Радуйся, последних времен отче Василие Великий, за Русь православную мужественный воителю!

Кондак 8

Странное и преславное чудо видим о тебе, праведный отче, егда в болезни тяжце и немощи пребывая, песнь благодарения Подвигоположнику Христу непрестанно приносил еси. Мы же по образу твоему, в скорбех и радостех своих прилежим славити Господа, поюще Ему: Аллилуиа.

Икос 8

В сею душею ревнуя о покаянии русскаго народа и возстановлении Православного Самодержавнаго Царства, пламенный молитвенник к Государю – мученику Николаю II –искупителю явился еси. Темже ныне веруя, небесному предстательству твоему вкупе с царственными великомученицами, поем ти таковая:

Радуйся, царственным мученицам моливыйся;

Радуйся, от нечестия и ереси ересей сохранивыйся;

Радуйся, грозное беззаконным обличение;
Радуйся, непреложное их посрамление;

Радуйся, о возстановлении царской самодержавной власти ревновавый;
Радуйся, о Грядущем Государе горячо моливыйся;

Радуйся, царственное имя, аки воин Царя Небеснаго носивший;

Радуйся, крест свой на рамена вземший;

Радуйся, православных воинов окормляющий;

Радуйся, их на брань против врагов Веры, Царя и Отечества уготовляющий;

Радуйся, врагов Церкви грозный обличителю;

Радуйся, Христов истинный служителю;

Радуйся, последних времен отче Василие Великий, за Русь православную мужественный воителю!

Кондак 9

Вся скорби и труды доблествено претерпел еси, даже до блаженныя кончины твоея, отче Василие. Шествуя по пути спасения, во вся оружия Божия обечен был еси, яко да возможеши стати противу кознем диавольским. Препоясав чресла своя истиною, и облекшеся в броня правды, восприял еще щит веры, шлем спасения и меч духовный, поя Богу: Аллилуиа.

Икос 9

В етии многовещаннии не возмогут в полноте изобразить любовь твою, еюже отходя ко Творцу, преисполнен был еси к чадом твоим о Господе: восхотев бо и по отшествии своем присно поучати их, яко живый, завещал еси им вся потребная ко спасению. Сего ради из глубины души вопием ти:

Радуйся, себе внимати поучавый;

Радуйся, любити мир и яже в мире нам воспрещавый;

Радуйся, пред очами своими Господа всегда имети наставлявший;

Радуйся, на жития святых взирати нам вещавший;
Радуйся, любити друг друга нам завещавший;

Радуйся, твердую веру в нас насаждавший;
Радуйся, Устава монашескаго ревнителю;

Радуйся, чистоты и целомудрия рачителю;

Радуйся, последних времен отче Василие Великий, за Русь православную мужественный воителю!

Кондак 10

Н емощию телесною и подвигами жития утружденный, после тяжкой болезни душу свою в руце Божии тихо предал еси. И незадолго до кончины твоея в созданной тобою обители, источник во Имя Пресвятыя Богородицы воздвигл и освятил еси. Мы же ныне с верою почерпая воду из кладязя, тобою освященнаго, вопием о тебе Богу: Аллилуиа.

Икос 10

С тена еси и огражение всем к заступлению твоему прибегабщим, преподобне отче. Темже и нам, к тебе притекающим и твоея помощи просящим, буди стена крепкая и ограждение необоримое, избавляя от бед и напастей, да с любовию поем ти таковая:

Радуйся, пастырю наш предобрый;

Радуйся, и по преставлении твоем молитвенниче наш неусыпный;

Радуйся, свет миру и соль земли бывший;

Радуйся, яко светильник горящий во тьме заблуждения явивыйся;
Радуйся, прибежище наше во всех скорбных обстояниих;

Радуйся, несумненное утешение в печалех;

Радуйся, лозо добродетельная винограда Хритова;

Радуйся, древо чудоточное рая Иисусова;

Дата добавления: 2015-10-30