōд мусукасьō.

МАРПА. Ёна жō прōтивнōй сылōн каньыс, петас кильчō вылас да лек горшōн равзō- корō! Дзик Анна кодьыс, гуляшōй!

ОВДЕЙ: Мыйла гуляшōй, лючки нывбаба.

МАРПА: Мый дорйян? Аслад бугыльыд сы вылō паськалōма, чайтан ог аддзы, ōтнадтō кольлы?.

ОВДЕЙ: Мый нинōм абусō сōран. Соседка, вдōва, код ся отсалас ме кындзи?

МАРПА: Мый дорьян? Да кор на верōсыс ловъя вōлi, шашниасис тэкōд, весиг керкасō орччōн стрōитiс, быттьō ме синтōм, нинōм ог аддзы?!

ОВДЕЙ: Нинōм абусьыс зык лэптiн.

МАРПА: Нинōм абу?! А том каднас – клубад сыкōд йōктiн, ся гортас кольōдiн, а ме вылō нуль внимания!

ОВДЕЙ: Но! Мый гарыштiн? Ме ōд сэки гōтыртōм на вōлi! Мый важсō казьтылан? Миян костын нинōм эз вōв, сэсся ме тэнō бōрйи, йōйук. Ме тэнō радейта, некод вылō ог веж! (лабич улысь Анна кучкō кокас Ōвдейлы) Дзикōдз вунōдi. Марпуш, Марья тьōтыд чергысьōма, корис мед тэ пырысьтōм пыр локтiн сi дiнō!

МАРПА: (шōйōвошō) Но! А кыдз нō вермис чукōстны, чергисьōма кō?

ОВДЕЙ: Аннаыд волiс да висьталiс, котōрт ōдйōджык, гашкō суан на ловьянас.

МАРПА: Коньōрōй, некор эз няргыв, мый висьō. Бур кōть вежсьынысō эг удит.

ОВДЕЙ: А мем мый вōчны?

МАРПА: А тэ мыкō керан кō мыйкō кер, а он кō мыйкōкер эн мыйкōкер…

ОВДЕЙ: Мый мыйкōкера кō ог мыйкōкер?

МАРПА: Мый йōй улō сетчин, пуōм картупельсō весав, нōкъяв, ся борын сеям, ме ог дыр ветлы.

ОВДЕЙ: Со кōн тэнад картупельыд! (Марпа петō, но недыр мысти бōр косō, Анна петэ, но кылō мый Марпа бōр косō, шōйō вошō, оз тōд кытчō дзебсьыны) Анна лок бōр пыр, ко мне, Анна! Марпуш, мый нō бōр косiн?

МАРПА: Сумкасō вунōдi. гашкō ковмас сьōмнас отсавны, ньōбны мый сюрō..

(Анна несйō)

ОВДЕЙ: Будь здоров, Марпуша!

МАРПА: Ме эг несйы да. (Марпа кōсйō кватитны пледсō, Овдей оз сет) Тайō нō мый? Зэв тай ыджыд крыса кыйкялō!

ОВДЕЙ: Чōв ов, ставсō гōгōрвоōда, сомын эн пузьы. Медводз ю валакардинтō.

МАРПА: Оз ков! Мый танi Аннаыс вōчō?

АННА: Шойча, куйла, сōмын джоджыс кōдзыд да кынми, со и несйōдiс.

МАРПА: Ставсō гōгōрвои! Пока ме ветлōдла, тiян танi любовь-морковь?! Ак тэ кырсалан пон!

ОВДЕЙ: Эн китō лэпты, пырис по суседству совла!

МАРПА: Совла? Иган саяс! Ещō ылōдчō! Веськыда висьтав. Мы танi вōчинныд?

АННА: Нинōм эг, Овдей корис коссō мавтыштны, водкаōн зырыштны…

(Овдей Марпа водзын петкōдлō мушкусō)

МАРПА: Мися гач ōшиньыс восьса, ак трасичаяс!

ОВДЕЙ: Кизьыс вежōн нин кыдзи орōма. Аннаōс чукостi, мед коскōс бурдōдас. Ой! Бара лыйлыны кутiс.

МАРПА: Час одйō бурдōда, здукōн костō веськōда! Уф, вина дукыс кольмōдiс! (видзōдō пызан улō, да аддзō сулея джын) Ёна тай мавчōмыдōсь, суляыд джынъялōма нин.

АННА: Кык румкаōн шонтысим-юим. А менō мырдысьōн юкталiс.

(Марпа аддзō Анна вылысь гез)

МАРПА: Мый нō гезалiс китō, да вомад кисьтiс. Мем тай некод оз вōзйы а.

АННА: Вот и вōч йозлы бурсō…Ме мыжа лои, Ōвдей корис отсōг вылō, кула пō, а ся, кор кылiс воōмтō, зургис лабич улас, изōймитi тiравтōдз, вот висьма кō, бурдōданныд за ваш счет!

МАРПА: Мый? Ме? Тэнō? Счас бурдōда! Ōдйō лечита, сэк вунōдан бокōвой мужикяс дорō котравны!

АННА: Пашляк вом тэ! Ёна колō тэнад пōрысь понтшакыд!

МАРПА: Пōрысь понтшак?! Кокыд мед танi эз вōв! Аслад кō абу, йōзлысь эн урōсты!

АННА: Сьōлышта ме тiян вылō эфиля башнясянь! Вот! (сьōлыштō да веськалō Ōвдейлы чужōмас.)

ОВДЕЙ: А ещō корō век отсōг! Со сулясō кольōма, час петкōда да зурга киас, мед весасяс.Ук, ёна скōрмōдiс! Понтшак? Ас вылас мед видзōдлас! (Ōвдей Марпалысь кватитō сулясō да петō, дзебō кильчō улас, пырō бōр гортас. Сы костi Марпа чукōртō Ōвдейлы чемодан. Марпа матыстчō мужик дорас да зургō чемодансō)

ŌВДЕЙ. Пывсянō мōдōдан?

МАРПА: Но, окалiн муса аньтō?! Эн соссьы, абу йōй, Аннаыд иган саяс эз бы пыр, эн кō мырдысь кыскы! Небыд характера, оз куж отказсō сетны. А тэнō, он веж, синмыд омōля нин адзō, а век на бугыльыд паськалō, кор бабатō аддзō…

ОВДЕЙ: Эн бызгы нинōм абусō…

МАРПА: Ёна кō окота, мун Анна дорад, ог кут. Челядь быдмисны, регыд внукяс готрасясны. Кыдз кō ōтнам ола, енмыс отсалас.

ОВДЕЙ: Эн бōрд! Збыль кори мышкуōс зыралыштны.

(пуксьō Марпа дорō)

МАРПА: Эн соссьы!

ОВДЕЙ: Да оз ков мем Аннаыд. Эн кō игнав менō, ставыс бы лючки вōлi. Скōрмодiн ёна! Вот и чукōстi, сулясō весиг сылы ковмис сетны. Прōстит пōрысь выжывōс. Пуксям да телевизортō видзōдыштам.

(косйō чеччыны, Марпа пуксьōдō бōр)

МАРПА: Биыс абу…

ОВДЕЙ: А миянлы биыд оз и ков. Сiдзкō мунам шойчыштам крōвать вылас.

МАРПА: Некор, Марья тьōт дорас колō котōртлыны.

ОВДЕЙ: Оз ков…бурдōма нин.

МАРПА: (чуймō) Ак тэ, егулягач, ылōдiн менō! Но сюрлан ме киō!

(Овдей пышйō мōд жырйо, Марпа сы бōрся)

МŌД СЕРПАС

(Ывла вылын. Пемдō. Овдей босьтō ведра да лōня петō гортсьыс, кильчō увсьыс босьтō суля, дзебō ведраас, мунō юкмōс дорō. Кисьтō винасō румкаō, сы костi гортсьыс петō Анна, матысчō Ōвдей дорō)

АННА: Мый нō, оз узьсьы?

Овдей: Тьфу ты! Повзьōдiн, ōдва винаыс мōд розьō эз пыр, виньдi со. На юышт мекōд!

АННА: Ог кōсйы.

ОВДЕЙ: Мый нō, скōрмин ме вылō? Мыйся вōчан, сiдз кō артмис. Збыль эг чайт, мый ōдйō воас. Кынмин ёна?

АННА: Век на несйōдлō.

ОВДЕЙ: Сiдз кō юышт неуна, бурджык лоō, мед висьōмыс оз топōд. Эн пов, гōырōй шкоргō узьō. Биыд абу да мат, сериалтō оз вермы видзōдны, ёна же дōзмыла сэки, лунтыр вермас пукавны, лясас чужōмсō экран дорас, ōти кино помассяс, мōд заводитчō, а ме тшыг кōин моз низгышта, ся вода узьны. Тэ кōть лек кывйōн менō видiн, а ме ог скōрав, ачым мыжа, прōстит, ю вай, эн ыждав!

АННА: Ōтка баба вылад позьō тешитчынытō.

ОВДЕЙ: Ог ōд лёк вылō. Марпа век тэнō жалитō.

АННА: Кылi, кыдз жалитō.

ОВДЕЙ: Сiйō баб сёрни, сылысь кывяссō эн матō примит. Миритчам (мытчō румка Анналы) Талун кōть спокой дорогой, водз водiс, некодлы кыйōдчыны (кисьтō штоп) На ванас сорлав, мед голятō оз сот. Ваыд миян чōскыд, абу карса кодьыд. Коркō ныв дорō гōститны ветлi, неуна зятькōд пукыштiм, а мōд лунас сэтшōм окота волi кōдзыд васō юыштны, кран восьтi, а сэтiсь клорка дукыс нырō швачкоптiс! Дзонь час ся несъи…

АННА: Хлоркаыд ладнō, а сiмыс мыйтōм, ваыс виж, стирайтi ассьым дōрōмōс, вижōдiс, мыйōн эг видз и пуōдi, и хлоркаад видзи, аснад стирайтi. Со видзōд, эз и ежды.

ОВДЕЙ: (видзōдō Анналысь улым дōрōмсō) Кыдзи аснад? Ас вылад али мый кисьталiн, али нō кōлуйнад водлiн тазъяд? Но-ко пемыд да оз тыдав.

АННА: Миян тай пи гозъя юнысō ньōбōны васō.

ОВДЕЙ: Вот и олōм - ва ньōбны колō! Срам! (Гортсьыс петō Марпа. Киас кутō биа сир)

МАРПА: Но, кодi танi? Овдей, кытчō нō ме дорысь пышйин? Ме куш крōватьсō малала…а сiйō танi мōдкōд милуйтчō! (биа сирнас аддзō Аннаōс) Но-о Анна, тэ буракō!

АННА: Пач ломтi, да кыз ōгырōн подлалi, мед не кольмыны, петi пальōдчыштны. А тан Ōвдей, вала буракō петōма.

ОВДЕЙ: Да горшōй косьмис, кодзыд вала петi а тан…

МАРПА: Гогорвоана, абу йōй! Мый нō луныс нин тiянлы оз тырмы, свиданьеасянныд. Сōмын унмовси- мōд баба ордō нин котōртōмыд.

ОВДЕЙ: Мый бара заводитан? Ми прōста сёрнитам, лок орччōн пуксьы. (Марпа пуксьō) Но мый сэсся чипаныд?

АННА: (оз гōгōрво) Кутшōм чипан? А-а…Плешукōй? Товариш, а сэсся кор сюрō и кольк вайō.

ОВДЕЙ: Товарищ вылад тэнад эм пон да кань. А кольк вылад пенсияыд оз тырмы?

АННА: Тырмō. А мый?

ОВДЕЙ: А тэ кывлiн, мый чипаныд вермас висьмыны птичей гриппōн.

АННА: Мый несйыны кутас, температуритны?

(Марпа кывзō да вугралō))

ОВДЕЙ: Лекджык-чергысяс и тэнō ас борсяыс нуас, колō тōдны, мый мирас вōчсьō. Выльторъяс видзōдны,а не сямтōм сериалъяс!

АННА: Кыдз сiйо, чипанысь кувны? Сōрōм ставыс.

ОВДЕЙ: Сōрōм? Но-ко Марпуш, висьтав(тōтшткō Марпасō)

МАРПА: Сiдзi! Со Китаяд мый вōчсьō, да и мукōд инас мый керсьō? Сōмын кинас чипансō вōрōдыштасны и всё, прōсти господи…

АННА: Мый нō сiдзкō колō вōчны? Повзьōдiн сэтшōма, войбыд ог узь.

ОВДЕЙ: Начкы, пока абу сёр, висьōмыс пока эз джагōд. Пу, да гōститōдышт неуна. Важōн нин окота чипан яй васō видлыны.

АННА: Гōтырыд оз ō мый верд?

ОВДЕЙ: Вердō. Турунōн… быттьō козелōс – капустаōн, огуречōн да помидорōн, да этiйо, кыдз нин шуōны, кодi тай йōйталiō.

АННА: Мак о мый? Колян вонас участковōйыд ставсō град вылысь неттшкис, дурмōдō пō сiйō йōзсō. Кымын во дзоридзалiс, некодлы эз мешайт…

ОВДЕЙ: Марпа! Но-ко висьтав кыдзи туруныдлōн нимыс?

МАРПА: Петрушкасō чайтан?

ОВДЕЙ: Во-во сiйōс! Кытчō он видзōдлы - гōгōр петрушка! Град йōрын, цвет горшокын!

М АРПА: Олюк вель уна мōдōдiс карысь кōйдыссō, вот и садитi, ог ōд шыбыт. Мем тай зэв туяна!

ОВДЕЙ: А ме чипан яй кōсъя! (чеччьō да мōдōдчō Анна кильчō дорō) Лок Анна, ветлам тэ ордō, чипаныслысь юрсō чипыртам – песовтам…

АННАL сувтō Ōвдей водзын, оз лэдз водзō) Ещō мый! Ме орччōн вода, а чипанōс ог сет. Йōз нянь вылō вомтō эн паськōдōй! Со тiянлы! (петкōдлō кукиш) Колō кō чипан, лавкаысь ньōбōй. Менам чипан ковмōма! (пырō гортас)

МАРПА: Но лок гортō мōдам, ыркыд лои…

ОВДЕЙ: Мōдам колōкō, донаōй…

МАРПА: Ведрасō эн вунōд, а то сōтыштасны, нинōм онi он лысьт кольны.

Марпа мōдōдчō, Ōвдей сюйō сулясō зептас, босьтō ведра ва да мōдōдчō Марпа бōрся.

ВЕДУЩŌЙ. Сиктас дзикōдз пемдiс, бисō эз сетны…Лōнис сиктса олōмыс, весиг понъяс дугдiсны увчыны. Со Ōвдейлы тай оз узьсьы, кытчō кō мунō.

(Вой шōр кад. Ōвдей гуся, киас чер, тэрыба мунō Анна дорō чипанла. Кылō шум, пон увчōм, равзōм: «Караул, гусясьōны! Отсалōй!» Кылō кось, Анналōн гōлōс: «Счас суōда, став лыястō чегъяла,(треск, шум, чорыда швачкōм,) Пышйис од, трсичаыд! Ок! Ок, волi бы томджык – суōдi бы, петкōдлi пуж».

2 ЮКОН (3 СЕРПАС)

(Марпа да Ōвдей керкаын. Марпа пōжасьō кухняын, пырō комнатаō да возиччō пызан дорын, пырō Овдей сылōн юрыс кōрталōма)

МАРПА: Но, мыйла бара чечин? Юртō эн ёна пыркōд.(видзōдō ōшинō) Со Анна керка дорас мыйкō ноксьō, ёна кōн кō скōрмис миян вылō, час чукōста…

ОВДЕЙ: Оз ков! Дульнас зэв бура менō мыськис.

МАРПА: Аннушка! Лок пырав, чōскыд пōжасōн гоститōда. (Анна лōня косō гортас.) Збыль ёна скōрмōма, весиг оз сёрнит.

ОВДЕЙ: Видзōдлы, гашкō пōжасыд тэнад сотчō…

МАРПА: Но вот, Аннаыдлы кыв оз позь шуны, пыр и логасьō. А став винаыс тэ вылын.

ОВДЕЙ: Мыйла став винасō юим? Колис на, да мыйкō оз пыр.

МАРПА: Оз и пыр тэ вōсна!

ОВДЕЙ: Ме вōсна? Висьысь мортсō, жалитōм пыдди йиран!

МАРПА: Но…куйлы, быд кыв дорō эн пасась.

ŌВДЕЙ. Ōти прамōй мужик колис миян грездын, менō колō ки вылын кыскавны, полявны ме вылысь буссō, а тi сьōд ракаяс моз, усьласянныд ме вылō, да вильōданныд.

МАРПА: Эн пузьы, радейта ме тэнō, сы вōсна и шогся, тōждыся, ой, тшын дук петō, оз ō сотчы менам пōжасыс?

(Марпа пето кухняō, пырō Анна, мичаа пасьтасьōма, киас сумка. Овдей аддзō Анналысь пырōмсō, ōдйō водō лабич вылō, чужōмсō

тупкō газетōн.)

АННА: Овдеюшко, мый нō тэкōд лои? Еждōмыд дзикōдз, парализуйтiс али мый? (Овдей юрнас ōтказ сетō) Марпаыд юрад швачкис? А! Гōгōрвои, бандитъяс уськōдчылiсны? Ме дорō тōрыт пыралiсны жō. Но ме паличōн паныдалi, менō куш киōн он босьт!

МАРПА:Мый нō,Анна, сэтшōма горзан? Кодōс бара вийисны сиктас?

АННА: Чōв, кодōс нō вийисны?

МАРПА: Ме тōда? Тэ тай равзан лёк гораа- бандитъяс пō!

АННА: Да тōрыт войнас ме дорō пыралiсны.

МАРПА: Чōв! Ловйōн тай кольōмаōсь.

АННА: Ставсō подробнōя висьтала, а тэ со, пуктi пуны.

МАРПА: Мый тайō? Чипан?

АННА: Да, начкыны ковмис, босьт да пу!

МАРПА: Менам эськō стōч ваыс пузис, ме ōд талун чипансō ньōби жō, дедōлы ковмōма чипана шыд. Номсōдлō коньōрōс.

АННА: Менсьым пу, чōскыдджык, кывтō ньылыштан!

МАРПА: Кыдзкō абу лōсьыд…

ОВДЕЙ: Пу Анналысь, лавкаса чипаныдлōн кōрыс абу.

МАРПА: Джынъявны кō а?

АННА: Ставнас пу, мый жалитны.

МАРПА: Ме тай нёль вылō торйōда.

ОВДЕЙ: Дас вылō кō а? Мем век бōжыс веськалō.

МАРПА: Тшōкōлдывайтны кō кутан, збыль сōмын бōжыс сюрас, йōз водзас янōдан.

ОВДЕЙ: Да шмонитi ме… Да и Аннаыд абу бокōвōй.

МАРПА: Олōмыс велодiс топōдчыны. Да мый сэн сулалан, пройдит, пукси, мудзин конкō? Шойчышт, а ме чипансō пукта пуны. (Марпа петō)

ОВДЕЙ: Абу жаль? Чипан тō начкин да?

АННА: Жаль кōть абу. Бурджык асьным сёям, чем дырузьысьлы сюрас.

ОВДЕЙ: Кыдзи? Тэ ме йылысь висьталан?

АННА: Гусясьысьяс войнас волiсны, сōмын синмōс лапнитi, кыла,лека пон увччō, да кодкō гыжъясьō сарай дорын. Кватитi палич, менам сiйо век сулалō кильчō ōдзōс дорын, лōня петi ывла вылас. Аддза, кодкō матысьчō чипан поз дорас…Ся кыдз швачки, мый силаыс вōлi!

ОВДЕЙ: Кутiн?

АННА: Кысь! Сконъяси да кыдз шлавгыси, ōнōдз на висьō морōсыс. Лōз абу? (Петкōдлō морōссō.)

ОВДЕЙ: Оз тыдав. Но ко матыстчылы…А пōрысь ли том?

АННА: Том дерт, пōрысьыд бы эз пышйы меысь. А тайō ōдйō чеччыштiс забор пōлōныс, и аэроплан моз тювкнитiс ветьов грездлань.

ОВДЕЙ: Ся эн и тōдмав?

(Анна пуксьō Овдейкōд орчōн)

АННА: Кысь сап пемыд да. Со кымын уджавтōм йōзыс ветлōдлōны, мыйōнкō колō овны.

ОВДЕЙ: (лапйōдлō кисō Анналысь) Сiдз, Анна, сiдз. (пырō Марпа. Аддзō Аннаōс Овдей дорын, вешйōдō кинюлōдыс) Пожасыс донъялō нин, регыд гōтов лоō. Аннушка, видзōда да асывсяньыс мырсян, делō кōнкō ōтнадлы, пиыд гōтырыскōд шоча волōны, некутшōм тэныд отсōг.

АННА: Некор налы, пиōй пыр командировкаын. Сьōмтō век жō сетыштōны, со тайо чышъянсō козьналiсны.

МАРПА: Эн сōр, тайō чышьянсō кызь во сайын ōтлаын сельпоысь ньōблiм. Тэ налы пыр отсасян, картупельтō сетан, морковтō, луктō да. А вотōстō кымын? (Анна чышьян помнас чышкō синва). А кильчōыд дзикōдз сисьмōма, пырнытō оз позь! Коктō жугōдан!

ОВДЕЙ: Марпа, ноко волы татчō…

МАРПА: Мыйла?

ОВДЕЙ: Но-ко мыдчы меным пуртсō

МАРПА: Час энлы, (кōсйō мунны пуртла, да вдруг сувтō) Ог гōгōрво, мыла тэныд пуртыд?

ОВДЕЙ: Тэнсьыд кыв тō вундыны! Видзōдлы Анна вылад.

МАРПА: (бōр матыстчō Анна дорō) Анна, эн шогсьы. Ōвдей бурдас да кильчōтō лōсьōдас. Полинōсь, ветлам аски чōдла?

ŌВДЕЙ. Ме ветла жō тiянкōд тōвариш пыдди.

МАРПА. Ланьт нин, енвалид.

ŌВДЕЙ. Ошысь кōть видза.

МАРПА: Ошкысь? Номъясысь да! Кыдз лолыштан - дуксьыс став номыс чергысясны! Лоня куйлы. Вōрад мунан, садьтō верман воштыны.

(заводитō гора серавны) А помнитан, Овдей, кор ми тэкōд вōрад ветлiм чōдла …местаыс зэв бур веськалiс, ме наберушка ōшōдi голяō, ся мōдi чукортны, друг кыдз сюис коскō, веськōдчыны ог вермы…Бур кōть Ōвдей орчōн вōлi, отсалiс. Но, мый но тайō?

(оз вермы сувтны) ой-ой…но-ко Анна отсав меным?

АННА: Кыдз нō ме отсала? (оз вермы отсавны, да ачис пешкыльчō орчōн.)

МАРПА: Но Ōвдей, отсав миянлы, лэпты.

(Овдей матыстчō бабаяс дiнō)

ŌВДЕЙ. Мый, вотōстō джоджсьыд ōктанныд? Час отсышта…(пырō бабаяс улō да мышнас кыкнанысō лэптō)

АННА: Кутшōм нин ми вотчысьяс? Пуксьы бурджык пызан саяс да чай ю.

АННА: А мый нō Ōвдейыскōд лои?

МАРПА: Войнас песла сарайō петōма, да песчипасыс юр вылас киссьōма.

ОВДЕЙ: (кывзысьо мый сёрнитōны бабаяс) Ой! Юрōс поткōдō.

МАРПА: Важōн нин корō пач ломтны, а ме пессō жалита. Ачыд тōдан, кутшōм сьōкыда миянлы пескыс сюрō. Оз вермы унмовсьыны-коскас пō сюйō, петiс песла и вот…Тодi кō, мый тадз лоō…ачым мыжа!

АННА: А ме быттьō чувствуйтi, котōрōн локтi, гōсньōч ваи, мед номсасьыштас.

ОВДЕЙ: Аннушка зэв ыджыд аттьō, тэныд чипансьыд. Марпа, сотчōм дук бара кылō (Марпа петō.Ōвдей пуксьō пызан сайō)) Бырда-отсала килчō тō дзоньтавны. Вай китō топōдлышта.

АННА: Пукав, пукав. Видз асьтō, тэ кō мунан, колян миянōс…гажтōм лоō вльнōй свет вылас.

ОВДЕЙ: (шōйōвошō) Ме…сэтчō (чуньнас петкōдлō енōж вылō) Ог на тэрмась…мем тан гажа.

АННА. А ме мунны кōсъя.

ŌВДЕЙ. Сэтчō?

АННА: Тэ нō, мый? Пи гозъя ордō муна овны.

ОВДЕЙ: Мый, дōзмин сиктса олōмсьыс?

АННА: Гусясьысяс майшōдiсны. Со луктō градсьыд нетшкōны, то морков тō, онi и чипантō кōсйисны сōтны. Ёна же ме шудтōм морт!

(бōрддзō) То кōдзыд джоджад йиравтōдз видзōны, бытьō партизанōс, то синтō чуть эг перйыys косясигас.

ОВДЕЙ: Морōсад шуин зургысин? Но-ко петкōдлi…

АННА: Но и мый, ставыс доймō. Районō ковмас лэтчыны, инвалидность корны.(бōрдзō). Войбыд талун эг узь. Он и тōдлы-керка пытшкостō ректасны, а менō вийасны.

ОВДЕЙ: Но, эн лимзав, кодлы тэнад ловыд колō? Некōд тэ дорō оз матыстчы, пока ме ловъя! А талун, войнас, ме волi. Кыдз сōмын гōтырōй кутiс шкоргыны, ме сразу тэ дорō. Бускоыд некор эз увтлы, а онi уськōдчис, пемыдас буракō эз тōдмав, а ме повзьōмла чипан позъяс пыри, а кор тэ уськōдчин-пышйыны ковмис. Ок и чорыд тэнад киыд, ōдва эн ви. Юрōй быттьō барабан, ковго.

АННА: Сiдзкō ме тэнō шлавги! А, мый нō, эн чукōсты?

ОВДЕЙ: Чукōстан, варыш моз уськōдчин, сьōлōмōй кокля бōрō лэтчис. Повзьōмла сикт помōдзыс пышйи!

АННА: Збыль ō мōй?

ОВДЕЙ: Збыль! Сōмын Марпалы ни-ни!

АННА: Чōв ола. Простит менō Овдеюшко! Вай пōльышта. (Анна пōляло, Овдей ньōжōника дзигōдō Аннаōс.Пырō Марпа)

ОВДЕЙ: Свадьбаōдз бурдōдча!(аддзō Марпаōс) Зарни свадьбаōдз, сiдз ōд Марпуша? Чипаныд дась нин? Став дульōй петiс.

МАРПА: Неуна виччысьышт. Сернинад вунi, кутщōм бандитъяс шуан пыралōмаōсь?

АННА: (Овдей тукнито Анналы) А-а! Вōтōн уськōдчис, быттьō вины менō кōсйны. Ся Овдей мездiс менō…

ОВДЕЙ: Пишальысь лыйлi ставсō!..

МАРПА: А мем век челядь вōтō петкōдчōны. Быттьо ичōтōсь, ме бōрся котралōны, сёйны корōны, ок-ок-ок. Со видлы картупеля шаньгасō, чōскыд абу?

ОВДЕЙ: А меным?

МАРПА. Нōрōвитышт, юрыд вōрзьōма да вермас восōдны

Ōвдей. Абу ōд ме рушкуа баба.

АННА: Ме тшōто чайта, мый оз позь… Ме том дырйи ветлi карō, паркō. Сэнi путболасисны, час мися сёйышта, босьтi блин, восьтi сулея …

ОВДЕЙ: Сулея? Паркын сулея юин?

АННА: Восьтi йōла тыра сулея! Пукси тшōтш видзōдны, вом паськōдōмōн. Ся друг, видчысьтōг, мачыс, кыдз швачкис чужōмо-садьōс воштi. Кор палялi – пемдiс син водзын, кутi киōн лпъявны чужōмōс. Ся чужōм кучикой кульсьыны кутiс…Ньōжъōника чуньясōн куля, а сiйō вōлōма блин лясōма да кык пинь. Ся юрой дыр довгис и восōдiс, нем эг вермы сейнысō, кытчōдз эз веськōдны.

ОВДЕЙ:Мый ся, ковмас тшыгъявны?

МАРПА: Шыд васō неуна паньыштан. Тшыг он кув, абу война кад… Вот сэки миянлы сюрлiс. Батьыд тыш вылын, Мамōс ог и аддзылōй-пыр удж вылын, ми витōнōсь, ме медса ыджыд. Ме и сеян тō пуа, и верда ставнысō, пемōстō дōзьōрита. Коркō Санюкōд тōвнас муiм турунла, бōр воигōн телегаыс сибдiс, сэтшōма мырдчим, мед кыскыны туй вылас, мый чойōй ворзис, вежон лёк горшōн равзiс, нинōм эг вермōй вōчны-кувсис, царство небеснōй.

АННА: Да, уна миянлы сюрлiс. А батьыд ловъя вои? Ме тай ассьым сōмын фотокарточка вылысь аддзылi.

МАРПА: Ловъяōн эськō воис да, сōмын висьтōм местаыс сылōн эз вōв. Во джын мысти кувсис.

АННА: Войнасьыс лёкыс, нинōм свет вылас абу.

ОВДЕЙ: Марпа, тырмас важсō гаравны. Со чипан дукыс нин кылō, вай нин шыдсō. (Марпа петō, вайō шыд)

МАРПА: Со, сёй, сōмын ньōжйō, вом тō эн сот! Счас Аннакōд тшōтш панялам.

ОВДЕЙ: Анна, вай шаньгасō, мый куш васō панявны. Аттьō, мездiн тшыг кулōмысь! (пырō Марпа, киас тасьтi шыд)

МАРПА: Вай пажнайтам (сёены)

ОВДЕЙ: Содты ещō!

МАРПА: Восōдас кō? Нōрōвит. Но, висьысыд ловзис!

ОВДЕЙ: Всё! Сьлōмōй бурмис, кыла, кыдз вынōй лыбō! Анна, вайлы пила тō, петам кильчō вōчны! (Анна чеччō)

Марпа: Пукав, мый нō мортсō сеигас нетщкан?

ОВДЕЙ: Пытщкōсыс пуō, удж корō, Анна, шыдыд оз пышйы, котōртлы вай.

АННА: Счас ветла.

МАРПА: Оз ков, талун шойчышт.

ОВДЕЙ: Со и би сетiсны.

МАРПА: Ура! (радысла вежнясьō)

ОВДЕЙ: Йōймин? Бара телевизор тō ключитан? Сэтщōма радлан.

МАРПА: Ог! Чипансō кōдзыд васьыс кыска да колодильникō сюя, мед оз тщык!

АННА: Тiянкōд гажа, но колō и честь тōдны. Луныс со зэв ōдйō колис.

МАРПА: Тэрмасян кытчōкō? (сетō кампет) На чōсмōдчан гортад, чайнад юан. Колльōдам колōк тэнō?

(паныд локтō ведушōй)

ВЕДУШŌЙ. Со, тiянлы, Чирк гозья, письмō, армияысь буракō.

МАРПА:. Но-ко вайлы … Ивансянь, армияысь, очкиыс нō кōн?

АННА: Прамōй тiян Иваныд, армиясьыс эз пышйяв, кыдз мукōдыс. Бура служитō?

ОВДЕЙ: Куш благодарностьяс! Менам велōдōмыс!

АННА: Тōда, став сиктса уджсō кужō вōчны, зэв киподтуя.

ОВДЕЙ: Менам вужьясыс! Мый нин гижō? Терпенье бырис (Марпа шлюпкō) Мый лои?

МАРПА: Синваōй горшасьō, ог вермы висьтавнысō.

ОВДЕЙ: Вот шогōдысьысь, мыйкō лёктор гижōма?

МАРПА: Абу! Ставыс бур!

ОВДЕЙ: Мый ся лимзан? Вай ачым лыддя, мытчы очкитō…

МАРПА: Со лыддьы…

ОВДЕЙ: (лыддьō) “ Чолōм мамō и батьō! Гижō тiянлы армияысь Иван. Регыд дембель. Ме кōсъя лэптыны ыджыд керка, тiянлы тшōтш лōсьōда жыр. Невеста сетiс сōглас овмōдчыны татчō. Кор воам, ворсам ыджыд свадьба. Видчысьōй, регыд аддзысям. Тiян Иван.”

МАРПА: Мый но сэтшōм дембельыс?

ОВДЕЙ: Службаыс помасьō, вот! Регыд лэдзасны гортō.

АННА: Татчō кōсйō локны овны? Вот дивоыд…

МАРПА.Мый нō, выль керка лэптыны кōсйō? А кутшōм нō невеста йылыс сернитō?

ŌВДЕЙ. Гōтыр пу вайō татчō!

МАРПА: Сiдзкō свадьба кежлō колō дасьтысьны? Шудыс усис видчисьтōг! Аттьō, енмōй татщōм юōртōмысь! (Анна да Марпа бōрдōны

ОВДЕЙ: О! Ся кыкōн заводитiсны омлявны. Ланьтōй! Радлыны колō, а тō бōрданныд! Кутшōм лōсьыд сьōлōм вылō лои! (йоктыштō, сьылы) “Корошо, все очень корошо, все очень корошо, я это знаю…”

МАРПА: Мун сэсь, аслад Верка - сердючканад! Бурджык “Шондiбан» сьылам.

(сьылōны сьыланкыв М.Оверинлысь “Шондiбан”)

АННА: Зэв тай лōсьыд, тiян Иван вылō видзōдōмōн, гашкō и миян том гозьяыс воасны да овмōдчасны. Енмōй, вōч сiдзи, мед тачō воасны! Мед бōр ловзяс миян сиктыс!

МАРПА: Шондiбанōй олōмōй! Мед эськō сё арōсōдз овны да дзоньвидзавны!

ОВДЕЙ: Во! Няргыны кутiсны, гашкō ещō енмыслысь коранныд, мед биыс некор оз кус, мед пенсияыд лыбас?

МАРПА: Ковмас кō и корам, но медся ыджыд шудыс-мед пōрысьланьō не кольны ōткаōн!

АННА: Мед ыджыд начальникясыс миянōс оз вунōдны!

ОВДЕЙ: Мед век волi орччōн тōждысяна морт! Коркō ставōн воанныд миянōдз! Пōрысьлы кō отсалан, шудыс тэысь некор оз бергōдчы!

Й

П О М!!!

Дата добавления: 2015-08-03